Lohahevitra : Vaovao

♦ Harahanao manontolo amin'izao vaovao izao ny hafatra avy amin'ny Fivondronamben'ny Eveka eto Madagasikara... ♦ Tsy miombon-kevitra ny amin'ny hanemorana ny fifidianana ny avy eo anivon'ny Antenimieran-doholona... ♦ Nodimandry androany maraina, ny Filoha lefitry ny Antenimieram-pirenena eto amin'ny Faritanin'Antananarivo, Rasolonjatovo Honoré...

Lohahevitra : Vaovao

♦ Namoaka hafatra manoloana raharaham-pirenena ankehitriny ny Fivondronamben'ny Eveka eto Madagasikara... ♦ Tokony aato ny zotram-pifidianana, ary tokony hifantoka amin'ny fifampidinihana, ka miantso ny fampiatoana ny fampielezan-kevitra sy ny fidinana an-dalambe, ny Vovonana ho an'ny Fifampidinihana sy Fanelanelanana, izay hanatanteraka fampihaonana anio... ♦ Hiverina ny fahafahan'i Madagasikara manondrana volamena sy vato sarobidy any ivelany...

Lohahevitra : Vaovao

♦ Tsy namaly ny antson'ireo Solombavam-bahoaka miara-dia amin'ny vondron'ny kandidà, ireo mpikambana vitsivitsy eo anivon'ny Governemanta androany, raha nampiantsoina hitondra fanazavana teny Tsimbazaza... ♦ Handray fepetra hanerena ny fanafoanana ny fifidianana amin'ny 16 novambra 2023, ny vondron'ireo firaisamonim-pirenena, fikambanana sy ny sendikà isan-tsokajiny... ♦ Hiverina amin'izay ny fahafahana manondrana volamena sy vato sarobidy any ivelany. Tafapetraka ary nosokafana tamin'ny fomba ôfisialy androany, ny “Guichet unique” hisahana izany, etsy Mamory Ivato...

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Trangam-piainana efa zary mahazatra ny fiolonolonana, ny tsy fananana fotoana firy ho an'ny vady aman-janaka ankehitriny vokatry ny fandrosoan'ny teknôlôjia sy ny rotorotom-piainana tsotra izao. Mandringa ny fifandraisan'ny mpianakavy ka teraka ny tsy fifankazahoana, maro ny toerana banga eo amin'ny lafin'ny fitaizana  ny ankizy. Noho izany no ilazana fa ilaina ny fanatsarana io fifandraisan'ny mpianakavy io amin'ny fiezahana mifandray amin'ny alalaln'ny fifanantonana mivantana amim-pitsikiana sy amin-tambitamby amim-panehoana fitiavana. Na eo amin'ny raiamandreny sy ny zanaka na ny mpivady na ny zanaka samy zanaka, eny ny fiaraha-monina iray manontolo...

Lohahevitra : Hirika
Voadika amin'ny fiteny :  Français (France)   English (United Kingdom) 

Maro amin'ireo tantsaha ato amin'ny Faritra Analamanga no resy lahatra amin'ny fampiasana zezika biôlôjika tsy misy taharo simika. 10 taona nirotsahana an-tsehatra sy nampitombo fahalalana amin'ny famokarana zezika kaompôsta Andriamatoa Randriamijoro Jacques Lucien ary nahita fahombiazana tamin'izany...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

14 nôvambra 2023 — Talata, Herinandro Tsotra faharoa amby telopolo Mandavantaona — Ny Ran’i Jesoa Kristy Tompontsika no nampahiratra ny masom-panahintsika mba hahalantsika ny fanantenana izay niantsoana antsika — Evanjely Masina nosoratan’i Masindahy Lioka (Lk. 17, 7-10)

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Reharehan'Israely, vahoaka voafidy, ny fananany Andriamanitra tsy lavitra fa mandray anjara lehibe amin'ny fiainan'izy ireo araka ny hita ao amin'ny DT 4,7 : " fa iza tokoa moa ny firenen-dehibe hanana Andriamanitra akaiky azy, tahaka ny maha-akaikintsika an'ny Tompo Andriamanintsika isaky ny iantsoantsika Azy?" Ny tantaram-pamonjena dia nanomboka tamin'i Abrahama Rain'ny mpino. Katesizy momba ny Eglizy, ny fianakaviana sy ny pôlitika, iarahana amin'i P. Abdon Rafidison. 

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Boky Fahendrena (Fahendrena 2, 23 — 3, 9)

Hoatra ny maty izy, araka ny fiheveran’ny adala azy, kanjo ao anatin’ny fiadanana.

