Lohahevitra : Filira

Lahabolana an-kira, fanao amin'ny faritra atsimo andrefan'ny nosy ny "beko" ka ny tena miangaly azy ity dia ry zareo Antandroy sy Masikoro ; fanao an-danonana (fahoriana na fifaliana) ity karazan-dahabolana ity. Tahaka ny karazana literatiora aman-dahabolana rehetra dia mivoatra ny "beko" ka na eo aza ny mbola fiangaliana ny "beko" nentim-paharazana dia efa misy ihany koa ny amin'ny endriny ankehitriny. Ho an'ny "beko" nentim-paharazana dia samy afaka mibeko avokoa ny rehetra : na kely na lehibe, indrindra ny zatovo lahy. Ny "beko" vaovao dia miavaka amin'ny tonony sy ny feony raha mitaha amin'ny nentim-paharazana ka ampiasaina amin'ny hira fanao any am-piangonana sy ny hira madinika izy ireny...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Taratasy ho an’ny kristianina Hebrio 7, 25 — 8, 6

Indray mandeha monja Izy no nanolotra fanatitra tamin’ny nanolorany ny tenany.

Ry kristianina havana,
i Jesoa no mahavonjy marimarina izay manatona an’Andriamanitra amin’ny alalany,
satria velona mandrakizay hanao fifonana ho azy ireo.
Eny tokoa, dia Mpisorombe toy izao no sahaza antsika:
masina, tsy manan-tsiny, tsy misy pentina, voaavaka amin’ny mpanota,
voasandratra avo noho ny lanitra;
ary tsy mila hanolotra sorona isan’andro toy ny mpisorombe hafa
ho an’ny fahotan’ny tenany aloha, dia ho an’ny vahoaka koa;
fa indray mandeha monja Izy no nanao izany
tamin’ny nanolorany ny Tenany, dia ampy.
Satria olona zoim-pahalemena no atsangan’ny Lalàna ho mpisorombe:
fa ny tenin’ny fianianana taorian’ny Lalàna kosa
dia manendry ny Zanaka,
izay tonga amin’ny fara fanaperana mandrakizay.
Fa izao no tompon’ny zavatra lazaina amin’izao,
dia ny ananantsika Mpisorombe toy izany,
izay mipetraka eo ankavanan’ny seza fiandrianan’ny Avo indrindra any an-danitra,
mpandraharaha ao amin’ilay tena fitoerana masina
sy tena tranolay tsy naorin’olona,
fa naorin’ny Tompo.
Satria ny mpisorombe rehetra,
dia tendrena mba hanolotra fanatitra sy sorona,
ka tsy maintsy mba manan-katolotra koa izy.
Raha ety an-tany,
dia tsy mba ho mpisorona akory izy,
satria misy rahateo izay manolotra fanatitra araka ny Lalàna;
ireo dia sary sy tandindon’ny any an-danitra fotsiny
no fanompoana ataony araka ny natoron’Andriamanitra an’i Môizy
ilay efa hanao ny tranolay iny izy hoe:

“Tandremo mba ho vita araka ny ohatra naseho anao
tany an-tendrombohitra ny zavatra rehetra.”

Fa ny azy kosa dia fandraharahana ambony lavitra,
fa Mpanalalana amin’ny fanekena tsaratsara kokoa
sy miankina amin’ny fampanantenana ambony kokoa.

— Izany àry ny tenin’ny Tompo.

Setriny

Salamo 39, 7-8a. 8b-9. 10. 17

Inty aho tamy, Tompoko. Ny manao ny sitrakao no mamiko.

Tsy sitrakao ny sorona sy ny fanatitra,
nosokafanao manko ny sofiko.
Tsia, tsy misy ilainao izay sorona dorana sy fanonerana:
ka hoy aho hoe: “Inty aho tamy.”

“Voasoratra ao amin’ny Boky ny momba ahy!
Ny manao ny sitrakao, ry Andriamanitro no mamiko!
Eny, ato anatin’ny foko
ny Lalànao!”

Torìko ao am-piangonam-be
ny fahamarinanao.
Fantatrao, ry Tompo;
tsy akomboko ny molotro.

Fa hifaly sy hiravo aminao kosa
izay rehetra mitady Anao;
ary izay tia ny vonjinao
hivolan-dava hoe: “Lehibe ny Tompo!”

 

Evanjely

Aleloia. Aleloia.

Araikao amin’ny fanambarànao ny foko ry Tompo,
ary ny lalanao no aoka hanenika ahy.

Aleloia.

Evanjely Masina nosoratan’i Masindahy Marka 3, 7-12

Niantso ny fanahy ratsy nanao hoe: “Ianao no zanak’Andriamanitra”, fa norarany izy ireo mba tsy hanao izay hahafantarana azy.

