Lohahevitra : Vaovao

♦ Miandrandra ny hahombiazan'ny FFKM amin'ny famahana ny olana eto amin'ny firenena, ny vovonan'ny fiarahamonim-pirenena Ifarimbona... ♦ Miantso ny Malagasy hitandro mandrakariva ny firaisam-pirenena, ny antoko MONIMA. Tandindomin-doza, hoy ity antoko ity, ny firenena noho ny fanodinana ny fifidianana ho fividianana ny safidim-bahoaka... ♦ Miisa 28 ireo mpilalao handrafitra ny Barean'i Madagasikara, handray anjara amin'ny lalao fiadiana ny amboara eran-tany amin'ny baolina kitra, amin'ny taona 2026, hanomboka amin'ity volana nôvambra ity...

Lohahevitra : Miaina sy mitia
Voadika amin'ny fiteny :  Français (France) 

Lalana tsy maintsy diavina ny fahafatesan'ny olona akaiky ary miaina dingana ara-psykôlôjika ny olona iray rehefa misaona. Azo diavina tsara ny fisaonana ary misy 7 ny dingana mety ho lalovana ao anatin'izany. Betsaka ireo fiovana mety hiseho eo amin'ny fomba fisainana sy ny fitondran-tena ary maty ho marobe ihany koa ireo fihetsem-po izay hifamaofao mandritry ny fandalovana amin'ireo dingana ireo. Noho izany, mitaky fahaizana miatrika mahomby ny fiainana ireo dingana ireo ary miankina amin'ny fomba fiatrehana azy no hahatafavoaka na tsia ao amin'ilay fisaonana. Na mafy aza ny fisarahana an-tany dia betsaka ireo azo hatao mba hanana filaminana sy fitoniana anaty, aorian'ny fahafatesan'ny olona akaiky...

Lohahevitra : Vaovao

♦ Hiainga anio maraina hiazo ny Diôsezin'i Moramanga ny nofo mangatsiakan'i Mgr Antoine Scopelliti. Nandrasana tao amin'ny Eglizy Kristy Mpanjaka Manjakaray izy alina... ♦ Manohy ny fihaonana amin'ireo hery velona samihafa eto amin'ny firenena ny ao amin'ny FFKM. Isan'ny nanatrika ny fotoana omaly ny Filohan'ny Antenimieram-pirenena, Christine Razanamahasoa sy ny Filohan'ny CENI, Dama Arsène Andrianarisedo... ♦ Nanatitra taratasy teny amin'ny Masoivoho frantsay omaly, ny palremantera malagasy miara-dia amin'ny vondron'ireo kandidà...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny zava-misy dia hadinontsika olombelona fa manana ny hasina maha izy azy ireny zava-boahary ireny satria zava-miaina. Porofo : lasa manjakazaka amin'ny zava-boahary isika olombelona dia eo ny fandripahana ny biby, ny ala ary ny fandotoana ny tontolo iainana. Vokany : maro ny karazan-java-maniry manjavona isan-taona, ary mety tsy ho fantantsika intsony. Katesizy momba ny ankohonana, iarahana amin'i P. Eric Frank Randriamiandrinirinarivo. 

Sous-catégories

Malagasy

[Miara-dàlana] Alatsinainy 16 jona 2025

• Ny fanakaikezana ny mahantra sy ny fanakaikezana ny pretra, ireo no teboka roa nisongadina, nandritra ny fihaonan'ny Evekan'i Madagasikara tamin'ny Papa Léon XIV... • Ankizy katolika manaja ny tontolo iainana, fanantenan'ny Eglizy : io no teny manentana ho an'ny ankizy rehetra tao amin'ny Diosezin'i Morombe, nentina nanamarihana ny Jobily 2025, ho an'ny ankizy... • Eokaristia Masina notanterahana tao amin'ny EKAR Masina Misely Itaosy omaly, no nentina nanamarihana ny fankalazana ny faha-25 taona niorenan'ny fikamban-drelijiozy Masera Carmélites Mineures de la Charité...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...