Noarìn’Andriamanitra ho tsy mety maty ny olombelona,
ary nataony mitovy tarehy amin’ny tenany;
fa ny fialonan’ny demony
no nidiran’ny fahafatesana amin’izao tontolo izao,
dia hanandrana izany ry zareo izay azy.
Eo an-tanan’Andriamanitra ny fanahin’ny marina,
ka tsy mahatratra azy ny fijaliana.
Hoatra ny maty izy,
araka ny fiheveran’ny adala azy,
ary hoatra ny loza ny fialany amin’izao fiainana izao,
ary toa fahalevonana ny fandehany avy eo afovoantsika;
kanjo ao anatin’ny fiadanana izy.
Na dia niharan-tsazy aza izy, eo imason’ny olombelona,
ny fanantenany kosa henika ny tsy fetezana ho faty.
Rahefa afaka ny fijaliana maivana foana,
dia handray valisoa lehibe izy:
fa efa nozahan’Andriamanitra toetra izy,
ka hitany ho mendrika Azy.
Notsapainy toy ny volamena atao anaty memy izy,
ka nankasitrahany,
toy ny sorona dorana lavorary.
Amin’ny andro hamalian-tsoa azy,
hamirapiratra izy ireo;
tahaka ny kilalaon’afo hivoivoy haingana amin’ny bozaka.
Hitsara ny firenena sy hanapaka ny vahoaka izy;
ary hanjaka aminy mandrakizay ny Tompo.
Izy ireo niantehitra taminy ka hahafantatra ny marina;
hiara-monina aminy amim-pitiavana, ny miraiki-po aminy,
satria ho an’ny olom-pinidiny ny fahasoavana amam-pamindram-po.

— Izany àry ny tenin’ny Tompo.

Setriny

Salamo 33, 2-3. 16-17. 18-19

Izaho misaotra ny Tompo amin’ny fotoan-drehetra.

Izaho misaotra ny Tompo amin’ny fotoan-drehetra;
eo am-bavako lalandava ny fiderana Azy.
Ny Tompo hafinaretan’ny fanahiko;
mandrenesa, ry ory, ka mifalia.

Ny mason’ny Tompo amin’ny olo-marina;
ny sofiny amin’ny tolokon’ireo.
Ny tavan’ny Tompo amin’ny mpanao ratsy,
mba hahavery tadidy azy eto an-tany.

Ny olo-marina vao miantso dia henon’ny Tompo:
ny ahiahiny rehetra esoriny aminy.
Ny Tompo eo anilan’ny torotoro fo,
sy mamonjy ny rera-tsaina.

Evanjely

Aleloia. Aleloia.

Ny Ran’i Jesoa Kristy Tompontsika no nampahiratra ny masom-panahintsika mba hahalantsika ny fanantenana izay niantsoana antsika.

Aleloia.

Evanjely Masina nosoratan’i Masindahy Lioka (Lk. 17, 7-10)

Mpanompo tsy mahasoa izahay, fa izay tsy maintsy ho nataonay ihany no hany vitanay.

Tamin’izany andro izany,
i Jesoa niteny tamin’ny Apôstôliny nanao hoe:

“Iza moa aminareo no manana mpanompo
miasa tany na miandry ondry avy any an-tsaha
no mba hilaza aminy hoe:

‘Metia faingana, ary mipetraha hihinana?’

Moa tsy izao aza no holazainy aminy:

‘Amboary ny sakafoko,
ary misikina hampihinana ahy
mandra-pitsahatro avy mihinana sy misotro,
fa rahefa izany vao hihinana sy hisotro ianao?’

Ary moa misaotra izany mpanompo izany akory va izy,
satria nanao izay nasainy nataony io?
Ataoko fa tsy izany.
Koa tahaka izany koa ianareo:
rahefa vitanareo izay nandidiana anareo,
dia lazao hoe:

‘Mpanompo tsy mahasoa izahay,
fa izay tsy maintsy ho nataonay ihany no hany vitanay.’”

— Izany àry ny tenin’ny Tompo.

Lohahevitra : Vaovao

♦ Nanapa-kevitra nampitsahatra ny diabe nokasaina natao androany ny vondron'ny kandidà. Manamafy ny fitakiana amoahana ny depiote Fetra Ralambozafimbololona nosamborina omaly izy ireo... ♦ Tsy ara-dalàna ny hetsika an-dalambe ataon'ny vondron'ny kandidà hoy ny vovonana IFI. Tsy tokony hoy ny fanakorontanana hoy ny sekretera jeneraly Pasitera Nestor Razafindramanitra fa aleo handeha ny fifidianana... ♦ Manitsakitsaka ny andininy faha-16 anatin'ny lalam-panorenana malagasy ny nampiasana ny rindram-baiko Predator hoy ny Kmf/Cnoe... ♦ Mihamafy ny fifandonan'ny tafiky ny jeneraly roa mifanandrina any Soudan. Efa ho 5.000 isa ny olona maty tao anatin'ny 7 volana nisian'ny ady...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

13 nôvambra 2023 — Alatsinainy, Herinandro Tsotra faharoa amby telopolo Mandavantaona — Ny fitsipikao, ry Tompo, mahafaly ny fo; ny baikonao mazava manilo ny maso — Evanjely Masina nosoratan’i Masindahy Lioka (Lk. 17, 1-6)

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Fanombohan’ny Boky Fahendrena (Fahendrena 1, 1-7)

Malala-tanana ny fanahin’ny fahendrena; manerana izao tontolo izao ny Fanahin’ny Tompo.