Tamin’izany andro izany:
Lasa nankany amin’ny ranomasina
niaraka tamin’ny mpianany i Jesoa,
ary maro ny olona avy tany Galilea no nanaraka Azy.
Ary maro koa no tany Jodea sy Jerosalema,
sy tany Idomea, sy tany an-dafin’i Jordany,
ary tamin’ny tany manodidina an’i Tira sy Sidôna
no nankeo aminy nony nandre ny nataony.
Ary nilaza tamin’ny mpianany Izy
mba hanomana sambo kely hiandry Azy eo
noho ny habetsahan’ny vahoaka
fandrao dia poritin’ny olona Izy.
Fa nahasitrana olona betsaka Izy,
ka nifanesika hanendry azy
izay rehetra nanana aretina.
Ary raha nahita Azy koa ny fanahy maloto,
dia miankohoka eo anatrehany ka miantso Azy hoe:

“Ianao no zanak’Andriamanitra”;

fa rarany sy rahonany mafy izy ireo
mba tsy hanao izay hahafantarana azy.

— Izany àry ny tenin’ny Tompo.

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Taratasy ho an’ny kristianina Hebrio 7, 1-3. 15-17

Ianao dia Mpisorona mandrakizay araka ny fanaon’i Melkisedeka.

Ry kristianina havana,
io Melkisedeka io, izay mpanjakan’i Salema,
mpisoron’ny Avo indrindra,
nitsena an’i Abrahama fony izy avy nandresy mpanjaka maro, nitso-drano azy,
notoloran’i Abrahama ny ampahafolon’ny babony rehetra;
— “mpanjakan’ny fahamarinana” no hevitr’anarany voalohany,
vao “mpanjakan’i Salema” koa,
izany hoe “mpanjakan’ny fiadanana”;
tsy ray tsy reny izy,
tsy nanana tantaram-pirazanana izy,
tsy voalaza andro niandohana na niafaram-piainana —
ka nampitoviana tamin’ny Zanak’Andriamanitra,
dia mitoetra ho mpisorona mandrakizay.
Vao mainka hita mihamazavazava kokoa indray izany,
rahefa nisy Mpisorona hafa tokoa niseho
tahaka an’i Melkisedeka:
tsy mba voatendry araka ny didin’ny Lalàna momba ny nofo,
fa araka ny herin’ny fiainany tsy manam-pahataperana,
fa toy izao no anambaràna azy:

“Ianao no Mpisorona mandrakizay
araka ny fomban’i Melkisedeka.”

— Izany àry ny tenin’ny Tompo.

Setriny

Salamo 109, 1. 2. 3. 4

Ianao dia mpisorona mandrakizay araka ny fanaon’i Melkisedeka.

Tenin’ny Tompo amin’ny Tompoko:
“Mipetraha ankavanako,
mandra-panaoko ny fahavalonao
ho fitoeran-tongotrao!”

Ny tehinao mahery
ahinjitry ny Tompo:
“Avy ao Siôna,
manjakà hatr’anivom-pahavalo!”

Fa Anao ny fiandrianana
hatramin’ny andro nahaterahanao!
Fa Izaho niteraka Anao teo am-Bohitra Masina:
toy ny mazava atsinanana miteraka ny ando!

Hoy ny fianianan’ny Tompo
ka tsy hanenenany:
“Ianao mpisorona mandrakizay
araka ny fanaon’i Melkisedeka!”

 

Evanjely

Aleloia. Aleloia.

Velomy araka ny hatsaram-ponao aho,
mba hitandremako ny Fanambarana avy amin’ny vavanao.

Aleloia.

Evanjely Masina nosoratan’i Masindahy Marka 3, 1-6

Inona no mety hatao ny sabata: ny mamonjy aina sa ny mamono?

Indray Sabata,
i Jesoa niditra tao amin’ny Sinagôga,
ary nisy lehilahy anankiray maty tanana an’ila tao.
Ary nizaha taratra Azy ny sasany
na hanasitrana an’io amin’ny sabata Izy na tsia,
mba hiampangany Azy.
Dia hoy Izy tamin’ilay lehilahy maty tanana:

“Mitsangàna etsy afovoany.”

Ary hoy koa Izy tamin’ny olona:

“Inona no mety hatao amin’ny sabata,
ny soa sa ny ratsy, ny mamonjy aina sa ny mamono?”

Fa tsy niteny tsy nivolana izy ireo.
Dia nijery azy rehetra tamin-katezerana Izy,
sy nalahelo noho ny hajamban’ny fony,
ary nilaza tamin-dralehilahy hoe:

“Ahinjiro ny tananao.”

