Lohahevitra : Raki-tsarobidy

Ny paka dia fiampitana avy amin'ny toerana iray ho amin'ny toerana iray hafa vaovao. Tamin'ny andron'Israely dia alina no fotoana nihinana ny zanak'ondrin'ny Paka, mba hanehoana fa Andriamanitra no manazava, Izy no manala ny vahoaka ao anatin'ny haizina mikitroka. Ny haizina voalaza eto dia ireo izay nihatra tamin'ny zanak'Israely : fanandevozana, famoretana, fanitsakitsahana ny zo maha-olona... Katesizy momba an'ny fanambaran'Andriamanitra, iarahana amin'i P. Rakotondramanana Soloniaina Jean Emilien.

Lohahevitra : Vaovao

• Tsy handray anjara amin'ny fifidianana Loholona hotanterahana ny alakamisy 11 desambra 2025 ny mpanohitra. Fifidianana tsy ara-dalana no kasaina hatao, hoy ny Pasitera Edouard Tsarahame, androany... • Nandresy tamin'ny fifidianana Ben'ny Tanana tao Betroka Ambonivohitra ny kandidan'ny GJMP. Tsy lany indray ny Ben'ny Tanana IRMAR, izay efa nitondra ny Kaominina, araka ny didy nivoaka ny 5 septambra 2025... • Mandray fiofanana avy amin'ny Federasiona ho an'ireo mpitsara Basketball isika eto Madagasikara. Tanora mpitsara avy amina firenena 11 aty Afrika no miatrika izany, nanomboka androany...

Lohahevitra : Vaovao

♦ Mampametra-panontaniana ny lanjan'ny didim-pitsaràna miainga amin'ny zava-misy eto amin'ny firenena hoy ny ONG Tolotsoa, raha naneho hevitra amin'ny tsy fahavitan'ny fifidianana any amin'ireo kaominina nodidin'ny Fitsaràna... ♦ 200 isan'andro eo ireo mpianatra mandalo, maka hevitra sy mividy ny antontantaratasy ilaina amin'ny fianarana ho an'ny Fakiolten'ny teny aman-tsoratra sy ny siansa maha-olona (FLSH). Miankina amin'ny fitsapam-pahaizana ny handraisana ireo ao amin'ny taona voalohany... ♦ Sendika TRIADE : misy ireo antony nananganana ny sendika, hivondronan'ireo mpiasan'ny fahasalamam-bahoaka...

Lohahevitra : Mba ho vanona

Ny fandaharana dia manana tanjona mba ha-olom-banona ny mpihaino, tsara noho izany aza dia ny hoe "olom-banona sy kristiana". Hita tamin'ireny fitsenana ny Ekipam-pirenena Barean'i Madagasikara ireny fa mbola ao amin'ny Malagasy ny firaisan-kina, fifanajàna, fihavanana, mbola azo ampiarina amin'ny lafin-javatra maro ireny soatoavina ireny. Ny finiavana sy ny fitiavana dia fototra afahana mampandroso, indrindra raha tsara ny safidy miampy ny talenta... Fandaharana "mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao

♦ Nampanantena indray ny mpitondra fa afaka roa herinandro ny fitanterana ireo fitaovana vaventy avy ao Toamasina ho famahana ny olan'ny JIRAMA... ♦ Efa tafapetraka ny taratasy fangatahana toerana kasain'ny saindika TRIADE hanaovana ny fivoriambe hijerena miaraka ny olan'ny mpiasan'ny fahasalamana... ♦ Nosafidian'i Père Pedro Opeka mpitantana ny toby Akamasoa hankalazana ny jobily faha-50 taona naha pretra azy ny any Vangaindrano... ♦ Voafonja maherin'ny 13.500 no tafatsoaka vokatry ny savorovoro any Népal. Herisetra mbola tsy nisy tao anatin'ny 20 taona no nitranga tany an-toerana...

Lohahevitra : Raki-tsarobidy

Ny misongady amin'ny fanirahana an'i Môizy : famaritan'Andriamanitra ny tenany mivantana sy ny momba azy amin'ny zanak'Israely ; araka izay nambaran'Andriamanitra tamin'i Môizy hoe : "Ilazao ny vahoaka fa Izaho ilay MISY", izany hoe, ilay eo an'ivon'ny vahoaka mandrakariva. Ny fanafahana ny vahoaka teo anatrehan'i Faraoana dia noho ireo toro-marika avy amin'Andriamanitra... Katesizy momba an'ny fanambaran'Andriamanitra, iarahana amin'i P. Rakotondramanana Soloniaina Jean Emilien.

Lohahevitra : Vaovao

• Miantso ny mpanao politika tsy ankanavaka, na mpanohitra, na mpiara-dia amin'ny fitondrana, ny antoko ALFA, mba tsy haneho hevitra mifono fihantsiana sy fandranitana ka ahiana hiteraka savorovoro eto amin'ny firenena... • Hiroso amin'ny fivoriambe ny sendika TRIADE amin'ny zoma 19 septambra ireo. Misy ireo tompon'andraikitra manao ny sakantsakana amin'izany... • Hikorontana ny famatsian-drano amin'ireo toerana maromaro ao Antananarivo Renivohitra, rahampitso alakamisy...

