Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Simba ary manjavona ny zava-miaina maro karazana, tsy ny tontolo iainana ihany, fa ny haren'ny tany ihany koa dia iharan'ny fanimbana. Ny faharipahan'ny ala sy ireo zava-maniry hafa dia mitarika avy hatrany koa ny fanjavonan'ireo zava-miaina mety ho loharanon-karena lehibe, ao aoriana ao : tsy amin'ny lafiny ara-tsakafo ihany, fa eo amin'ny fitsaboana ny aretina ary eo amin'ny sehatra maro hafa koa. Katesizy momba ny ankohonana, iarahana amin'i P. Eric Frank Randriamiandrinirinarivo. 

Lohahevitra : Vaovao

♦ Manara-maso hatrany ny zotra-pifidianana ny mpanara-maso SAFIDY na misy aza ny fifandirana eo amin'ireo kandidà mandray anjara... ♦ Hamafisina ny fiambenana ny roba ary hampiana ny fikambanan'ny Fianakaviana amin'ny asa fanarenana ny toerana manan-tantara anatin'ny Rovan'Antsahadinta. Fanapahan-kevitry ny mpitondra taorian'ny nahamay ny tranon-dRabodozafimanjaka alina... ♦ Mitoka-monina tanteraka ny distrikan'Ambatoboeny efa ho roatokom-bolana noho ny fahatapahan'ny tetezana iray, mampifandray ity distrika ity amin'ny distrika hafa... ♦ Handray fepetra henjana hiadiana amin'ny herisetra mahazo vahana any Brezila ny filohany Lula Da Silva...

Lohahevitra : Vaovao

♦ Ho tonga eto Madagasikara anio etsy amin'ny seram-piara-manidina Ivato ny nof mangatsiakan'i Mgr Antoine SCOPELITI. Ho tanterahana ny alahady 5 nôvambra izao ao amin'ny katedraly Ambatoambo Ambatondrazaka ny fandevenana... ♦ Hitohy anio ny hetsika ataon'ny vondron'ny kandidà taorian'ny fihatoana omaly sy afak'omaly. Manameloka ny fomba anohitohina ny fiainam-pirenena ny governemanta manoloana ny fikasana hidina eny amin'ny kianjan'ny 13 mey.. ♦ Nanokana 2 andro hampafantarana ny asan' ny Comptable ny holafitr'izy ireo. Hetsika hanomboka anio alakamisy 2 nôvambra sy rahampitso 3 nôvambra izao, tafiditra amin'ny famaranana ny faha 60 taona ny holafitry ny expert comptable...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Zo fototra ny fahazoana mampiasa rano fisotro azo antoka. Miankina amin'ny rano ny fahaveloman'ny zanak'olombelona tsy ankanavaka. Ny rano no antoka ahafahana mampiasa an'ireo zo hafa ananan'ny olombelona. Misy fomba fanjifana tsy voahevitra izay manao fafy katrana ny fampiasana ny rano ; mifaningotra amin'ny fanabeazana sy ny kolontsaina ny olana momba ny rano. Katesizy momba ny ankohonana, iarahana amin'i P. Eric Frank Randriamiandrinirinarivo. 

Lohahevitra : Vaovao

♦ Ho tonga eto Madagasikara amin'ny alakamisy 2 nôvambra 2023, ny nofo mangatsiakan'i Mgr Antoine Scopelitti. Hotanterahana ny alahady 5 nôvambra 2023 ao amin'ny Katerdraly Ambatoambo Ambatondrazaka, ny fandevenana azy araka ny fomban'ny Eglizy... ♦ Nihaona tamin'ny Filohan'ny Antenimieram-pirenena androany, ny vondron'ny kandidà. Tsy nisy nipika ny votoatin'ny resaka nifanaovan'ny andaniny sy ny ankilany. Finiavana samy irery avy amin-dRamatoa Razamahasoa Christine, izao nandraisany ny vondron'ny kandidà izao...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Boky Fahendrena (Fah. 6, 12-16)

Mitsena ireo mitady azy ny Fahendrana.

