Atolotr'i Radio Don Bosco

Lohahevitra : Vaovao

Naseho ny : 9 septambra 2021

♦ Voatendry nandritra ny filan-kevitry ny ministra notanterahana teny amin'ny Lapam-panjakàna Iavoloha omaly ny tale jeneraly vaovaon'ny tahirim-bolam-panjakàna... ♦ Andrasana ny fandefasana ny antotantaratasy any amin'ny fitsaràna miady amin'ny heloka be vava momba ny raharaha Appolo 21... ♦ Nihaona tamin'ny filohan'ny CFM teny amin'ny birao fiasany teny Ampefiloha ny masoivoho britanika, voaresaka tao ny asa fampihavanana ataon'ny CFM sy ny kere...

Tohiny...

Atolotr'i Radio Don Bosco

Lohahevitra : Tontolo meva

Voadika amin'ny fiteny :      

Naseho ny : 9 septambra 2021

♦ Ny volana Novambra hatramin'ny Avrily no vani-potoana hisian'ny rivo-doza. Ny rivo-doza dia faritra andro ratsy mitondra orambe sy rivotra mifofofofo amin'ny afangainam-pandeha 63km:ora, 300 hatramin'ny 1500km ny velarany ary 8km hatramin'ny 10km ny haavony... ♦ Ny varimbazaha dia ao anatin'ny fianakaviamben'ny "graminée". Novolena sy novokaraina hatao sakafo ny varimbazaha ary amin'ny faritra mafana sy be orana no mety aminy...

Tohiny...

Atolotr'i Radio Don Bosco

Lohahevitra : Vaovao

Naseho ny : 8 septambra 2021

♦ Efa miandry fatratra ny fandalovan'ilay raharaha Apollo 21 eny amin'ny Fitsarana misahana ny ady heloka bevava, ireo mpisolovavan'ireo voarohirohy, ankehitriny... ♦ Am-polony ireo zatovolahy efa noraisina ho miaramila raikitra no voatery naverina ho sivily, noho ny fandikan-dalana... ♦ Niaiky androany, ireo Taxi-Moto miasa ao Antananarivo Renivohitra, fa mbola manohy miasa na teo aza ny fandrarana avy amin'ny Kaominina...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 10 septambra 2021

Misy ny fiovana rehefa voaantso ny olona iray ; ohatra i Md Piera dia mpanarato trondro fa lasa mpanarato olona. Eo am-pandinihina ny antson'Andriamanitra miantefa amin'ny tsirairay dia fantarina tsara aloha ny tena sy ny maha-izy azy ny tsirairay. Ny olona nantsoin'Andriamanitra dia nanankinany andraikitra araka ny maha-izy azy avy. Katesizy momba ny fahaizana mihaino ny antso, iarahana amin'i P. Rakotondramanana Soloniaina Jean Emilien.

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 8 septambra 2021

Tamin’izany andro izany, namaly ny tenin’i Jesoa i Joany ka nanao taminy hoe: "Mpampianatra ô, nahita olona anankiray nandroaka demony amin’ny Anaranao izahay; nefa tsy namantsika ka noraranay". Fa hoy i Jesoa: "Aza raranareo izy; fa tsy misy olona hanao fahagagana amin’ny Anarako ka hanaratsy Ahy vetivety foana. Fa izay tsy manohitra antsika dia momba antsika. Na iza na iza hanome rano eran’ny kapoaka anareo amin’ny Anarako, satria an’i Kristy ianareo, dia lazaiko marina aminareo fa tsy ho very valisoa izy. Ary na iza na iza hanafintohina ny anankiray amin’ireny madinika mino Ahy ireny, dia tsaratsara kokoa ho azy ny hanantonana vato fikosohan-dafarîna amin’ny vozony, ka havarina any anaty ranomasina izy. Raha ny tananao no manafintohina anao, tapaho izy, fa aleo kilemaina miditra any amin’ny fiainana ianao, toy izay manan-tanan-droa avarina any amin’ny gehena, dia any amin’ny afo tsy azo vonoina. Ary raha ny tongotrao no manafintohina anao; tapaho izy, fa aleo tapa-tongotra an’ila miditra any amin’ny fiainana ianao, toy izay manana tongotra roa avarina any amin’ny gehen’afo tsy azo vonoina. Raha ny masonao no manafintohina anao, esory izy, fa aleo toka-maso miditra any amin’ny fanjakan’Andriamanitra ianao, toy izay mana-maso roa avarina any amin’ny gehen’afo, izay tsy mety maty ny olitr’izy ireo ary tsy azo vonoina ny afo".

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 8 septambra 2021

Tamin’izany andro izany, raha ilay mbola gaga tamin’izay rehetra nataon’i Jesoa iny ny vahoaka rehetra, dia hoy i Jesoa tamin’ny mpianany: "Alatsaho tsara ao amin’ny sofinareo izao rehetra izao, satria tsy maintsy hatolotra eo am-pelatanan’ny olona ny Zanak’Olona." Fa tsy azon’izy ireo izany teny izany, fa takona taminy ka tsy fantany, sady tsy sahy nanontany Azy ny amin’izany izy.

