Lohahevitra : Vaovao
  • Tsy maintsy miroso amin'ny fikitihana sy ny fanovàna ny lalam-panorenana hoy ny tale kabinetry ny filohan'ny CENI ny fangatahana fandravàna ny CENI. Tsy misy andraikitry ny CENI hoy izy ny fikarakarana ny fifidianana nataon'ny mpanolontsaina tao amin'ny kaominina Antananarivo-renivohitra...
  • Niova sahady ny vidin-tsolika eny amin'ny toby mpaninjara. Nidina 5.500 Ariary ny litatry ny lasantsy. Niakatra ho 4.890 Ariary ny gazoala. Fiovan'ny vidin-tsolika fandroany tamin'ity taona ity...
  • Omena sehatra lehibe ao amin'ny Faritra Anôsy : ireo tompon'andraikitra eny ifotony miandraikitra ny faritra arovana...
  • Vonona hiroso amin'ny fifampidinihana amin'ny filoha rosianina Vladmir Poutine ho fampitsaharana ny ady any Ukraine ny filoha Okrenianina Volodymyr Zelensky...

Lohahevitra : Vaovao
  • Mbola hitohy amin'ny tapany avaratra andrefan'ny nosy ny rotsak'orana. Faritra maromaro no mahazo fampitandremana miloko mena. Nahitana izany omaly ny tany amin'ny Faritra Betsiboka sy ny tapany avaratr'Alaotra Mangoro...
  • Mitady hiverina indray ny endrika sakatsakana tamin'ny taona 2015 amin'ny fitakiana atao hoy ny sendikalista. Nangata-panazavana momba ireo namany nohadiadiana teny Fiadanana ny Randrana Sendikaly...
  • Niroso tamin'ny fandravana ireo trano manohitohina ny asa fanamboarana ny lalana Rocade mankety Ivato ny tompon'andraikitra nanomboka omaly...
  • Nihaona tao Etazonia omaly ny filoha amerikana sy ny praiministra israelianina. Nambaran'i Donald Trump fa hiroso amin'ny fanaraha-maso maharitra ny faritr'i Gaza i Etazonia...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ambaran'ny Paoly Apôstôly fa tsy haintsika akory ny mangataka izay tena ilaintsika. Mitaky toe-po sy toe-panahy ny fomba fivavahana, mila fanetren-tena, fahatsorana, sady atao anaty finoana sy fanantenana ary fitiavana. Tsy tokony ho mailaka hangataka fotsiny isika, fa mila miaiky heloka aloha, milofo mitalaho ny famindram-pon'Andriamanitra, miondrika eo anatrehany ary midera sy misaotra Azy... Katesizy momba ny fihakahan-kevitra, iarahana amin'i P. Rabenirina Joseph.

Lohahevitra : Vaovao

• Ho betsaka ny rotsak'orana any amin'ny tapany avaratra andrefan'ny nosy. Faritra maromaro no mahazo fampitandremana miloko mena. Ahitana izany androany ny any Bestiboka sy ny tapany avaratr'Alaotra Mangoro... • Mitady hiverina ny endrika sakatsakana tamin'ny taona 2015 amin'ny fitakiana atao, hoy ny sendikalista. Nangata-panazavana momba ireo namany noadiadiana  teny Fiadanana ny Randrana Sendikaly... • Niroso tamin'ny fandravana ireo trano manohintohina ny asa fanamboarana ny Rocade mankety Ivato ny tompon'andraikitra nanomboka androany...

Lohahevitra : Vaovao

• Tombanana ho levona an-tanety any amin'ny ilany atsinanan'ny nosy ato anatin'ny 24 ora, ilay rivodoza Faida. Foana avokoa ireo filazana loza voarain'ireo Faritra sy Distrika voakasika teo aloha... • Fanosehana ny olona ho eny an-dalambe ny fandrarana ny fivorian'ny mpanohitra tato ho ato, hoy ny Antoko VAMI. Manahy ny ho avin'ny fahafaha-maneho hevitra eto Madagasikara izy ireo... • Mihamaro isa ireo olona voatazona am-ponja amin'ny vanim-potoana fahavaratra tahaka izao. Lasa fomba ny fanaovan-dratsy ho an'ireo tsy manan-kialofana, mba ahafahana mahita toerana hipetrahana...