Ny Fahendrena dia mamirapiratra,
tsy mety matroka hatsarana;
mora mahita azy ny olona raha tia azy izy,
ary mora mahazo azy raha mitady.
Mitsena an’izay mitady azy izy,
ary miseho aminy voalohany.
Izay mifoha maraina koa hitady azy,
tsy mananosarotra,
fa mahita azy mipetraka eo am-baravarany.
Satria ny mihevitra azy dia efa fahamalinana lavorary,
ary ny miari-tory noho ny aminy,
dia ho afaka ahiahy vetivety;
mandeha mivezivezy atsy amin’ary izy
mitady an’izay mendrika azy,
miseho amin’ireny eny an-dalan’izy ireo izy amim-pihavanana,
ary manampy azy amin’ny hevitra kasainy rehetra.

— Izany àry ny tenin’ny Tompo.

Salamo fandinihana

Sal. 62, 2. 3-4. 5-6. 7-8

Mangetaheta Anao ny fanahiko, ry Tompo Andriamanitra ô.

Andriamanitra ô, Ianao no Andriamanitro!
Vao maraina aho maniry Anao,
mangetaheta Anao ny fanahiko,
matimaty Anao ny nofoko:
toy ny tany maina sy mangentana,
toy ny tany haraka, mila rano!

Tao an-toeranao masina no nahitako Anao;
tao aho nibanjina ny herinao sy ny voninahitrao:
ka ny molotro nidera Anao,
fa ny fitiavanao, tsara noho ny aina!

Eny, hisaotra aho raha mbola velona;
ny Anaranao hanandratako tanana:
ka ny fanahy ho heni-tsoa,
ny molotra hihoby, ny vava hidera.

Izaho mahatsiahy Anao eo am-pandriana,
tontolo alina mihevitra Anao:
fa notsenainao ny vonjinao aho,
ka mibitaka alofan’ny elatrao.

Vakiteny faharoa

Taratasy voalohan’i Masindahy Paoly Apôstôly ho an’ny kristianina tany Tesalônika (1 Tes. 4, 13-18)

Hitondra ireo efa nody mandry miaraka aminy Andriamanitra, amin’ny alalan’i Jesoa.

Ry kristianina havana,
tsy tianay ny tsy hahafantaranareo ny amin’izay efa nody mandry,
sao dia malahelo toy ny sasany tsy manam-panantenana koa ianareo.
Fa araka ny inoantsika an’i Jesoa ho efa maty sy nitsangan-ko velona
no hitondran’Andriamanitra an’izay nody mandry hiaraka aminy koa,
amin’ny alalan’i Jesoa.

Ka izao no lazainay aminareo, araka ny tenin’ny Tompo:
Isika izay velona sy tavela ho amin’ny fiavian’ny Tompo,
dia tsy mba hialoha izay efa nody mandry tsy akory;
fa hisy baiko homena, sy feon’Arkanjely ary feon-trômpetran’Andriamanitra,
dia hidina avy any an-danitra ny Tenan’Izy Tompo,
ka izay maty tao amin’i Kristy no hitsangana aloha;
raha efa izany,
hakarina hiaraka amin’izy ireo eny amin’ny rahona koa isika velona sisa tavela,
hitsena ny Tompo eny amin’ny habakabaka,
dia ho any amin’ny Tompo mandrakizay isika.
Koa izany teny izany àry no aoka hifanalanareo alahelo.

— Izany àry ny tenin’ny Tompo.

Vakiteny faharoa

Taratasy voalohan’i Masindahy Paoly Apôstôly ho an’ny kristianina tany Tesalônika (1 Tes. 4, 13-14)

Hitondra ireo efa nody mandry miaraka aminy Andriamanitra, amin’ny alalan’i Jesoa.

Ry kristianina havana,
tsy tianay ny tsy hahafantaranareo ny amin’izay efa nody mandry,
sao dia malahelo toy ny sasany tsy manam-panantenana koa ianareo.
Fa araka ny inoantsika an’i Jesoa ho efa maty sy nitsangan-ko velona
no hitondran’Andriamanitra an’izay nody mandry hiaraka aminy koa,
amin’ny alalan’i Jesoa.

— Izany àry ny tenin’ny Tompo.

Evanjely

Aleloia. Aleioia.

