Lohahevitra : Vaovao

♦ Mbola nohamafisin'ny Préfet-n'ny Polisy ny fepetra ara-pahasalamana tsy maintsy arahina ho fiatrehana ny faran'ny taona sy ny taom-baovao, eto amin'ny Faritra Analamanga... ♦ Misy ambadika pôlitika sy fikendrehana famotehana ny fitorian'ny Solombavambahoaka iray an'i Jean Nirina Rafanomezantsoa, raha ny nambarany androany... ♦ Basy 358 no nisy nanatitra teny amin'ny tobin'ny zandary tany amin'ny Faritanin'i Fianarantsoa, Toamasina ary Antsiranana, vokatry ny fanentanana nataon'ny Zandarimariam-pirenena...

Lohahevitra : Hirika
Voadika amin'ny fiteny :  Français (France)   English (United Kingdom) 

Hifarana ny taona, ora vitsy sisa dia hivalona ny taona 2021, efa ao anatin'ny taona vaovao 2022 indray isika amin'ny herin'ny anio. Tamberina fohy ireo zava-nisy nisongadina nanamarika ity taona 2021 ity teo amin'ny sehatry ny fampandrosoana ny tontolo ambanivohitra no hamaranana ny fandaharana amin'ity taona ity. Fandaharana "Hirika" tontosain'Andriamatoa Rakotoarison James Daniel, mpanao gazety eto anivon'ny Radio Don Bosco.

Lohahevitra : Vaovao

♦ Manentana an'ireo olona monina eny ambanin'Ampahamarinana sy ny manodidina ny BNGRC mba handao izany toerana izany. Tandindomin-doza tanteraka izany faritra izany amin'izao fiavian'ny orana izao... ♦ Miantso ny malagasy hiandry ampitoniana ny vokatry ny fanadihadiana tamin'ny loza nitranga an-dranomasina tany amin'ny faritra Analanjirofo ny fikambanana JIDIFFATO... ♦ Mirongatra ny Covid-19 any amin'ny faritra Atsimo-Atsinanana. Mandray fepetra hisorohana ny fiparitahany ny tompon'andraikitra...

Lohahevitra : Miaina sy mitia
Voadika amin'ny fiteny :  Français (France) 

Maro ireo lohahevitra nifampizaràna nandritry ny taona 2021, nifampizaràna ary nahafahana nanasongadina ny hoe : fibeazana miaina sy mitia. Lohahevitra lehibe ny hoe : fifankaherezana sy fifanohanana, indrindra tamin'ny fiatrehana ny covid-19. Fintinina amin'ity fandaharana ity ny vita rehetra nandritry ny taona 2021 ka arahina tomban'ezaka.

Lohahevitra : Mba ho vanona
Voadika amin'ny fiteny :  Français (France) 

Ny fomba fanehoam-pitiavana eo amin'ny olona roa, eo amin'ny mpifankatia, mpianaka, mpinamana dia mifototra koa amin'ny fifanajàna. Mampiavaka antsika malagasy ny fandrindrana ny fiaraha-monina amin'ny alalan'ny fifanajàna, eo koa ny fifandraisana amin'ny zavaboahary. Fandaharana "mba ho vanona", iarahana amin'i Jeneraly Désiré Philippe Ramakavelo.

Lohahevitra : Vaovao

♦ Mirongatra ny tsy fandriampahalemana any amin'ny distrika Amboasary-Atsimo. Ny fisian'ny kolikoly no antony hoy ny filohan'ny CFM... ♦ Nahatontosa ny asany tamin'ny vonjy voina nihatra tamin'ireo tao anatin'ny angidimby nianjera an-dranomasina tany Mahambo ny BNGRC hoy ny tale jeneraliny, ny Jeneraly Elak Olivier Andriakaja... ♦ Nampahafantatra ny boky mirakitra ny momba an'ireo mpampivelona ara-dalana eta Madagasikara ny holafitry ny mpampivelona...

Lohahevitra : Vaovao

♦ Mampanahy ny tsy fandriampahalemana any amin'ny Disitrikan'Amboasary, ka anaovan'Andriamatoa Maka Alphonse antso avo amin'ny fandraisana andraikitry ny mpitondra... ♦ Taonan'ny asa ho an'ny Faritra Atsinanana ity taona ity, raha ny jery todika nataon'ny Governora any an-toerana... ♦ Hiteraka olana lehibe ny tsy fandraisana andraikitra manoloana ny fibodoana tany, ataon'ny olon-tsotra eny amin'ny tanin'ny oniversitem-panjakana...

Lohahevitra : Miara-dalana
Voadika amin'ny fiteny :  Français (France) 

Mirary soa ho an'ny vahoaka Malagasy rehetra ny Filohan ny FFKM, Mgr Odon Marie Arsène Razanakolona, Arsevekan'Antananarivo, mba hanjaka eto amin'ny firenena ny marina, amin'izao taona vaovao 2022 izao.

Lohahevitra : Vaovao

♦ Mbola tsy nandrenesam-baovao ôfisialy ihany hatramin'izao ny momba ilay volamena 49 kilao tratra tatsy Comores... ♦ Mitaky ny fametraham-pialan'ny Minisitry ny Angovo sy ny Tale Jeneralin'ny Jirama ny Depiote Todisoa Andriamampandry, manoloana ny fahatapahan'ny herinaratra tato ho ato... ♦ Nanameloka ilay fandratrana tovovavy, tamin'ny fomba feno habibiana tany Fenoarivobe, ny Minisiteran'ny Fahasalamam-bahoaka...

Lohahevitra : Tenin'ny Tompo
Voadika amin'ny fiteny :  Français (France) 

Sabotsy 8 janoary 2022 — Herinandro manaraka ny Epifania — Ny olona nitoetra tao amin’ny maizina, dia nahita fahazavana lehibe; ary ireo izay nitoetra tao amin’ny tany aloky ny fahafatesana no niposahan’ny mazava — Evanjely Masina nosoratan'i Masindahy Joany 3, 22-30

Lohahevitra : Tenin'ny Tompo
Voadika amin'ny fiteny :  Français (France) 

Zoma 7 janoary 2022 — Herinandro manaraka ny Epifania — Nitory ny Evanjelin’ny Fanjakan’Andriamanitra i Jesoa, ary nanasitrana ny aretina sy ny rofy rehetra tamin’ny olona — Evanjely Masina nosoratan'i Masindahy Lioka 5, 12-16

Lohahevitra : Tenin'ny Tompo
Voadika amin'ny fiteny :  Français (France) 

Alakamisy 6 janoary 2022 — Herinandro manaraka ny Epifania — Mpaminany lehibe no efa niseho eto amintsika, ary Andriamanitra efa namangy ny olony — Evanjely Masina nosoratan'i Masindahy Lioka 4, 14-22a

Sous-catégories

Vaovao

Arofanina

[Miara-dàlana] Zoma 23 mey 2025

• Hotanterahana ny 16 sy 17 aogositra 2025 ao amin'ny ESCA Antanimena, ny taon-jobily ho an'ny olom-boatokana... • Ny alahady 25 mey 2025 no hiombonan'ny diosezin'Antananarivo manotolo amin'ny fanohanana ny Seminera Zandriny Ambohipo... • Hitarika ny Consistoire voalohany amin'ny maha Papa azy, ny 13 jona 2025 ao amin'ny Lapa Apostolikan'i Vatican, ny Papa Léon XIV...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...