Lohahevitra : Vaovao

• Hiditra anio tolakandro eo anelanelan'i Brickaville sy i Fenoarivo Atsinanana, ilay rivodoza Faida... • Tsy tanteraka ny hetsika saika notanterahan'ny mpampianatra teny amin'ny Minisiteran'ny Fanabeazam-pirenena omaly. Nikasa ny handray fitenenana teo anatrehan'ny Minisitra izy ireo, nandritra ny fananganan-tsaina... • Mihena isan-taona ny farihin'i Mandroseza, izay mamatsy ny 90%-n'ny rano ilain'ny mponin'Antananarivo sy ny manodidina. Mihatototra ny eny an-toerana noho ireo olana samihafa...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Maro no alaim-panahy hihevitra fa ny vavaka dia mitondra mandrakariva fahagagana eo amin'ny fiainana, anefa tsy izany no izy fa tolona sy hazakazaka. Ny vavaka dia fifampiresahana amin'Andriamanitra ary matetika isika dia manadino mandritra ny vavaka fa isika no natao hanompo azy Tompo, any ka Andriamanitra indray no heverintsika ho mpanompontsika... Katesizy momba ny fihakahan-kevitra, iarahana amin'i P. Rabenirina Joseph.

Lohahevitra : Vaovao

• Andrasana eo anelanelan'i Sainte Marie sy i Brickaville rahampitso maraina, ny fidiran'ilay rivodoza Faida an-tanety... • Olana sedrain'ny farihin'i Mandroseza, izay mamatsy rano an'Antananarivo sy ny manodidina, ny atsanga sy ny fiorenan'ny foto-drafitrasa manakaiky azy... • Miankina tanteraka amin'ny fomba fiasa, izay tena ilana ezaka lehibe, ny hahazoana vokatra tsara, hoy ny mpamakafaka baolina kitra Razafimamonjy Fenosoa...

Lohahevitra : Miara-dalana

• Nankalazaina omaly 2 febroary ny Andro maneran-tany ho an'ny Fiainana Voatokana. Anisan'ny nanamarika izany ny relijiozy rehetra teto amin'ny Diosezin'Antananarivo, natao teny Mandrimena Iavoloha... • Nankalazaina tamin'ny zoma 31 janoary 2025 ny fetin'i Masindahy Joany Bosco, mpanorina ny Fikambanana Saleziana. Nitarika ny Eokaristia Masina tamin'izany ny Arsevekan'Antananarivo... • Mila ny fahazavan'i Kristy ny tontolo ankehitriny, hoy ny Papa François, tamin'ny fampianarana nataony talohan'ny vavaka Angelus...

Lohahevitra : Vaovao
  • Tombanana hikasika ny morotsiraka afovoany atsinanan'ny nosy rahampitso, ilay andro ratsy ao amin'ny Ranomasimbe Indiana. Mampihatra ny loza manambana miloko mavo nanomboka omaly ny faritra Ambatosoa, Analanjirofo, Atsinanana ary ny Distrikan'Antalaha...
  • Hosantarina anio ao amin'ny Faritra Alaotra Mangoro ny fizarana ny masomboly “riz hybride”, fiaraha-miasa amin'ny Governemanta Sinoa...
  • Nosakanan'ny mpitandro ny filaminana indray ny fivoriana saika notanterahan'ny Hery Politika Mitambatra (HPM), tao amin'ny Motel Anosy ny sabotsy teo. Tsy fahazoana lalana amin'ny Péfet no antony...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Siraka (Eklesiastika 5, 1-10)

Aza mitaredretra ny hibebaka amin’ny Tompo.

Aza miankina amin’ny harenao, ary aza manao hoe:

“Manan-karena ampy aho!”

Aza manaraka ny fitsiriritanao sy ny herinao,
mba hanafa-po ny fanirian’ny fonao ary aza manao hoe:

“Zovy moa no Tompoko?”

Fa tsy maintsy hosazin’ny Tompo ianao.
Aza manao hoe:

“Efa nanota, ka inona izao no nanjò ahy?”

Fa mahari-po ny Tompo.
Aza dia afaka ahiahy ny amin’ny fanonerana, ka manampy ota ny ota.
Aza manao hoe:

“Be famindram-po Andriamanitra, ka hamela ny heloka marobe.”