Miambena sy mivonòna ianareo fa ho avy amin’ny ora tsy ampoizinareo ny Zanak’Olona.

Aleloia.

Evanjely Masina nosoratan’i Masindahy Matio (Mt. 25, 1-13)

Inty tamy ny mpampakatra ka mandehana mitsena azy ianareo.

Tamin’izany andro izany
i Jesoa nanao ity fanoharana ity tamin’ny mpianany nanao hoe:

“Ny Fanjakan’ny lanitra dia ho tahaka ny virjiny folo
izay naka ny fanalany,
ka lasa nitsena ny mpampakatra sy ny ampakarina.
Ny dimy tamin’izy ireo dia adala, fa ny dimy kosa hendry;
ny dimy adala nitondra fanala, fa tsy nitondra solika;
fa ny hendry kosa nitondra fanala sy solika tamin’ny fitoeran-tsolika.
Ary noho ny fahelan’ny mpampakatra,
dia samy rendremana izy rehetra ka natory.
Fa nony nisasaka ny alina, dia nisy niantso mafy hoe:

‘Inty tamy ny mpampakatra,
mandehana mitsena azy ianareo’.

Tamin’izay dia niarina ireo virjiny rehetra ireo
ka nanamboatra ny jirony.
Ary hoy ny adala tamin’ny hendry:

‘Mba omeo kely amin’ny solikareo izahay,
fa efa ho faty ny jironay’.

Hoy ny navalin’ny hendry azy:

‘Ndrao tsy ampy ho anay sy anareo,
fa aleo mankany amin’ny mpivarotra ianareo,
ka mividiana ho anareo’.

Ary raha mbola nandeha nividy izy,
dia tonga ny mpampakatra,
ka izay efa niomana no niara-niditra taminy tao amin’ny fampakaram-bady,
dia nohidiana ny varavarana.
Nony afaka kelikely,
dia tonga kosa ireto virjiny sasany ka nanao hoe:

‘Tompoko, tompoko, vohay izahay’.

Fa hoy ny navaliny azy:

‘Lazaiko marina aminareo fa tsy fantatro akory ianareo’.

Koa miambena ianareo,
fa samy tsy fantatrareo na ny andro na ny ora”.

— Izany àry ny tenin’ny Tompo.

Lohahevitra : Vaovao

♦ Ny sabotsy izao ny vondron'ireo kandidà 10 sy ireo mpiara-dia aminy no hidina eny amin'ny kianjan'ny 13 mey. Voalaza fa mivory manomana izy ireo amin'ny alalan'ny fihaonana amin'ireo hery velona samihafa androany... ♦ Tsy mitovy hevitra ireo mpikambana 9 eo anivon'ny HCC tamin'ny famoahana ilay fanapahana nanendry ny Jeneraly Richard Ravalomanana hitantana vonjimaika ny firenena. Nanaitra ny maro ny fivoahan'izany voavao izany... ♦ Ho avy eto Madagasikara indray amin'ny volana febroary 2024 ilay sambo hôpitaly "Mercy ships", afaka manao fandidiana maimaimpoana ireo aretina samihafa. Hisokatra ny 27 novambra izao ny fisoratana anarana ho an'ireo mila fitsaboana avy aminy...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Sahiran-kevitra ny ray aman-dreny sy ny mpanabe ary velom-panontaniana hoe : inona teo amin'ny fanabeazana taloha no mbola azo tazomina ankehitriny?. Ny fanabeazana teo aloha dia izay tany ambadiky ny fandrosoana ara-teknolojika sy ny fanatontoloana. Ny tanjon'ny fanabeazana dia ny mba hampaleontena ny beazina. Ny fanabeazana dia fampitana fahalalana sy fahendrena ary fahamarinana. Teo aloha dia ny fianarana ihany no nimasoana fa ny fanatanjahantena sy ny mozika na ny zavatra hafa dia tsy navela nataon'ireo mpianatra, ankehitriny anefa ireny no hanefena ny maha olona an'ireo ankizy. Ireo fitsipi-pitondrantena nahasoa ny teo aloha dia tsara tohizana, mila mihezaka ny ray aman-dreny mba hahitsy amin'ny resaka...