Dia nahinjiny, ka sitrana ny tanany.
Ary lasa nivoaka ny Farisianina:
ka niaraka tamin’izay
dia niara-nihevitra tamin’ny Herôdianina
hanao izay hahavoazana Azy.

— Izany àry ny tenin’ny Tompo.

Lohahevitra : Vaovao

♦ Mitàna ny heviny hatramin'izay dia ny mba hanaovana andro tsy fiasana ny androm-pifidiana ny ONG Tolotsoa. Ny fanentanana ny olona hifidy no laharam-pahamehana hoy  ity fikambanana tsy miankina ity... ♦ Mahazo laka indray ny fisolokiana asa any ivelany. Misy ny fijoroana vavolombelon'ireo lasibatra tamin'izany... ♦ Tsy foana fa nahemotra ary hiova endrika ny fifaninana handraisana mpiraki-draharaham-pitsaràna...  ♦Ahitàna soritr'aretina Covid-19 avokoa ny 89% an'ireo mponina ao Henan, izay faritany fahatelo be mponina indrindra any Chine...

Lohahevitra : Vaovao

♦ Voafonja 266 no efa afaka nody tany amin'ny fianakaviany ho an'ny fonjan'Antinimora hatramin'ny omaly alahady. Efa nihatra nanomboka ny faran'ny heriandro teo ny didim-panjakàna mamamritra ilay fanalefahan-tsazy sy famelan-tsazy manontolo nomen'ny Filohan'ny Repoblika.... ♦ Herinandro faharoa ao anatin'ny volana janoary izay hanohizana ny fanavaozana tanteraka ny lisitry ny mpifidy eto Madagasikara ity heriandro ity. Malaina amin'ny fanohizana ny asa ny CLRE araka ny tatitra nataon'ny ONG Tolotsoa... ♦ Mihena ho 10 ireo tranga vaovao amin'ny Covid-19 nanomboka ny faran'ny taona hatramin'ny 6 janoary teo. Mbola misy 26 ireo olona tratry ny Covid-19 ary ny 4 no mbola tena manana olana lehibe eo amin'ny fahasalamana...

Lohahevitra : Vaovao

♦ Mbola nanamafy ny fitakiana ny hanatsaràna ny fomba fikarakaràna ny fifidianana hotanterahina amin'ity taona ity ny RMDM. Nilaza Andriamatoa Marc Ravalomanana fa tokony hovaina ny Lalàm-pifidianana sy ireo mpikamban'ny rafitra mpikarakara... ♦ Velaran-tany 13.000 ha any antampon' i Ihorombe no hanaovana tetik'asa fampandrosoana marolafy. Hapetraka any an-toerana ny "zone d'emergence integré" hoy ny Governora any an-toerana... ♦ Miantso ny Fanjakàna foibe hijery akaiky ny fomba hamahàna ny olana mampikatso ny fisokafan'ny orinasa Base Toliara ireo Sefo Fokontany ao Toliara-I. Ho tombontsoan'ny Faritra Atsimo-Andrefana no anton'izany hoy izy ireo...

Lohahevitra : Vaovao

♦ Namita ny adidiny tamin'ny Filoham-pirenena mivady, niarahaba azy ireo noho ny nahatratrarana ny taom-baovao 2023, teny Iavoloha androany, ireo Andrim-panjakana isan-tsokajiny eto Madagasikara... ♦ Hanatanterahana fampandrosoana maro lafy ny velaran-tany mirefy 13000 Ha any antampon'i Ihorombe... ♦ Miangavy ny fitondrana foibe hijery akaiky ny hamahana ny olana mampikatso ny fisokafan'ny Orinasa Base Toliara, ireo Sefo Fokontany any an-toerana, noho ny tombontsoa ambaran'izy ireo hositrahan'ny Faritra Atsimo Andrefana, amin'izany...

Lohahevitra : Miara-dalana

♦ Hotanterahana ny 15 janoary 2023, ny fanamasinana ho Eveka an'i Mgr Donatien Randriamalala, izay voatendrin'ny Papa ho Evekan'ny Diôsezin'Ambanja... ♦ Tafiditra ao anatin'ny andiany faharoa amin'ny Sinaody andiany fahafito izay iainanan'ny ao amin'ny Arsidiôsezin'Antsiranana izy ireo ankehitriny, ifanentanana amin'izany ny hoe "Diôsezy maitso"... ♦ Ny 22 janoary 2023, no hankalazan'ny eto amin'ny Diôsezin'Antananarivo, ny fetin'ny Seminera Zandriny Ambohipo, izay natokana hitondrana am-bavaka sy hanohanana azy ireo...

