Lohahevitra : Vaovao

Manjombona ary misaona ny Fiangonana Katôlika, nodimandry teo amin'ny faha-88 taonany, omaly alatsinainy maraina 21 avrily 2025, ny Papa François. Notsaboina nandritra ny 38 andro tao amin'ny Hopitaly Gemelli, noho ny aretin'ny taovam-pisefoana. Mirakitra ho tantaran'i Madagasikara, tsy ho hay adinoina ny famangian'ny Papa François tamin'ny taona 2019, izay nankaherezany ny vahoaka Malagasy hiady amin'ny kolikoly sy ireo endrika rehetra mampizarazara, manohitohina ny soatoavin'ny Fihavanana Malagasy. 12 taona izao no nitondran'ny Papa François ny Eglizy maneran-tany.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny Sakramenta no manamasina ny Eglizy vahoakan'Andriamanitra ; tsy tanjona akory ny maha-zanaky ny Eglizy fa ny Eglizy indrindra aza no famantarana hita maso ny zavatra tsy hita maso : ny asa sy ny fisian'Andriamanitra eo amini'zao tontolo izao. Fitaovana anamasinan'Andriamanitra ny vahoakany ny Sakramenta, tsy natokana ho an'olom-bitsy ny fanamasinam-piainana ao amin'ny Eglizy... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Vaovao

♦ Fivoahana makany amin'ny Faritra amin'izao ankatoky ny fetin'ny Paka izao, mahalasa fiara 140 isa isan'andro tato anatin'ny 3 andro izao ny toby fiantsonana Makis Andohatapenaka... ♦ Ho hentitra ny fitandroana ny filaminana ataon'ny zandary amin'ireo lalam-pirenena mandritra izao faran'ny herinandro hakalazana ny fetin'ny Paka sy ny alatsinainin'ny Paka izao... ♦ Miezaka miala amin'ny fomba mahazatra isan'andro fotsiny ihany ny amin'ny fetin'ny Paka sy ny alatsinainin'ny Paka hoy ireo olona nanaovana fanadihadiana... ♦ Nitrangana loza nahatsiravina tao amin'ny Faritra avaratra-andrefan'i RDC, 143 no namoy ny ainy, noho ny fahamaizana seranan-tsambo...

Lohahevitra : Vatsim-panahy

Alahady Paka : Nitsangan-ko velona tokoa i Jesoa. Efa voavono i Kristy izay Paka ho antsika ao amin’ny Tompo. Nitsangan-ko velona Aho ka tafaraka aminao indray, fa nomba Ahy ny tananao. Mahatalanjona loatra ny fahendrenao. Aleloia. Ny isa telo, voalaza hoe telo andro nijanonan'i Jesoa tao amin'ny fasana dia milaza hafenoana sy fahalavorariana. I Lazara dia efatra andro no nilevina tao am-pasana, isa efatra manambara ny lafivarolon'ny tany, manambara izao tontolo izao. Ny fitiavana no manana ny teny farany, porofo io fitiavana nasehon'i Jesoa io...

Lohahevitra : Vaovao

♦ Tsy ekena ny fanakorontanana ataon'ny mpanohitra izay olom-bitsy, amin'ny fandraisana ny fihaonana an-tampon'ny COI hoy ny Filoha Andry Rajoelina. Mila fantatr'ireo mpizaika amin'ny fivorian'ny COI ny olona misy iainan'ny vahoaka hoy ny antoko TIM... ♦ Mametraka tanjona hamongotra andiam-balala amina velaran-tany 100.000Ha hatramin'ny 2028 ao amin'ny Faritra Atsimo-Andrefana ny Ivon-toerana Famongorana ny Valala eto Madagasikara... ♦ Harenina manontolo y toby famokarana rano eny Mandroseza-I hitombo 40.000m3 isan'andro ny rano vatsian'ny JIRAMA eny Mandroseza aorian'ny fanarenana...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Noho ny Batemy noraisina, na ny Papa na ny Eveka na ny Pretra na ny Relijiozy sy ny lahika dia vahoak'Andriamanitra, voaantso handray anjara amin'ny maha-mpisorona an'i Kristry. Raha vahoaka mpisorona ny vahoaka mandrafitra ny  atao hoe Eglizy dia miaina ny maha-mpisorona azy amin'ny alalan'ny vavaka ataony samirery na miaraka isan'andro... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny fihevitra diso novoizin'ny Refôrmasiôna ny hoe tamin'ny andron'ny jody tao amin'ny Testamenta Taloha, dia mpisorom-be sy ny levita no manolotra sorona sy mifona ho an'ny olona ary manao ny fanadiovana handraisan'ny olona famelan-keloka, FA ao amin'ny Eglizy nandalo fihavaozana dia ny kristianina dia mpisorona avokoa fa tsy ny mpitondra fivavahana ihany... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mihaino ny feon'Andriamanitra no maha-mpaminany ny vahoaka ; mila maka fotoana mihitsy mba hihaino ny bitsiky ny Fanahy Masina anatin'ny vavaka, ny fandinihana ny Soratra Masina, ary amin'ireo zavatra mitranga eo amin'ny fiainana misy ankehitriny. Ny Batemy dia mahatonga antsika ho mpisorona, mpanjaka ary mpaminany toa an'i Kristy... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Vaovao