Tiavonareo ny fahamarinana,
ianareo izay mpitsara eto an-tany;
aoka ho araka ny hitsiny no fihevitrareo ny Tompo,
ary amin’ny fo marina no hitadiavanareo Azy;
fa mety ho hitan’izay tsy maka fanahy Azy Izy,
ary miseho amin’izay matoky Azy.
Satria ny hevi-dratsy mampisaraka amin’Andriamanitra,
ary ny fahefany raha misy maka fanahy Azy
miampanga ny adala.
Ny fahendrena
tsy mba miditra amin’ny fanahy misain-dratsy,
ary tsy monina amin’ny vatana andevon’ny fahotana.
Ny Fanahy Masina,
mpanabe ny olona mandositra ny hafetsen-dratsy,
manalavitra ny hevitra tsy misy saina,
ary mihataka Izy raha mandroso ny heloka.
Fa fanahy tia ny olombelona ny fahendrena,
ka tsy avelany ho afa-potsiny
ny mpiteny ratsy an’Andriamanitra amin’ny teny ratsy ataony.
Satria Andriamanitra dia vavolombelon’ny voany.
Mpamantatra marina ny fony,
ary mandre ny teniny.
Fa manerana an’izao tontolo izao ny Fanahin’ny Tompo,
ary ao aminy avokoa ny zavatra rehetra,
ka reny daholo izay lazain’ny olona.

— Izany àry ny tenin’ny Tompo.

Setriny

Salamo 138, 1-3. 4-6. 7-8. 9-10

Tariho aho ho amin’ny lalam-pahagola.

Tompo ô! mandinika ahy Ianao,
ka mahafantatra!
Fantatrao aho na mipetraka na mitsangana;
mbola lavitra, dia tsinjonao ny hevitro!
Voadinikao aho na mamindra na miato;
ny lalako tsy misy manavao Anao.

Ny teny tsy mbola eo amin’ny lelako,
dia indro, ry Tompo, efa fantatrao tontolo!
Voambombanao aho na aloha na aoriana;
ny tananao mipetraka eo amboniko!
Fahalalana mahagaga loatra amiko;
avo loatra, tsy hamboiko takarina.

Aiza no hialako amin’ny fofon’ainao?
Aiza no handosirako tsy ho anoloanao?
Raha mananika ny lanitra aho, any Ianao;
mitakoko any an-tSeoly, io koa Ianao.

Raha maka ny elatry ny mazava atsinanana aho,
mba honina any am-paran’ny ranomasina,
mbola ny tananao no mitondra ahy any,
eny: ny tananao no mitantana!

Evanjely

Aleloia. Aleloia.

Ny fitsipikao, ry Tompo, mahafaly ny fo; ny baikonao mazava manilo ny maso.

Aleloia.

Evanjely Masina nosoratan’i Masindahy Lioka (Lk. 17, 1-6)

Na diso aminao impito indray andro aza izy ka nanao hoe: Mifona aho, dia mamelà azy.

Tamin’izany andro izany,
i Jesoa niteny tamin’ny mpianany nanao hoe:

“Tsy maintsy ho avy ny fanafintohinana,
fa loza ho an’izay iaviany!
Aleo anantonana vato fikosohan-dafarinina ny vozony
ka alentika any anatin’ny ranomasina izy
toy izay manafintohina
na dia ny anankiray amin’ireto madinika ireto aza.
Koa mitandrema ianareo.
Raha diso taminao ny rahalahinao,
anaro izy,
ka raha mivalo izy,
dia mamelà azy.
Ary na dia ho diso aminao impito indray andro aza izy,
ka miverina impito koa manao hoe:

‘Mifona aho’,

dia mamelà azy.”

Ary hoy ny Apôstôly tamin’ny Tompo:

“Ampitomboy ny finoanay.”

Fa hoy ny Tompo:

“Raha manam-pinoana ohatra ny voan-tsinapy iray ianareo,
dia mahazo milaza amin’io voaroihazo io hoe:

‘Miongota,
ka mifindrà any amin’ny ranomasina’,

dia hanaiky anareo izy.”

— Izany àry ny tenin’ny Tompo.

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

12 nôvambra 2023 — Alahady Tsotra faharoa amby telopolo Mandavantaona — Miambena sy mivonòna ianareo fa ho avy amin’ny ora tsy ampoizinareo ny Zanak’Olona — Evanjely Masina nosoratan’i Masindahy Matio (Mt. 25, 1-13)

Sous-catégories

Malagasy

[Miara-dàlana] Zoma 23 mey 2025

• Hotanterahana ny 16 sy 17 aogositra 2025 ao amin'ny ESCA Antanimena, ny taon-jobily ho an'ny olom-boatokana... • Ny alahady 25 mey 2025 no hiombonan'ny diosezin'Antananarivo manotolo amin'ny fanohanana ny Seminera Zandriny Ambohipo... • Hitarika ny Consistoire voalohany amin'ny maha Papa azy, ny 13 jona 2025 ao amin'ny Lapa Apostolikan'i Vatican, ny Papa Léon XIV...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...