Lohahevitra : Vaovao

♦ Hiteraka fahavoazana ny fanosehana ny filoham-pirenena hanitatra ny fe-potoam-pitondràny fanintelony, hoy ny Profesora Ralison Roger, manoloana ny vaovao niparitaka tato ho ato... ♦ Tafakatra 49 isa ireo olona matin'ny fahapoizinana ara-tsakafo faobe nanerana an'i Madagasikara, tao anatin'ny iray volana latsaka herinandro. Tsy nahenoina fanazavàna intsony ireo tompon'andraikitra ambony, efa herinandro mahery izao... ♦ Vola 70.000 Ariary hatramin'ny 1.000.000 Ariary no ilaina ho an'ny ankizy iray, amin'ny fidirany mianatra amin'ny taom-pianarana ho avy io. Efa mila miomana amin'izany indray ny ray aman-dreniny amin'izao roa volana mialoha izao...

Lohahevitra : Filira

Ramanetaka dia governora an'i Mahajanga tamin'ny andron'i Mpanjaka Radama. Raha araka ny tetiarana dia Printsy Malagasy amin'ny laharan'ny olona mandova fanjakàna avy amin'i Radama-I, izy satria zanaky ny Mpiray tampo amin'i Radama. Tsy nanana zanaka anefa ny Mpanjaka Radama, ny Mpanjaka Ranavalona-I no nandimby azy ka nampamono izay mety ho mpandova fahefana sy fanjakàna mba hanjakany ankalalahana, noho izany dia nitsoaka tao Comores i Ramanetaka. Rehefa niorom-paka sy nifanandrina tamin'ny tompom-pahefana tao Comores izy dia lasa Mpanjaka tao, nandray ny anarana Abdou-Raman...

Lohahevitra : Vaovao

• Andro faharoa ny anio amin'ny fanadinana Bakalorea Katolika. Mpiadina maherin'ny 64.000 avy amin'ny Sekoly Katolika no miatrika izany manerana ny nosy... • Vao mainka mitotongana ny vidin'ny lavanila any amin'ny Faritra Sava ankehitriny. Nidina hatrany amin'ny 5.000 Ariary ny kilaon'ny lavanila maitso, raha ny tatitry ny Solombavam-bahoaka avy any amin'iny Faritra iny... • Tolotra asa arivo isa no homena ireo mpitady asa mandritra ilay hairanty momba ny Call Center eny Andavamamba. Mbola tsy ampy satria mpiasa 60.000 no tadiavin'ireo orinasa mandraharaha eo amin'ity sehatra ity eto amintsika...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Miseho amin'ny endrika maro ny fahamasinana, niainga tamin'ny safidim-piainana manokana ny famaliana ny antso ho amin'ny fahamasinana, ny maro nijanona ho lahika, fa ny sasany niroso tamin'ny fanokanan-tena ho pretran na relijiozy.Ho fikatsahana ny fahamasinana dia miara-misalahy sy mifanome tanana hifanompo sy hifampitondra mankany amin'Andriamanitra... Katesizy momba ny antso - Loloha lanitra - ho amin'ny fahamasinana ao amin'ny Eglizy, iarahana amin'i P. Wagner Randriamampandry.

Sous-catégories

Vaovao

Arofanina

[Miara-dàlana] Alatsinainy 11 aogositra 2025

• Kristy, loharanon'ny fanantenana, ny fampihavanana ary ny fiadanana. Vinan'ny Fiangonana Fianakavian'Andriamanitra eto Afrika, ho an'ny 25 taona ho avy. Io no hafatra avy amin'ny Fihaonambe faha-20-n'ny Fivondronamben'y Eveka Katolika eto Afrika sy Madagasikara... • Tontosa ny 10 aogositra 2025 ny Eokaristia Masina, nametrahana an'i Mgr Marek Ochlak, teo amin'ny fiketrahana maha Evekan'ny Diosezin'i Fenoarivo Atsinanana azy... • Na aiza na aiza misy antsika, aza avela ho verivery foana ny fotoana ahafahana mitia. Io no fanentanana nataon'ny Papa Léon XIV, nandritra ny vavaka Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...