Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Tamin’izany andro izany, nisy nilaza ny Tempoly ho voaravaka vato tsara sy fanatitra sarobidy, fa hoy i Jesoa: "Ho avy ny andro handravana ireo zavatra rehetra hitanareo ireo, ka tsy havela hisy vato mifanongoa eo izay tsy horavana". Dia nanontany Azy izy ireo nanao hoe: "Ry Mpampianatra, rahoviana no ho tonga izany, ary inona no famantarana hahalalana fa efa akaiky izany?" Dia hoy i Jesoa hoe: "Tandremo sao voafitaka ianareo, fa maro no ho avy hisandoka ny Anarako hanao hoe: ‘Izaho no izy‘ ary ‘efa akaiky ny andro‘, ka aza manaraka azy. Ary raha mandre ady sy fikomiana ianareo, aza taitra: fa tsy maintsy ho tonga aloha izany, nefa mbola tsy ho tonga miaraka amin’izay akory ny farany". Dia hoy koa Izy tamin’izy ireo: "Hisy firenena hitsangana hiady amin’ny firenena, sy fanjakana hiady amin’ny fanjakana; hisy horohoron-tany mafy sy areti-mandringana ary mosary amin’ny tany samihafa; eny an-danitra koa, dia hisy fisehoana mahatahotra sy famantarana lehibe. Fa alohan’izany rehetra izany ianareo, dia hosamborina, hoenjehina, hoentina any amin’ny sinagôga sy any an-tranomaizina, ary hatolotra amin’ny mpanjaka sy ny mpitondra noho ny Anarako. Izany no ho tonga aminareo, dia mba ho vavolombeloko ianareo.

Koa alatsaho ao am-ponareo ny mba tsy hihevitra mialoha izay havalinareo akory; fa Izaho ihany no hanome vava anareo, sy fahendrena tsy ho azon’ny fahavalonareo toherina na lavina velively. Na ny ray aman-dreny sy ny rahalahinareo aza, mbamin’ny havana aman-tsakaizanareo dia hanolotra anareo koa, ka hovonoiny ny maro aminareo, ary ho halan’ny olona rehetra ianareo noho ny Anarako; nefa tsy hisy ho very na dia singam-bolo iray amin’ny lohanareo aza. Ny faharetanareo no hamonjenareo ny tenanareo".

Lohahevitra : Vaovao

♦ Nampidirina am-ponja vonjy maika, ny mpizahan-tany iray teratany "espagnol" sy malagasy miisa telo voasaringotra tamin'ny fanolanana sy famonoana ilay zazalahikely 7 taona tany Morondava. Miantso vonjy amin'ny filoham-pirenena mivady ny ray aman-drenin'ilay zaza... ♦ Hamoraina ny fahazoana famatsiam-bola hiadiana amin'ny fiovan'ny toetrandro, ho an'ireo firenena mampiasa ny teny frantsay, araka ny fivoriana nokarakarain'ny OIF, mifanindran-dalana amin'ny COP-27 atao any Egypte... ♦ Havaozina ny drafitra sy ny paik'ady hiatrehana ny rivo-doza sy ny tondra-drano amin'ny fotoam-pahavaratra, hirosohana ny loza mihoampampana toy ny tamin'ny farany teo...

Lohahevitra : Vaovao

♦ Nampidirina am-ponja vonjy maika ireo olona efatra voasaringotra tamin'ny fanolanana sy famonoana ilay zazalahy kely 7 taona tany Morondava... ♦ Nasain'ny OIF handray anjara tao anatin'ny fihaonana sy fivoriana izay mifanindran-dalana amin'ny COP27 atao any Egypte androany, ny Minisitry ny Tontolo iainana sy ny fandrosoana lovain-javy, Vina Marie Orléa... ♦ Nitombo dimy ankehitriny ireo distrika tratran'ny tsy fanjarian-tsakafo eto Madagasikara...