Lohahevitra : Vaovao

♦ Manahy mafy amin'ny ainy ireo olona norahonan'i Leva, Solombavambahoaka teo aloha tany Mahabo, izay nigadra teny Tsiafahy. Efa niparitaka ny vaovao fa efa tafavoaka ny fonja izy ankehitriny ka mampiahiahy ny any Morondava... ♦Nanamafy ny hitohizan'ny tolona eny amin'ny kianjan'ny 13 mey ny vondron'ny kandidà 10 mirahalahy, nandritra ny diabe omaly. Nilaza ny hampiato ny hetsika aloha izy ireo ho an'ny anio, fa hiatrika fivoriana amin'ireo hery velona samihafa... ♦ Ministra iray tsy manao sonia ny fitakian'ny SECES no mampikatso ny fampianarana eny amin'ny anjerimanontolo hoy ny sendikàn'ny mpampianatra mpikaroka Antananarivo omaly. Milaza ny mbola hanohy ny fitokonana eny amin'ny Anjerimanontolo izy ireo...

Lohahevitra : Vaovao

♦ Matahotra mafy amin'ny ainy, ireo olona efa nahazo fandrahonana avy amin'i Leva, ilay Solombavam-bahoaka teo aloha, satria nambaran'izy ireo, fa efa tafavoaka ny fonjan'i Tsiafahy ny tenany... ♦ Nifanatri-tava mivantana teny Ampasampito indray androany, ireo manohana ny kandidà manao fampielezan-kevitra sy ireo mpanara-dia ny vondron'ireo kandidà, mandà ny hanatanterahana ny fifidianana amin'izao endriny izao... ♦ Mikatso noho ny tsy fanaovan'ny minisitra iray sonia ny fitakian'ny SECES, ny fampianarana eny amin'ny anjerimanontolo, hoy ny SECES sampana Antananarivo androany...

Lohahevitra : Miara-dalana

♦ Notsofin-drano sy noraisina omaly ny andiany Fihavaozana, mpamaky teny sy mpanotrona, ao amin'ny Grand Séminaire Masimbavy Terezin'i Jesoa Zazakely, Faliarivo Ambanidia... ♦ Nosokafana tao amin'ny Katedraly Fo Madion'i Maria, ny faha-25 taona niorenan'ny Diôsezin'Ambositra... ♦ Tanteraka ao amin'ny fitiva-namana ny fitiavana an'Andriamanitra, io no fampianarana netin'ny Ray masina, François omaly, nandritra ny vavaka Angélus...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Taratasin’i Masindahy Paoly Apôstôly ho an’ny kristianina tany Rôma (Rôm. 16, 3-9. 16. 22-27)

Mifampiarahabà amin’ny fanorohana masina.

Ry kristianina havana,
veloma any amin’i Priska sy Akilasy
mpiara-miasa amiko ao amin’i Jesoa Kristy;
nanao vy very hamonjy ny aiko izy mivady ireo,
ka tsy izaho irery no misaotra azy,
fa ny Eglizy rehetra any amin’ny jentily koa,
ary veloma any amin’ny Eglizy rehetra izay ao an-tranony.
Veloma any amin’i Epeneto malalako,
izay santatr’i Asia ho an’i Kristy.
Veloma any amin’i Maria, izay niasa mafy ho anareo.
Veloma any amin’i Andrôniky sy Joniasa havako
sy niara-nifatotra tamiko,
izay sady tsara laza amin’ny Apôstôly
no tao amin’i Kristy talohako aza.
Veloma any amin’i Anfiasa,
malalako ao amin’ny Tompo.
Veloma any amin’i Orbano,
mpiara-miasa amintsika ao amin’i Kristy,
sy i Stakisa malalako.
Mifampiarahabà amin’ny fanorohana masina.
Manao veloma anareo ny Eglizin’i Kristy rehetra.
Izaho Tersiosa,
izay nanoratra itý taratasy itý koa,
manao veloma anareo ao amin’ny Tompo.
Manao veloma anareo i Gaïosa, ilay itoeranay,
mbamin’ny Eglizy rehetra.
Manao veloma anareo i Erasta,
mpitahiry ny volam-panjakana eto an-tanàna,
sy i Koartosa rahalahy.
Homba anareo rehetra anie
ny fahasoavan’i Jesoa Kristy Tompontsika.
Amen.

