Lohahevitra : Miara-dalana

Notendren’ny Papa François ho Eveka ao amin’ny diosezin’Antsirabe i Mgr Jean Pascal Andriantsoavina, Eveka mpanampy eto Antananarivo.

Lohahevitra : Vaovao

♦ Isan'ireo Kardinaly vaovao miisa 21 notendren'i Papa François, nampahafantarina omaly, ny lehiben'ny Fikambanana Saleziana maneran-tany, mompera Angel Fernandez ARTIME... ♦ Manatanteraka famangina ôfisialy any amin'ny Diôsezin'i Morondava, izay misy ny filohan'ny fivondronamben'ny Evekan'i Madagasikara ny Nonce Apôstôlika Thomas GRYSA, izay tonga tany an-toerana, omaly tolakandro... ♦ Sidina maromaro avy any ivelany, no mivantana avy hatrany ao Nosy-Be Hell Ville amin'izao fotoana tena mahabe ny mpizaha-tany any an-toerana izao. Kendrena ho avo roa heny tamin'ny mpitsidika tonga tany Nosy-Be tamin'ny 2019, ny ho tonga amin'ity taona ity...

Lohahevitra : Vaovao

♦ Tontosa omaly alahady nyEokaristia Masina fisaorana an'Andriamanitra sy fankasitrahana an'i Mgr Odon Marie Arsène Razanakolona, Arsevekan'Antananarivo, izay nahatratra ny taona hitsaharana amin'ny asa fitantanana ny Diôsezy... ♦ Fitenim-paritra faharoa nahavitana dika tenin'ny Baiboly, ny fiteny Tsimihety. Natolotra an'ireo vahoaka Tsimihety, tamin'ny sabotsy, tany Antsohihy izany... ♦ Milina afaka manodina mangahazo, ho lasa lafarinina no nomena ny tantsaha sy ny mpandraharaha any amin'ny Distrikan'i Mahanoro... 

Lohahevitra : Vaovao

♦ Mbola miala nenina miantso ny hisian'ny fikaonandoham-pirenena ny Hery Pôlitika Mitambatra. Manantena ny fakàn-kevitra ataon'ny FFKM ho tonga amin'izany dinika izany ny HPM... ♦ Efa misy akony amin'izao fangatahana ny hanangànana "maison de coopération" eo amin'i Madagasikara sy Mayotte. Miroso amin'izany ny fihaonan'izy ireo tamin'ny tompon'andraikitra teo anivon'ny Ministeran'ny Raharaham-Bahiny Frantsay, tany Paris... ♦ Efa misy in-dimy isan'andro ny fahatapahan-jiro eto Antananarivo amin'izao. Tsipahan'ny fikambanana mpiaro ny zon'ny mpanjifa MCI anefa ny fitadiavana vahiny hitantana ny orinasa Jirama...

Lohahevitra : Vaovao

♦ Hirosoana amin'izay ny fanamboaran-dalana eto Antananarivo, araka ny tapaka tamin'ny filan-kevitry ny ministra manokana, omaly. Ampahan-dalana miisa 11 no nankatoavina fa amboarina amin'izany... ♦ Tsy tokony ahilika any amin'ny Bianco irery ny ady amin'ny kolikoly fa andraikitry ny olom-pirenena rehetra, hoy ny tale jeneraliny. Miantso ny tanora amin'izany ady atao amin'ny kolikoly izany izy, omaly... ♦ Hampiova ny toe-karena ara-bola eto Madagasikara ny lalàna mifehy  ny fampiasam-bola nolaniana teny amin'ny Antenimiera farany teo hoy ny manampahaizana manokana momba ny lalàna, Raphaël Jacob. Tsy hisy intsony, hoy izy, ny fanomezana tombondahany ny mpampiasa vola sasany...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

11 jolay 2023 — Talata, Herinandro Tsotra fahefatra ambin'ny folo Mandavantaona — Taona tsy ankasa — Velomy araka ny hatsaram-ponao aho; mba hitandremako ny fanambarana avy amin’ny vavanao — Evanjely Masina nosoratan’i Masindahy Matio (Mt. 9, 32-38)

Lohahevitra : Vaovao

♦ Nifarana androany ny fankalazana ny andron'ny tambazotran'ny tanora mandala ny fahitsiana sy ny fahamarinana, teto amin'ny Faritra Analamanga. “Tanora tompon'ny ankehitriny, manorina ny ho avy lavitry ny kolikoly”, no lohahevitra. Hetsika natao teny amin'ny Kianjan'ny Barea Mahamasina... ♦ Mikarakara hetsika eny amin'ny Kianjan'ny Barea Mahamasina, nanomboka androany ary hitohy rahampitso, ny Minisiteran'ny Tanora sy ny Fanatanjahan-tena, hanampiana ny tanora hitady asa sy ny fizarana asa...

