Lohahevitra : Miara-dalana

♦ Mankahery ny tanora tsy ho ketraka amin'ny famailana ny antson'Andriamanitra, i Mgr Rosario Vella, Filohan'ny Vaomieran'ny Eveka ho an'ny Fiaraha-miasa Misionera... ♦ Natao veloma farany tao amin'ny Katedraly Maria Manjaka Morondava, i Fr. Tokiniaina Olivier Cyrille... ♦ Miisa 36 ireo Gardes Suisses vaovao nanao fianihanana, noraisin'ny Papa François ny 6 mey 2022...

Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Tamin’izany andro izany, i Jesoa niteny tamin’ny mpianany nanao hoe: "Efa renareo fa voalaza tamin’ny Ntaolo hoe: ‘Aza mijangajanga?’ Fa Izaho kosa milaza aminareo fa izay rehetra hijery vehivavy ka maniry azy, dia efa nijangajanga taminy tao am-pony sahady. Koa raha ny masonao ankavanana no manafintohina anao, dia esory izy ka ario lavitra anao, fa aleo zavatra iray amin’ny tenanao no very toy izay ny tenanao manontolo no ariana any amin’ny gehen’afo. Ary raha ny tananao ankavanana no manafintohina anao, dia tapaho ka ario lavitra anao, fa aleo rantsam-batana iray amin’ny tenanao no very toy izay ny tenanao manontolo no ariana any amin’ny gehen’afo.

Ary efa voalaza koa hoe: ‘Na iza na iza hisaotra ny vadiny, aoka hanome azy ny taratasy fisaorana.’ Fa Izaho kosa milaza aminareo fa izay rehetra misao-bady, afa-tsy noho ny fijangajangana ihany, dia mampijangajanga azy; ary izay manambady ny voasaotra dia mijangajanga."

Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Tamin’izany andro izany i Jesoa nilaza tamin’ny mpianany hoe: “Raha tia Ahy ianareo dia hitandrina ny didiko. Ary Izaho kosa hangataka amin’ny Ray, ka homeny Mpanafaka alahelo hafa ianareo, mba hitoetra ao aminareo mandrakizay. Raha misy tia Ahy, dia hitandrina ny teniko izy, ka ho tian’ny Raiko, ary hankao aminy Izahay ka honina ao aminy. Fa izay tsy tia Ahy kosa, dia tsy mba mitandrina ny teniko; ary ny teny izay renareo dia tsy Ahy, fa an’ny Ray Izay naniraka Ahy. Voalazako taminareo izany, raha mbola mitoetra eto aminareo Aho. Fa ny Mpanafaka alahelo, dia ny Fanahy Masina, Izay hirahin’ny Ray amin’ny Anarako, no hampianatra anareo ny zavatra rehetra, sy hampahatsiaro anareo ny zavatra rehetra nolazaiko taminareo.

Lohahevitra : Hirika
Voadika amin'ny fiteny :  Français (France)   English (United Kingdom) 

Manohy ny sehatr'asany any amin'ny distrikan'i Bealalana Faritra Sofia amin'ny fiarovana ny tontolo iainana ny Foibe FAFIALA manana ny foiben-toerany eny Ambohimangakely, distrikan'Antananarivo-Avaradrano. Tetik'asa tanterahana mandritra ity taona ity ary kaominina roa no hanaovana izany...

Lohahevitra : Filira

Ny fanorenana trano dia ilaina omena lanja ireo tanisaina ireto : ny toerana, ny fitodiky ny trano, ny fotoana hanorenana, ny ala saritraka, ary ny fomba hamoriana ny ankora entina hananganana azy. Ny toerana dia tokony manoloana ny tany voky, amin'ny toerana malalaka, tsy azon'ny rano ary tany mafy. Ny fitodiky ny trano dia kajiana mba ho miankandrefana izany hoe amin'ny lafiny andrefana no misy ny varavarana sy ny varavarankely, antony izany dia mba hatsara ny fidiran'ny masoandro sy ny rivotra. Ny fotoana fanorenana dia amin'ny andro main-tany sy araka ny vintan'ilay tompony : ny fototra dia eo anelanelan'ny fenomanana sy ny ravavolana ; ny fananganana rindrina dia eo anelanelan'ny tsinanana hatramin'ny fenomanana.

Lohahevitra : Vaovao

♦ HIkatona tanteraka afaka enina andro ny fanavaozana isan-taona ny lisi-pifidianana na ny RALE... ♦ Miantso ny fahatongavan-tsainan'ireo solombavambahoaka namany, ny solombavambahoaka Rakotondrasoa Fetra manoloana ny fanetsehana ireo antontataratasy eo am-pelatanan'ny fitsarana avo... ♦ Maro ireo mpanjifan'ny Jirama mitaraina fa tafakatra avo telo heny amin'ny vola aloa isam-bolana ny fandaniana jiro sy rano... ♦ Miaro ny tanindrazana ireo tafika Russe miatrika ny ady any Ukraine hoy Vladimir Poutine...