Lohahevitra : Vaovao

♦ Nihaona tamin'ny sendikan'ny mpiasa ny tompon'andraikitra tao amin'ny CENI. Nanambara àry ny Sekretera jeneralin'ny randrana Sendikaly Rakotomanga Barrison fa vonona hanentana ny orinasa sy ny mpiasa ao aminy amin'ny fisoratana anarana anaty lisi-pifidianana ny sendika... ♦ Manamafy ny Vondron'ny kaoperativa-pitanterana miasa ao an-drenivohitra na ny UCTU fa tsy manara-dalana ny taxi-moto. Gaboraraka tanteraka hoy izy ireo ny fitanterana ao an-drenivohitra... ♦ Misedra fahasahiranana amin'ny velon-tenany ny mponina ao Tsiafanoka ao amin'ny Kaominina Tsianisiha, Distrika Toliara-II. Miantso ny mitondra hijery sy hamaha ny olana sedrainy izy ireo...

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Ho an'ny mpianakavy dia ilaina ny fifanampiana. Ny fifanampiana dia mampifanakaiky am-po ary manamafy ny fifankatiavana eo amin'ny ankohonana. Ny fifanampiana dia mampisy rafi-tsaina, izay mahatonga olona iray ho tompon'andraikitra, ho afaka hampiasa fahefana anaty. Fandaharana "mba ho vanona" iarahana amin'i jeneraly Ramakavelo Désiré.

Lohahevitra : Vaovao

♦ Nandaha-teny nandritra ilay fihaonambe karakarain'ny firenena mikambana momba ny toe-tany na ny COP-27, tanterahana any Ejipta ny Filoha malagasy. Nitaky ny amoahana ny anjaran'i Afrika amin'ilay tahiry maintso nampanantenaina ny filoha... ♦ Hampihatrano ny fivorian'ny filohan'ny antenimieram-pirenena aty amin'ny faritry ny ranomasimbe Indiana anio ny Antenimieram-pirenena Malagasy. Nosy miisa dimy no handray anjara... ♦ Atahorana hihamafy ny fahasahiranana sy ny fahantrana mianjady amin'ny malagasy hoy ny firaisankinan'ny mpikamban'ny filan-kevitra ambon'ny tetezamita teo aloha. Tokony hapetraka eto Madagasikara ny amehana ara-toe-karena sy ny sôsialy ary ny drafitra fanarenana ny toe-karena hoy ny ACS...

Lohahevitra : Vaovao

♦ Hatahorana hihamafy ny fahasahiranana sy ny fahantrana mianjady amin'ny Malagasy, hoy ny  Firaisan-kinan'ny mpikambanan'ny Filankevitra Ambonin'ny Tetezamita teo aloha. Tokony apetraka eto Madagasikara ny hamehana ara-toekarena... ♦ Hampiantrano ny fivorian'ny Filohan'ny Antenimeiram-pirenena aty amin'ny faritry ny Ranomasimbe Indiana, rahampitso, ny Antenimieram-pirenena Malagasy. Nosy miisa dimy no handray anjara... ♦ Tsy takatry ny sarambabem-bahoaka ny asa tanana vita amin'ny landy. Mahatratra 3 hatramin'ny 4 hetsy Ariary ny 1 kg amin'ny kofehin-dandy ankehitriny...

Lohahevitra : Vaovao

♦ Ilaina ny hisian'ny fikaonandoham-pirenena mba hisorohana ny savorovoro aorian'ny fifidianana amin'ny taona 2023, hoy ny antoko Leader Fanilo. Mbola eo am-pandinihana ny toerana hisy ny antoko amin'ny fifidianana ho avy ity antoko ity amin'izao... ♦ Haodina ho lasa entona sy zezika ny fakon'Antananarivo hatoby eny Andralanitra. Hatsangana ny orinasa hanodina izany, ka andaniam-boa 5 tapitrisa Euro, vokatry ny fiaraha-miasa amin'ny Kaominina Antananarivo renivohitra... ♦ Voafidy fanintelony ho filohan'ny federasiôna malagasin'ny baolina lavalava Anddriamatoa Rakotomalala Marcel. Tontosa ny maraina teo tany Toliara ny fifidianana, ka ligy miisa  4 amin'ireo 4 izay tonga nifidy no nandany azy...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Hitsinjovana ny fahasalaman'ny olona rehetra dia naka fepetra ny holafitry ny mpitsabo ka namoaka fifanarahana mba hanentanana ny tsirairay hamantatra ny olona hanankinana ny fahasalamana. Mifampiankina ny andraikitry ny olona hitsabo anao sy ianao tsaboina. Ny anjara andraikitry ny mpitsabo : Fanabeazana ara-pahasalamana, manazava ny fomba hitandroana ny fahasalamana, fa tsy mandresy lahatra, izany hoe maneho hevitra ka ny olona manoloana azy no tompon'ny fanapahan-kevitra farany. 