Lohahevitra : Vaovao

♦ Efa mirehatra mena avokoa ireo tondro rehetra maneho ny tsy fahombiazan'ny fitantanan'ny mpitondra sy ny fahantran'ny vahoaka Malagasy hoy ny solombavambahoaka Rajerison Antoine... ♦ Voaresaka tamin'ny fihaonana teo amin'ny filoha Malagasy sy ny delegasiôn'ny tahirim-bola iraisam-pirenena ny fampiharana ny vidin-tsolika tena izy sy ny fanavaozana ny satan'ny orinasa jirama... ♦ Eken'ny kaominina Antananarivo renivohitra ny hiasan'ny taxi-moto ho fitaovam-pitanterana ara-dalàna, hijery miaraka ny fomba hametrahana ny rafitra ho azy ireo ny kaominina sy ireo chef de piste... 

Lohahevitra : Vaovao

♦ Nankatoavin'ny governemanta ny tolo-kevitry ny CENI ny hanaovana ny fifidianana Loholona amin'ny faha-11 ny volana desambra ho avy izao... ♦ Hikarakara varavarana misokatra ny zoma sy sabotsy izao ny Faculté toe-karena, fitantanana, ary ny fiaraha-monina (EGS) eny amin'ny Université Ankatso... ♦ Ho foana afaka volana maromaro ny fahatapahan-jiro lavareny (délestage) any amin'ny Distrika Vohimpeno, Faritra Fito-Vinany, ity Distrika ity izay isany nisitraka ilay fandaharan'asa fametrahana Parc solaire... ♦ Praiministra fahafito nandritra ny fitondran'i Emmanuel Macron nanomboka ny volana mey 2017 ny praiministra Sébastien Lecornu...

Lohahevitra : Raki-tsarobidy

Noho ny fahitan'i Faraona fa nitombo be ny vahoaka Israeliana dia natahotra izy sao lasan'ireo zanak'i Israely i Egypte manontolo. Nandevozona ny vahoakan'i Israely, nampanaovina biriky, midika ho "ozona" ny asa tamin'izany. Niaritra 640 taona ny vahoakan'i Israely tao Egypte. Hitan'Andriamanitra ny fahoriana niainan'ireo vahoakany ka nifidy an'i Môizy Andriamanitra hanafaka an'i Israeliana... Katesizy momba an'ny fanambaran'Andriamanitra, iarahana amin'i P. Rakotondramanana Soloniaina Jean Emilien.

Lohahevitra : Vaovao

• Hahazo fitaovam-pianarana maimaim-poana avokoa ny mpianatra maherin'ny iray tapitrisa eto Madagasikara, raha ny nambaran'ny Filohan'ny Repoblika, Andry Rajoelina, androany teny amin'ny EPP Ambatobe... • Mbola mahaliana ireo mpianatra ny fanarahana ny fampianarana eny amin'ny oniversitem-panjakana. Maro ireo tanora mandray anjara amin'ny fitsapam-pahaizana eny amin'ny anjerimanontolo... • Nanomboka androany ary haharitra efatra andro, eny amin'ny Motel Anosy, ny atrikasa fanamafisana ny fahaiza-manaon'ireo mpampiofana eo anivon'ny sampan-draharaha mpanara-maso ny asa...

Lohahevitra : Vaovao

♦ Nitondra fanazavàna ny teo anivon'ny CENI momba ny datin'ny 11 desambra izay nambaran'ny HCC fa azo anaovana ny fifidianana Loholona. Ny Governemanta ihany anefa no mamoaka ny fankatoavana hoy ity Vaomiera mpikarakara ny fifidianana ity... ♦ Nalefa hotsaboina atsy Maurice ny iray amin'ireo olona miiisa 7, sisa velona tamin'ilay raharaha fanapoizinana teny Ambohimalaza. Niainga omaly tety Ivato ny fiaramanidina nitondra azy... ♦ Tovovavy iray miasa amin'ny orinasa afak'haba eto Antananarivo no afa-jaza kambana, noho ny harerahana amin'ny asany. Nitaraina momba ny nahazo azy amin'ny sehatry ny asa izao ity mpiasa iray ity... 

Sous-catégories

Vaovao

Arofanina

[Miara-dàlana] Zoma 26 septambra 2025

• Nosokafana ny 23 septambra 2025, ny taom-pianarana 2025-2026, ho an'ny Diosezin'Ambanja... • Tsy tapitra eo amin'ny fahafatesana ny tena fiainana, hoy ny Papa Léon XIV, tamin'ny fampianarany momba ny misterin'ny Sabotsy Masina, tamin'ny alarobia lasa teo... • Minisitera tena ilaina, nefa saro-pady, ny fandroahana demony, hoy ny Papa Léon XIV...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...