Lohahevitra : Miara-dalana

♦ Hotanterahana eny amin'ny kianja Soamandrakizay ny alahady 09 jolay 2023 ny Eokaristia Masina fisaorana an'Andriamanitra sy fankasitrahana an'i Mgr Odon Marie Arsène Rzanakolona, Arsevekan'Antananarivo nandritra ny 18 taona... ♦ Nanentana ireo ao anatin'ny tokantrano imaso hiroso amin'ny sakramentan'ny fanambadiana ny Vaomieran'ny Fianakaviana ao amin'ny Diôsezin'Ambanja... ♦ Hitsidika an'i Mongolie ny 31 aogositra ka hatramin'ny 04 septambra 2023 ny Papa François...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Boky Jenezy (Jen. 32, 22-32)

Hatao hoe Israely ny anaranao, satria efa niady tamin’Andriamanitra ianao ka nahery.

Tamin’izany andro izany, dia nitsangana andro alina i Jakôba,
nalainy ny vadiny roa sy ny ankiziny roa vavy
ary ny zanany iraika ambin’ny folo lahy:
dia nita tamin’ny fitàna tao Jabaoka izy.
Nalainy ireo,
nampitainy ny rano, ary nampitainy koa ny fananany.

Dia i Jakôba irery sisa nijanona teo,
ary nisy lehilahy anankiray nitolona taminy,
mandra-pahazavaratsin’ny andro.
Nony hitan-dralehilahy fa tsy naharesy azy izy,
dia ny famavàn’ny feny no notendreny
ka nivika terý ny foto-pen’i Jakôba
nandritra ny nitolomany taminy.
Dia hoy izy tamin’i Jakôba:

“Avelao aho handeha,
fa efa hazava ratsy ity ny andro.”

Fa hoy i Jakôba:

“Tsy avelako handeha ianao,
raha tsy efa nitso-drano ahy.”

Dia hoy izy taminy:

“Iza no anaranao?”

Ary novaliany hoe:

“Jakôba.”

Ka hoy izy:

“Tsy hatao hoe i Jakôba intsony ny anaranao,
fa hatao hoe i Israely,
satria efa niady tamin’Andriamanitra sy tamin’olombelona ianao ka nahery.”

Dia nanontany azy kosa i Jakôba nanao hoe:

“Masìna ianao,
mba ampahalalao ahy kely ny anaranao.”

Fa hoy izy:

“Ahoana no anontanianao ny anarako?”

Dia nitso-drano azy teo izy.

Ary nataon’i Jakôba hoe Fanoely ny anaran’io tany io, fa hoy izy:

“Efa nahita an’Andriamanitra nifanatrika aho,
nefa velona ihany ny aiko.”

Nony niala teo Fanoely izy,
dia indro hitany niposaka ny masoandro;
nitolitsika anefa izy tamin’ny foto-peny.
Izany no tsy ihinanan’ny zanak’i Israely
ny hozatra lehibe ao amin’ny famavàn’ny fe mandraka androany,
dia noho ny nanendren’Andriamanitra ny famavàn’ny fen’i Jakôba
teo amin’ny hozatra lehibe.

— Izany àry ny tenin’ny Tompo.

Setriny

Salamo 16, 1. 2-3. 6-7. 8b sy 15

Hibanjina ny tavanao aho, noho ny fahamarinako.

Henoy ny antsoko, ry Tompo!
Ekeo re ny tarainako!
Mampandria sofina amin’ny tonom-bavako,
izay tsy avy amina molotra mpamitaka!

Ny tavanao mamoaha ny rariny ho ahy;
ny masonao mahità ny hitsiny.
Savao ny foko; tampohy alina aho;
manasedrà, fa tsy hahita tsiny!

Miantso aho, ka valio Andriamanitra:
anongilano sofina, henoy teny!
Ataovy mahatalanjona ny hatsaram-ponao lehibe,
ry Ilay Mpamonjy amin’ny fahavalo an’izay mifefy amin’ny tananao!