Lohahevitra : Vaovao

♦ Maika ny fanarenana ny firenena hoy ny filoha teo aloha Marc Ravalomanana ary mbola vonona hitarika izany izy. Izay no nambarany raha niarahaba azy noho ny fahatratrarana ny taona vaovao ny vehivavy TIM... ♦ Mitaky fanitsiana ny karama, hifanaraka amin'ny fiakaran'ny vidm-piainana amin'izao fotoana izao ny Firaisan-kinan'ny Sendika eto Madagasikara na ny SSM. Hanao hetsika fanairana izy ireo ny 15 janoary izao... ♦ Sahirana ny mponina ao Toliara noho ny tsy fisian'ny asa. Manampy trotraka ny fahatongavan'ny mpifindra monina. Miantso ny tompon'andraikitra hijery akaiky ny fomba hisokafan'ny Base Toliara ny Ben'ny Tanànan'ny Kaominina andrenivohitra Vita Dédé Sidison...

Lohahevitra : Andriano ny fahasalamana
Voadika amin'ny fiteny :  Français (France) 

Ny donika sy ny bonibony dia mety hankarary ny sokajin'olona maro : zaza, olon-dehibe. Samy avy amin'ny tsimok'aretina avokoa no ahazoana ireo aretina ireo. Ny donika sy ny bonibony dia indray mandeha ihany no mitranga amin'ny fiainan'ny olombelona iray, ary mamela heri-fiarovana mandrakizay ao aminy izany aorian'ny fandalovan'ireo aretina ireo. Ny donika ratsy fanaraha-maso dia mety ahazoana takaitra : marenina, fahamombàna, fikorotanan'ny siramamy anaty vatana. Ny fisorohana azo atao : fanadiovana ny ati-vava. Ny ireo aretina ireo dia samy mifindra amin'ny alalan'ny piti-drora. Ny fisehon'ny bonibony : mangirifotra madinika manomboka eo amin'ny tarehy vao miparitaka, fotoana fohy. Fambara : tarimo ao amin'ny hatoka...

Lohahevitra : Vaovao

♦ Nigadona an-tanindrazana omaly ny filohan'ny fivondronamben'ny Evekan'i Madagasikara MGR Raharilamboniaina Marie Fabien rehefa avy nanatrika ny fotoam-pandevenana an'ny Papa Emérite Benoît XVI, tany Vatican ny alakamisy lasa teo... ♦ Handray andraikitra amin'ireo minia manafina entam-barotra ny Ministera misahana ny Varotra sy ny Fanjifàna. Fandikan-dalàna izany hoy ny tompon'andraikitra raha nidina ifotony nijery ny vidim-bary omaly... ♦ Mitranga ao Toliara-I ny fifindra-monina an-tanàn-dehibe. Tsy miomana handray ireo mpifindra monina noho ny foto-drafitr'asa tsy ampy nefa ny ao Toliara ka miteraka olana ara-tsôsialy izany hoy ny solombavambahoaka RABEHAJA Jean...

Lohahevitra : Vaovao

♦ Hotsiahivina amin'ny taranaka faramandimby ny fampianarana nataon'ny Papa Emérite Benoît XVI, hoy ny filohan'ny fivondronamben'ny Eveka, Mgr Marie Fabien Raharilamboniaina, raha nigadona teny amin'ny seranam-piaramanidina Ivato androany, avy nanatrika ny fandevenana azy tany Vatican... ♦ Fandikan-dalàna ny fanafenana entam-barotra toy ny vary, ka handray ny andraikitra tandrify azy ny Ministera misahana ny Varotra sy ny Fanjifàna... ♦ Tratran'ny fifidra-monina an-tanàn-dehibe ny ao Toliara-I hoy ny solombavambahoaka voafidy tao an-toerana RABEHAJA Jean. Tsy mandrara ny fifindra-monina ny lalàna misy saingy tsy voaomana handray ireny, ny foto-drafitr'asa misy ao Toliara hany ka miteraka olana ara-tsôsialy...

Sous-catégories

Vaovao

Arofanina

[Miara-dàlana] Zoma 17 oktobra 2025

• Hampafantarina amin'ny fomba ofisialy ny alahady 9 novambra 2025, ny Baiboly Masina Katolika misy fanazavana... • Manatanteraka fihaonambe maneran-tany any Argentine, ny Lahika Karismatika Orionista... • Loharanon'ny fanantenana sy ny fahafenoana ny fitsanganan'i Kristy ho velona, hoy ny Papa Léon XIV, tamin'ny fampianarany nandritra ny Audience générale ny alarobia lasa teo...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...