Ary ho an’ilay mahay mankahery anareo araka ny Evanjeliko,
izay nitoriana an’i Jesoa Kristy
sy nanambaràna ny zava-miafina tsy voalaza hatrizay hatrizay
(fa voaseho ankehitriny tamin’ny soratry ny mpaminany,
araka ny didin’ny Andriamanitra mandrakizay,
ka nampahafantarina ny firenena rehetra mba hanekeny ny finoana)
dia ho an’Andriamanitra, ilay hany hendry anie,
ny voninahitra mandrakizay mandrakizay,
amin’ny alalan’i Jesoa Kristy. Amen.

— Izany àry ny tenin’ny Tompo.

Setriny

Salamo 144, 2-3. 4-5. 10-11

Midera ny Anaranao mandrakizay aho, ry Tompo.
na: Hankalazaina mandrakizay e ny Anaranao, ry Tompo.
na: Ny Anaranao, ry Tompo, no omem-boninahitra.

Misaotra Anao isan’andro aho
sy midera ny Anaranao mandrakizay.
Lehibe ny Tompo ary mendri-dera fatratra;
tsy azo takarina ny halehibeny.

Ny taranaka mifampigaga ny zava-bitanao,
sy mankalaza ny asanao mahery,
manambara ny harevaky ny voninahitrao,
mitantara ny asanao mahagaga.

Tompo ô, midera Anao ny asanao rehetra,
misaotra Anao ny mpivavaka aminao.
Miresaka ny voninahitry ny Fanjakanao izy ireo,
sy miteny ny asanao mahery.

Evanjely

Aleloia. Aleloia.

Ny teninao, ry Tompo, dia fanahy sy fiainana; Ianao no manana ny teny mahavelona mandrakizay.

Aleloia.

Evanjely Masina nosoratan’i Masindahy Lioka (Lk. 16, 9-15)

Raha tsy mahatoky amin’ny harena tsy marina ianareo, iza no hametraka aminareo ny harena marina?

Tamin’izany andro izany,
i Jesoa niteny tamin’ny mpianany nanao hoe:

“Aoka ny harena tsy marina no hahazoanareo sakaiza,
mba handraisany anareo any amin’ny tranolay mandrakizay
raha avy izay haharerahanareo.
Izay mahatoky amin’ny kely dia mahatoky koa amin’ny lehibe,
ary izay tsy marina amin’ny kely,
dia tsy marina koa amin’ny lehibe.
Koa raha tsy mahatoky amin’ny harena tsy marina ianareo,
iza no hametraka aminareo ny harena marina?
Ary raha tsy mahatoky amin’izay tsy anareo ianareo,
iza no hanome anareo izay anareo?
Tsy misy mpanompo mahay manompo tompo roa,
fa na hankahala ny iray izy ka ho tia ny anankiray;
na homba ny anankiray kosa ka hanamavo ny iray indray.
Tsy mahay manompo an’Andriamanitra sy ny harena ianareo.”

Ny Farisianina izay fatra-pitia vola
dia mba nihaino izany rehetra izany koa,
ka dia naneso Azy.
Fa hoy Izy tamin’izy ireo:

“Ianareo no mpanamarin-tena eo imason’ny olona,
nefa fantatr’Andriamanitra ihany ny fonareo,
ary izay ambony eo imason’ny olombelona
dia fahavetavetana eo imason’Andriamanitra kosa.”

— Izany àry ny tenin’ny Tompo.

Sous-catégories

Malagasy

[Miara-dàlana] Zoma 23 mey 2025

• Hotanterahana ny 16 sy 17 aogositra 2025 ao amin'ny ESCA Antanimena, ny taon-jobily ho an'ny olom-boatokana... • Ny alahady 25 mey 2025 no hiombonan'ny diosezin'Antananarivo manotolo amin'ny fanohanana ny Seminera Zandriny Ambohipo... • Hitarika ny Consistoire voalohany amin'ny maha Papa azy, ny 13 jona 2025 ao amin'ny Lapa Apostolikan'i Vatican, ny Papa Léon XIV...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...