Lohahevitra : Vaovao

♦ Miditra amin'ny herinandro fahatelo ny Oniversite maty amin'ity herinandro vaovao ity. Fanapahana mifototra amin'ny antony politika no andikàn'ny Seces ny fandavan'ny HCC ny fizakantenan'ny Oniversite... ♦ Hiverina anio indray ny fanadihadian'ny mpitsara ireo mpanolontsaina monisipaly eo anivon'ny Kaominina Antananarivo renivohitra, ahitàna mpanolontsaina monisipaly IRK iray sy TIM miisa 6... ♦ Roa ireo lavo tsy nahatohitra ny Covid-19 tao anatin'ny herinandro, nitombo isa koa ny tranga vaovao... ♦ Hampitsahatra ny fanafarana solika avy any Rosia ny G7...

Lohahevitra : Vaovao

♦ Miroso amin'ny dingana manaraka amin'ny fanadiovana ireo volamena iray taonina mahery voahangona ao amin'ny Banky Foiben'i Madagasikara hananany lanja amin'ny fifanankalozana iraisam-pirenena isika Malagasy hoy ny ministry ny harena ankibon'ny tany sy ny loharanon-karena ara-stratejia... ♦ Tsy mbola misy fiatraikany eto Madagasikara ny fampihatoan'i Indonezia ny fanondranana menaka. Tsy hatahorana ny mety tsy ho fahampiany hoy ny tompon'andraikitra ao amin'ny ministeran'ny varotra... ♦ Saro-piharo amin'ny fizakan'ny malagasy ny taniny ny Tafi Mihaavo. Nifampidinika tamin'ireo tompon'andraikitra ao amin'ny ministera misahana ny fananan-tany izy ireo momba ilay lalàna vaovao mifehy ny fananan-tany...

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Misy ny karazan'olona no tsy misy volo hatrany am-bohoka, mety noho ny olana eo amin'ny hodi-doha, ary mety ho tarazo. Ny aretina mety mahazo ny volo sy ny hodi-doha dia maro fa isan'ny be mpahafantatra ny fihitsanan'ny volo sy ny angadrano. Msy antony maro samihafa mety mahatonga ireny aretina ireny, ohatra ny fihitsanan'ny volo dia mety ho tsy fahampian'ny vy, mety ho vokatry ny aretina hafa diabeta na koho-davareny, metsy ho vokatry ny fikorontanan'ny tahan'ny tsiry mpanentana ihany koa na otrikaretina mahazo ny hodi-doha... 

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Mba hitazomana ny fahasalaman'ny volo sy ny hodi-doha dia tokony hanasa loha in-dray isaky ny herinandro farafaharatsiny, ary tokony ho jerena tsara ny kalitaon'ny savony hampiasaina sy ireo ankora haosotra. Rehefa manasa loha dia ezahina tsara mba tsy hisy rano-tsavony na ankora hafa tavela, noho izany dia atao tsara kobana. Raha vao misy fisehoana zavatra mampiahiahy ny hodi-doha dia tokony hamonjy toeram-pitsaboina... 

Lohahevitra : Vaovao

♦ Tany Vohipeno sy Farafangana androany ny filohan'ny repoblika, nitokana fotodrafitr'asa maro... ♦ Hatrany amin'ny 80 tapitrisa dollard ny trosan'ny kaompaniam-pitanterana Air Madagascar, amin'izao fotoana izao, hoy ny ministry ny fitanterana... ♦ Olona maherin'ny 500.000 amin'izao no misehatra amin'ny fitrandrahana harena ankibon'ny tany tsy ara-dalàna, noho ny tsy namoahana fahazoan-dalana mitrandraka intsony. Toeram-pitrandrahana 120 isa eo farafahakeliny no iasan'izy ireo... ♦ Firenena voalaza ho nahafatesana olona betsaka vokatry ny valanaretina Covid-19 ny any Inde, raha ny tatitra avy amin'ny OMS...

Lohahevitra : Vaovao

♦Nitokana fotodrafitr'asa maro tany Vohipeno sy Farafangana omaly ny filoham-pirenena. Ho an'ny lalana ao Farafangana, volam-panjakana no nanaovana izany hoy Andriamatoa Andry Rajoelina... ♦ Nihaona tamin'ny mpikirakira lavanila maintso tany amin'ny faritr'i Sava ny ministry ny indostria sy ny varotra ary ny fanjifana. Tsy maintsy jerena ny tombotsoan'ny tantsaha mpamokatra hoy Andriamatoa Edgard Razafindravahy... ♦ Harena ankibon'ny tany : hamerina an'ireo mpitrandraka madinika anatin'ny sehatra ara-dalana ny ministera tompon'andraikitra... ♦ Mbola nampitandrina an'i Suede sy Filande amin'ny fikasany hiditra ao amin'ny OTAN i Rosia...

Sous-catégories

Malagasy

[Miara-dàlana] Alatsinainy 16 jona 2025

• Ny fanakaikezana ny mahantra sy ny fanakaikezana ny pretra, ireo no teboka roa nisongadina, nandritra ny fihaonan'ny Evekan'i Madagasikara tamin'ny Papa Léon XIV... • Ankizy katolika manaja ny tontolo iainana, fanantenan'ny Eglizy : io no teny manentana ho an'ny ankizy rehetra tao amin'ny Diosezin'i Morombe, nentina nanamarihana ny Jobily 2025, ho an'ny ankizy... • Eokaristia Masina notanterahana tao amin'ny EKAR Masina Misely Itaosy omaly, no nentina nanamarihana ny fankalazana ny faha-25 taona niorenan'ny fikamban-drelijiozy Masera Carmélites Mineures de la Charité...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...