Lohahevitra : Hono hoy aho Mompera ?
Voadika amin'ny fiteny :  Français (France)   English (United Kingdom) 

Manana andraikitra lehibe ny ray aman-dreny isan-tsokajiny mba hahay hifanampy sy hifanaja ; ny fanabeazana dia adidy tsy maintsy sahanin'ny ray aman-dreny : fanabeazana ara-batana, ara-tsaina amin'ny alalan'ny fanofanana, ara-panahy mifantoka amin'ny fifehezan-tena. Aoka isika rehetra mba hanara-maso sy hifehy ny tambazotra-tsôsialy sy ny serasera fa maro ny lafiny ratsy aterak'ireny ary matetika efa manimba ny fiainan'ny maro vao hita ka tara ny fandraisana andraikitra... Fandaharana "hono hoy aho Mompera", eto amin’ny Radio Don Bosco, isaky ny alarobia alina.

Lohahevitra : Kintan'ny finoana
Voadika amin'ny fiteny :  Français (France)   English (United Kingdom) 

25 mey — Teraka tany Angleterre ny taona 672 i Bède. Mbola ley izy dia efa maty ny ray aman-dreniny ka teo amin'ny fahafito taonany izy no naterin'ny havany tany amin'i Benoît Biscop, lehiben'ny mpitoka-monina tao Canterbury. Mpmampiofana ireo mpitoka-monina i Benoît no sady nanana andraikitra manoka koa tamin'ny fampifandraisana an'i Roma sy Angleterre.

Lohahevitra : Vatsim-panahy

Alahady 25 mey 2025. Alahady faha-6 – Taona D fankalazana ny Paka : Vary zato aharon’ny sompitra isika ao amin’ny Eglizy ; Raha misy tia Ahy ka mitandrina ny teniko, hoy ny Tompo, dia ho tian’ny Raiko izy, ka hankao aminy Izahay ary honina ao aminy. Ny fitiavana no harena tokana sy ambony indrindra amin'Andriamanitra, fitiavana tsy misy tambiny, hatramin'ny fahafoizana ny zavatra rehetra. Ny fitiavan'i Jesoa dia fitiavana maimaimpoana, tsy miandry valiny, tsy voafetra. Ny Fanjakàn'Andriamanitra dia fiadanana sy fifaliana, izay ao anatin'ny fon'ny olona mino...

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Ny amibiase dia iray amin'ireo aretina katsentsitra mahafaty indrindra eran-tany (aorian'ny tazomoka sy schistosomiasis). Manodidina ny 10%-n'ny mponina eran-tany no voan'ny amibiase avy amin'ny karazana kantsetsitra Entamoeba, ny Entamoeba histolytica, izay isan'ny miteraka ny aretina. Fomba fifindrany : amin'ny alalan'ny tay miparitaka, sakafo tsy voadio tsara, loto isan-karazany ; miditra ao am-bava mitody ao amin'ny tsinay ary mitombo ao ka mandavaka ny rindrin'ny tsinay. Fambara : mangotika sy marary ny kibo, mahatsiaro voky lava, mivalana matetika ary mety misy ra... Fandaharana "Andriano ny fahasalamana", tontosaina eto amin'ny radio Don Bosco.

Sous-catégories

Vaovao

Arofanina

[Miara-dàlana] Alatsinainy 11 aogositra 2025

• Kristy, loharanon'ny fanantenana, ny fampihavanana ary ny fiadanana. Vinan'ny Fiangonana Fianakavian'Andriamanitra eto Afrika, ho an'ny 25 taona ho avy. Io no hafatra avy amin'ny Fihaonambe faha-20-n'ny Fivondronamben'y Eveka Katolika eto Afrika sy Madagasikara... • Tontosa ny 10 aogositra 2025 ny Eokaristia Masina, nametrahana an'i Mgr Marek Ochlak, teo amin'ny fiketrahana maha Evekan'ny Diosezin'i Fenoarivo Atsinanana azy... • Na aiza na aiza misy antsika, aza avela ho verivery foana ny fotoana ahafahana mitia. Io no fanentanana nataon'ny Papa Léon XIV, nandritra ny vavaka Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...