Lohahevitra : Vaovao

♦ Hanao fanadihadiana momba ilay raharaha fitifirana namoizana ain'olona am-polony maro tany Ikonjo ireo solombavambahoaka. Hatsangana ny vaomiera hanao fanadihadiana parlemantera momba izany... ♦ Efa nivoaka ny lisitr'ireo voafantina mpianatra ho zandary, ka hiatrika fiofanana tsy ho ela. Notononina ampahibemaso omaly ny anaran'ireo afaka tamin'ny dingana fifaninana faharoa... ♦ Dinihina sy ifanakalozan-kevitra eny amin'ny fidasian'ny Lapan'ny tanàna Analakely nanomboka omaly ny olana sy ny tontolon'ny fananan-tany. Toerana hampahafantarana ny rehetra ny momba ny lalàna mifehy izany sehatra izany...

Lohahevitra : Vaovao

♦ Tapaka teo anivon'ny asam-baomiera teny amin'ny Antenimieram-pirenena androany, ny hananganana vaomiera hanao fanadihadiana parlemantera tamin'ny zava-nitranga tany Ikongo. Handalo fankatoavana amin'ny alalan'ny fivoriana itambaramben'ireo Solombavam-bahoaka izany, ny 15 nôvambra izao... ♦ Minatso ireo mpiara-miasa aminy eo anivon'ny Minisiteran'ny Raharaham-bahiny Malagasy, hiaro ny fiandrianam-pirenena sy hanaja ny tombontsoa ambonin'ny firenena, ny Minisitra mpisolo toerana, ny Jeneraly Rakotonirina Léon Richard...

Lohahevitra : Miara-dalana

♦ Seminarista 76 mirahalahy no natokana ho mpamaky teny sy mpanotrona, tamin'ny fankalazana ny fetin'i Masimbavy Terezin'i Jesoa Zazakely, mpiaro ny toeram-piofanana momba ny teôlôjia ao Faliarivo Antananarivo... ♦ Notanterahana tamin'ny 3 hatramin'ny 5 nôvambra 2022, ny Filankevitry ny Talen-tsekoly Katôlika rehetra avy ao amin'ny Diôsezin'Ambanja. Ka Talen-tsekoly miisa 56 no nandray tamin'izany... ♦ Nankalaza ny fetiny ny 6 nôvambra 2022 ny Distrika Misiônera Avaratsena, eo ambany fiarovan'i Masindahy Joany Paoly Faharoa...

Sous-catégories

Malagasy

Miara-dàlana] Alatsianiny 29 septambra 2025

• Nanentana ny kristianina rehetra, hivavaka sy handini-tena, ny avy eo anivon'ny Fiombonan'ny Fiangonana Kristianina eto Madagasikara, tamin'ny hafatra navoakan'izy ireo ny zoma 26 septambra 2025... • Tontosa ny sabotsy 27 septambra 2025, ny famindrana ny taolambalon'i Mompera Vladimir, izay tany amin'ny Diosezin'i Toamasina, ho ao amin'ny fasan'ny Fikambanana ao Ambohidratrimo Antananarivo... • Notontosaina ny sabotsy 27 septambra 2025 ny fitsofan-drano ny fasana ary ny famindrana ireo pretra sy frefra miisa 13 efa nialoha lalana, teny amin'ny Monasitera Masina Maria Ambohimanjakarano Mahitsy...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...