• Nanamafy ny hanatanterahany ny hetsika ny avy amin'ny mpanohitra, manoloana ny fahatongavan'ireo vahiny hanatrika ny Fihaonana an-tampon'ny Vaomieran'ny Ranomasimbe Indiana... • Handray fepetra manokana ny mpitandro ny filaminana, mandritra ireo hetsika lehibe eto amin'ny firenena ny 23 sy 24 avrily 2025, araka ny tinapaky ny EMMONAT... • Tsy maintsy ho vita mialoha ny volana aogositra 2026, araka ny fe-potoana voafaritry ny lalana, ny fifidianana eo anivon'ny UCTU, hoy ny filohany...

Lohahevitra : Vaovao

• Mpiasan'ny Kaominina miisa 300, miampy ny mpiasan'ny minisitera maherin'ny 3.000 no nisahana ny fanadiovana ny tanana, ho fiomanana amin'ny fandraisana vahiny amin'ny Fivoriamben'ny COI... • Voasazy 10 taona an-tranomaizina, sazy mihatra, miampy fandoavana lamandy, ny olona roa manao fitrandrahana sokatra tsy ara-dalana. Iray amin'ireny ny Solombavam-bahoakan'i Soavinandriana... • Mampiantrano ny fivoriambe iraisam-pirenena momba ny toe-karena manga ny Faritra Atsimo Andrefana. Tanora avy amin'ny firenena afrikana maherin'ny 20, no mandray anjara amin'izany...

Lohahevitra : Miaina sy mitia

Mifanaraka amin'ny tetiandro navoakan'ny Papa Ray Masina mikasika ny fankalazana ny taon-jôbily 2025, natokan'ny Eglizy ho jôbily ho an'ny olona manana fahasembanana, ny datin'ny 28 avrily 2025. Atao hoe "Sembana" ny olona iray raha toa ka mihena mandalo na maharitra ny fahafenoiny ara-batana na ara-tsaina, azo hatrany am-bohoka, na vokatry ny fahanterana na vokatry ny loza, hany ka lasa tsy lavorary ny fahaleovantenany, ny fianarany, sy ny asany... Fandaharana "Miaina sy mitia" tontosaina eto amin'ny radio Don Bosco.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny Eglizy dia vahoakan'Andriamanitra, milaza ny fiombonana ara-panahy sy miharihary efa iainany sy tsy maintsy iainany mandra-pahatapitr'izao tontolo izao. Fanekem-pihavanana ny Eglizy satria teraka tamin'ny fanekem-pihavanana vaovao izay naorin'i Kristy tamin'ny rany teo amin'ny hazofijaliana. Ny Eglizy dia Misiônera na Iraka... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Sous-catégories

Malagasy

[Miara-dàlana] Zoma 22 aogositra 2025

• Miorina amin'ny fanantenana hadio toa an'i Kristy. Io no teny hifanentanan'ireo Fanilon'i Madagasikara manatanteraka Lasy Nasionaly, nanomboka ny 18 hatramin'ny 23 aogositra 2025... • Tanora, mpivahiny masina miisa 869 no nahatanteraka ny Andron'ny Tanora ho an'ny Diosezin'i Mahajanga, tamin'iny herinandro lasa teo iny... • Notanterahana tao amin'ny Diosezin'Ambanja ny Fivahinianana Masina andiany faha-2 ho an'ny Vondrona Iniasianina...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...