Lohahevitra : Raki-tsarobidy

Sitrak'Andriamanitra ny fivoarana sady soa ho an'ny zava-boahary rehetra satria mampamokatra ilay tso-drano tany am-piandohana hoe mitomboa ; ka ilay hoe mitombo dia sady mitombo isa no mitombo hatsarana. Tsara ny manamarika fa tsy fandrosoana ny fandringanana sy ny fifaninanana amin'Andriamanitra ; manoloana ny zava-boahary dia mpanjaka isika fa tsy mpanjakazaka. Katesizy momba ny tontolo iainana, iarahana amin'i P. Jean Louis Rakotomanantsoa. 

Lohahevitra : Raki-tsarobidy
Voadika amin'ny fiteny :  Français (France) 

Ny tena soa ho an'ny olombelona sy ny zava-boahary hatrany no tokony hokatsahina. Aoka hotombanana ambony indrindra hatrany ny hasina maha-olona, ary miaraka amin'izay ny zava-manana aina hafa. Aoka tsy hoviraviraina tafahoatra amin'ny fanandramana ny aina. Raha misompatra sy manara-po ny olombelona dia iharan'ny hatezeran'ny natiora, toy ny tondra-drano, hain-tany, aretina. Katesizy momba ny tontolo iainana, iarahana amin'i P. Jean Louis Rakotomanantsoa. 

Lohahevitra : Raki-tsarobidy
Voadika amin'ny fiteny :  Français (France) 

Misy ny fahatongavan-tsaina rehefa mihatra ny voina, ohatra rehefa tondraka ny rano, mihotsaka ny tany, rehefa mihantona ny orana, miakatra be ny hafanana ; saingy fifanomezan-tsiny no mahazo laka ; adino fa samy tompon'andraikitra amin'ny zava-misy izay nanao antsirambina. Maro ireo andro iraisam-pirenena na eran-tany hanomezana lanja ny mikasika ny tontolo iainana. Katesizy momba ny tontolo iainana, iarahana amin'i P. Jean Louis Rakotomanantsoa. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ireo singa rehetra mandrafitra ny tontolo iainana dia nanokanana andro iray avy isan-taona mba hanajana azy. Ny manahirana amin'ireny fankalazana ireny dia mijanona eo amin'ny kabary sy ny sary fahatsiarovana na fampirantiana ny hetsika. Maro ireo ezaka ataon'ny tsirairay, ataon'ny fikambanana ary indrindra ny mpitondra sy ny fanjakana, ezaka ho fikarakarana ny tranobe iombonana. Katesizy momba ny tontolo iainana, iarahana amin'i P. Jean Louis Rakotomanantsoa. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Tsy hisalasalàna ny hasarobin'ny tontolo iainana, eo koa ny loza mihatra raha simba izy, koa irariana ny mba hatonga saina ny rehetra manoloana ireo tranga ireo. Ny fahadiovana no tsy maintsy hanombohana ny asa momba ny tontolo iainana ; manaraka izany ny fanadiovana sy ny fanarenana ary tsy maintsy hirosoana ihany koa ny fanajariana. Katesizy momba ny tontolo iainana, iarahana amin'i P. Jean Louis Rakotomanantsoa. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Maro ny mamboly hazo fa amporisihana hatrany ny tsirairay hanohy izany satria efa lasa nosy mena i Madagasika ilay nosy maitso fahiny ; lasa tany ngazana ilay tanindrazana. Rehefa tsara ny vokatra dia mazot ny olona hisehatra amin'ny fambolena sy ny fiompiana, amporisihana araka izany ny teknisiana hanohy ny asa fikarohana hanatsara masomboly sy taranaka biby fiompy. Katesizy momba ny tontolo iainana, iarahana amin'i P. Jean Louis Rakotomanantsoa. 

Lohahevitra : Raki-tsarobidy
Voadika amin'ny fiteny :  Français (France) 

Mivondrona ao amin'i Kristy ny zavatra rehetra. Ny taranaka ankehitriny dia mbola misitraka ny tombontsoa maro avy amin'ny tontolo iainana fa raha tsy manitsy ny fiainantsika dieny izao isika dia hampandova fahantrana sy tontolo iainana efa rotidrotika ho an'ny taranaka ho avy. Aoka tsy ho tia tena fa mba hifampitsinjo ary hanao ho zava-dehibe ny "soa iombonana". I Kristy no ivondronan'ny zava-boahary sy ny olombelona. Katesizy momba ny tontolo iainana, iarahana amin'i P. Jean Louis Rakotomanantsoa. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ao amin'i Kristy maty sy nitsangan-ko velona dia tafarina indray ny misy rehetra. Ao no tonga amin'ny fanaperana izao voahary rehetra izao, mivondrona ho iray. Hajaintsika manokana i Md François avy any Asizy fa mampianatra antsika handray ny zava-boahary rehetra ho toy ny namana. Tsy hoe hatao sakafo na fanafody na ho fitaovana no anton'ny zava-boahary voalohany fa ny ho namana. Katesizy momba ny tontolo iainana, iarahana amin'i P. Jean Louis Rakotomanantsoa. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny zava-boahary, tontolo iainana dia midika hoe : fanomezan'Andriamanitra ankininy amin'ny olombelona ; asan-tanan'Andriamanitra ; voninahitr'Andriamanitra, itarafana ny hatsarany ; soa ho an'ny olombelona ; adidy sy andraikitry ny olombelona indrindra ny fikarakarana sy ny fampivoarana azy ; voalahatra ho amin'ny famonjena ; manampy ny olona amin'ny litorjia, miray feo aminy midera ny Mpahary. Katesizy momba ny tontolo iainana, iarahana amin'i P. Jean Louis Rakotomanantsoa. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Raha ity lohahevitra ity no raisina dia azo ambara fa maneho ny maha izy ny kristianina tsirairay avy ny fanajana ny tontolo iainana. Izany hoe: mamaritra ny toe-piainana sy ny adidy tokony atao mba ho voninahitr’Andriamanitra voalohany indrindra ary ny faharoa dia mba ho fiadanana ho antsika olombelona. Ny hoe kristianina dia tsy hoe mankatoa an’A/tra fotsiny, fa manaja ihany koa ireo noahariany. Katesizy momba ny tontolo iainana, iarahana amin'i P. Tina Jeannot Ranaivozanany. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Eo anivon’izao tontolo izao no naharian’Andriamanitra antsika olombelona. Jen 1, “Noharian’Andriamanitra izao rehetra izao (Rano, tany, rivotra, ny hazavana sns …) izay Izy vao nahary ny olombelona. Noho izany tsy misaraka ary miankina tanteraka amin’ny tontolo manodidina antsika ny fahavelomana sy ny fivoarana ary ny fitombohantsika olombrelona... Katesizy momba ny tontolo iainana, iarahana amin'i P. Tina Jeannot Ranaivozanany. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Lafiny roa no azo hamaritana ny atao hoe: tontolo iainana. Ny voalohany dia ny zavatra rehetra noharian’Andriamanitra hivelomantsika olombelona (iankinan’ny aina) tany, rivotra, rano, afo sns. Ny faharoa dia ireo nohajarintsika olombelona : taozavatra, asa tanana, lalana sns… natao ireny mba hanamorana sy hampirindra; hanatsarana sy hiarovana ny fiainana (aina). Katesizy momba ny tontolo iainana, iarahana amin'i P. Tina Jeannot Ranaivozanany. 

Sous-catégories

Malagasy

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...