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 8 septambra 2021

Tamin’izany andro izany, raha nivavaka tany amin’ny toerana mangingina i Jesoa ka teo aminy koa ny mpianany, dia nanontany azy ireo Izy nanao hoe: "Ataon’ny vahoaka ho iza moa Aho?" Ary namaly ireo ka nanao hoe: "Ny sasany manao hoe: i Joany Batista, ny sasany milaza hoe i Elia, ary ny sasany manao hoe: ny anankiray amin’ny mpaminany taloha no nitsangan-ko velona." "Fa ianareo kosa, hoy Izy, mba manao Ahy ho iza?" Dia namaly i Piera ka nanao hoe: "I Kristin’Andriamanitra." Nefa norarany mafy izy ireo mba tsy hilazalaza izany amin’olona, sady nampiany hoe: "Tsy maintsy hijaly mafy ny Zanak’Olona, ka harian’ny loholona sy lehiben’ny mpisorona mbamin’ny mpanora-dalàna ary hovonoiny; fa hitsangan-ko velona amin’ny andro fahatelo."

Atolotr'i Radio Don Bosco

Lohahevitra : Mba ho vanona

Voadika amin'ny fiteny :      

Naseho ny : 9 septambra 2021

Mba hampirindra ny fiainana ao an-trano dia ilaina ny teny fampirisihina eo amin'ny mpivady sy ny mpianaka. Ny fanaovana jeritodika ny tontolo andro dia zava-dehibe amin'ny fiainana ary ampidirina amin'ny vavaka hatao. Mirindra ny fiainana rehefa miaraka miatrika an'Andriamanitra ny mpianakavy. Fandraharana "Mba ho vanona" iarahana amin'i Jeneraly Désiré Philippe Ramakavelo.

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 8 septambra 2021

Tamin’izany andro izany, i Herôda tetrarka nandre izay rehetra nataon’i Jesoa ka tsy hitany be ihany izay hevitra, fa ny sasany nanao hoe: "I Joany no nitsangan-ko velona"; ny sasany nilaza hoe: "I Elia no niseho"; ary ny sasany nanao hoe: "Ny anankiray tamin’ny mpaminany taloha no efa nitsangan-ko velona." Dia hoy kosa i Herôda: "Raha i Joany dia efa nasaiko notapahin-doha izy, ka iza indray ary izao olona reko manao zava-dehibe izao?" Dia naniry hahita Azy izy.

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 8 septambra 2021

Tamin’izany andro izany, i Jesoa namory ny Apôstôly roa ambin’ny folo lahy ka nanome azy hery sy fahefana handroaka ny demony rehetra sy hanasitrana ny aretina. Ary naniraka azy hitory ny fanjakan’Andriamanitra sy hanasitrana ny marary. Dia hoy Izy taminy: "Aza mitondra na inona na inona any amin’izay halehanareo any, na tehina, na kitapo, na mofo, na vola, ary aza mitondra akanjo roa. Ary na aiza na aiza trano hidiranareo, dia itoero mandra-pialanareo amin’izany tanàna izany. Ary raha misy mandà tsy handray anareo, dia mialà amin’izany tanàna izany, ka na ny vovoka amin’ny tongotrareo aza dia ahintsano ho fiampangana azy ireo." Dia nandeha nitety vohitra ny mpianatra, ka nitory ny Evanjely sy nanasitrana hatraiza hatraiza.

Atolotr'i Radio Don Bosco

Lohahevitra : Vaovao

Naseho ny : 8 septambra 2021

♦ Tetik'asa hanovana ny rivotra eny amin'ny atmosfera ho rano madio, hanampiana ny mponina any atsimo, no entin'ny ekipa malagasy mandray anjara amin'ny fifaninana "First Global Challenge, karakarain'ny STEM For Good. Manohana ny Malagasy ny OIT... ♦ Hanampy ny tanora manana tetik'asa tsara ka mendrika tamin'ny Tosik'Art ny ministeran'ny kolontsaina sy ny serasera... ♦ Nanentana ny mponina hanaja ny soatoavina  ny CFM, manoloana ny vaky fasana any Itasy...

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 8 septambra 2021

Tamin’izany andro izany, i Jesoa niteny tamin’ny vahoaka nanao hoe: "Tsy misy olona mampirehitra jiro ka manarona azy, na mametraka azy ao ambany farafara; fa ao ambony fanaovan-jiro no apetrany, mba hahitan’izay miditra ny mazava. Fa tsy misy takona izay tsy haseho, na miafina izay tsy ho fantatra sy haharihary. Koa tandremo àry ny fihainonareo, fa izay manana no homena, ary izay tsy manana no halaina aminy hatramin’izay heveriny ho ananany aza."