Ambeno toy ny anakandriamaso aho;
afeno ao amin’ny aloky ny elatrao!
Izaho noho ny fahamarinako, hibanjina ny tavanao,
hivoky amin’ny endrikao raha mifoha!

Evanjely

Aleloia. Aleloia.

Velomy araka ny hatsaram-ponao aho;
mba hitandremako ny fanambarana avy amin’ny vavanao.

Aleloia.

Evanjely Masina nosoratan’i Masindahy Matio (Mt. 9, 32-38)

Ny vary hojinjaina be, fa ny mpijinja no vitsy.

Tamin’izany andro izany,
indro nentin’ny olona teo amin’i Jesoa ity lehilahy anankiray
sady moana no azon’ny demony.
Ary nony voaroaka ny demony,
dia niteny ilay moana ka gaga ny vahoaka sady nanao hoe:

“Tsy mbola nisy toa izany tamin’i Israely.”

Fa ny Farisianina kosa nanao hoe:

“Ny lehiben’ny demony no androahany ny demony.”

Ary i Jesoa nitety ny tanàna sy ny vohitra rehetra,
nampianatra teo amin’ny sinagôgany
sy nitory ny evanjelin’ny fanjakan’Andriamanitra,
ary nahasitrana ny aretina mbamin’ny rofy rehetra.
Onena Izy nahita ireto vahoaka be nijaly sy nafoy toy ny ondry tsy misy mpiandry.
Dia hoy Izy tamin’ny mpianany:

“Ny vary hojinjaina be, fa ny mpijinja no vitsy;
koa mihantà amin’ny tompom-bary mba haniraka mpijinja amin’ny variny.”

— Izany àry ny tenin’ny Tompo.

Lohahevitra : Vaovao

♦ Maherin'ny iray tapitrisa ireo olona nisitraka ny fanampiana vokatry ny fiaraha-miasan'ny Firenena Mikambana sy ny Fitondram-panjakana Malagasy, tamin'ny taona 2022... ♦ Fandaharan'asa maro no notanterahana tamin'ny tetikasa Haraton'aina fiahiana ara-tsôsialy, toy ny fandaharan'asa Mijoro, Milofo, ny Asa vonjy voina... tao anatin'ny fito taona nisian'izany... ♦ Ny tantsaha sy ny mpandraharaha tany Vatomandry sy Brickaville indray no nahazo ny milina fanodinam-bokatra, avy amin'ny Fitondram-panjakana...

Lohahevitra : Vaovao

♦ Nanambara ny fandraisany anjara amin'ny famatsiam-bola amin'ny fikarakarana ny fifidianana eto Madagasikara, ao anatin'ny “Basket Fund” androany, ny Vondrona Eorôpeana, sy ny Masoivohon'i Allemagne, ary ny Masoivohon'i Frantsa... ♦ Manambara ny hanamafy ny hetsika hitakiana ny famoahana an'i Me Kanto, ny Antenimieran'ny vadintany sy ny mpanao lavanty, raha tsy handray andraikitra ny fanjakana... ♦ Tsy marina, fa endrika fanakorontanana, ny fivoizana fa hampakatra saran-dàlana ny UCTU, hoy ny Filohany...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

10 jolay 2023 — Alatsinainy, Herinandro Tsotra fahefatra ambin'ny folo Mandavantaona — Taona tsy ankasa — Ny teninao, ry Tompo dia fanahy sy fiainana. Ianao no manana ny teny mahavelona mandrakizay — Evanjely Masina nosoratan’i Masindahy Matio (Mt. 9, 18-26)

Sous-catégories

Malagasy

[Miara-dàlana] Alatsinainy 25 aogositra 2025

• Ho kristianina mitondra hazavana sy hafanana, hanome hafaliana sy fanantenana ho an'ny hafa. Izany hafatry ny Arsevekan'Antananarivon, nandritra ny fankalazana ny Andron'ny Diosezin'Antananarivo... • Nitombo roa indray ny pretra Saleziana Don Bosco. Notanterahana omaly, tany Betafo, ny fanamasinana azy ireo... • Nanatanteraka ny Andro Voalohany ho an'ny Ankizy tao amin'ny Diosezin'i Farafangana, nanomboka ny 22 hatramin'ny 25 aogositra 2025... 

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...