Fa samy ao aminy ihany ny indrafo sy ny hatezerana;
ary mianjera amin’ny mpanota ny fahavinirany.
Aza mitaredretra ny hibebaka amin’ny Tompo,
ary aza mangataka andro isan’andro izao, fa hipoaka tampoka ny hatezeran’ny Tompo,
ka ho levona ianao amin’ny andro hamaliany.
Aza miankina amin’izay harena azo tsy an-drariny,
fa tsy hahefa na inona na inona ireny amin’ny andro mahory.

— Izany àry ny tenin’ny Tompo.

Setriny

Salamo 1, 1-2. 3. 4 sy 6

Sambatra ny olona manao ny Tompo ho tokiny.

Endrey ny hasambaran’ny olona
tsy manaraka ny hevitry ny ratsy fanahy,
tsy mandeha amin’ny lalan’ny mpanota
na monina amin’ny fonenan’ny mpaneso.

Toy ny hazo maniry amoron-drano velona izy:
mamokatra ara-potoana,
tsy malazo ravina;
izay rehetra ataony mahomby avokoa.

Tsy mba toy izany ny ratsy fanahy:
fa mova tsy akofa paohin-drivotra!
Fa ny lalan’ny olo-marina, fantatry ny Tompo;
ny lalan’ny mpanota kosa, mamery!

Evanjely

Aleloia. Aleloia.

Raha misy tia Ahy, dia hitandrina ny teniko izy; ka ho tian’ny Raiko ary hankao aminy izahay, ka honina ao aminy.

Aleloia.

Evanjely Masina nosoratan’i Masindahy Marka (Mk. 9, 40-49)

Aleo kilemaina miditra any amin’ny fiainana ianao, toy izay manan-tanan-droa havarina any amin’ny gehena.

Tamin’izany andro izany, i Jesoa niteny tamin’ny mpianany nanao hoe:

“Na iza na iza hanome rano eran’ny kapoaka anareo amin’ny anarako,
satria an’i Kristy ianareo,
dia lazaiko marina aminareo fa tsy ho very valisoa izy.
Ary na iza na iza hanafintohina ny anankiray amin’ireny madinika mino Ahy ireny,
dia tsaratsara kokoa ho azy ny hanantonana vato fikosohan-dafarinina amin’ny vozony,
ka havarina any anaty ranomasina izy.
Raha ny tananao no manafintohina anao, tapaho izy;
fa aleo kilemaina miditra any amin’ny fiainana ianao,
toy izay manan-tanan-droa havarina any amin’ny gehena,
dia any amin’ny afo tsy azo vonoina,
izay misy olitra tsy mety maty sy afo tsy maty mandrakizay.
Ary raha ny tongotrao no manafintohina anao;
tapaho izy, fa aleo tapa-tongotra an’ila miditra any amin’ny fiainana ianao,
toy izay manana tongotra roa havarina any amin’ny gehen’afo tsy azo vonoina,
izay misy olitra tsy mety maty sy afo tsy maty mandrakizay.
Raha ny masonao no manafintohina anao esory izy,
fa aleo toka-maso miditra any amin’ny fanjakan’Andriamanitra ianao,
toy izay mana-maso roa havarina any amin’ny gehen’afo,
izay tsy mety maty ny olitr’izy ireo ary tsy azo vonoina ny afo.
Fa izy rehetra any hosiraina amin’ny afo, toy ny sorona rehetra siraina amin’ny sira.
Tsara ny fanasina: fa rahefa lefy izy, inona no hampodianareo ny tsirony?
Tano tsara ny sira aminareo, ka mihavàna ianareo.”

— Izany àry ny tenin’ny Tompo.

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Siraka (Eklesiastika 4, 11-19)

Tiavin’ny Tompo ireo tia ny fahendrena.

Manandratra ny zanany ny fahendrena, ary miahy an’izay mikatsaka azy izy.
Izay tia azy, tia fiainana;
ary izay maimay hikatsaka azy, dia feno hafaliana.
Izay misambotra azy dia ny voninahitra no anjarany,
ary amin’izay rehetra hidirany dia hitsofan’ny Tompo rano azy avokoa.
Izay manompo azy manompo ny Masina, ary izay tia azy, tia ny Tompo.
Izay mihaino azy, hitsara ny firenena;
ary izay manatona azy honina fahizay.
Izay matoky azy, hanana azy ho anjarany, ary ny taranany, hitana ny fananana azy.
Satria amin’ny voalohany izy, miara-mandroso amin’ny lalan-tsarotra miaraka aminy;
mampiavy tahotra aman-korohoro aminy izy;
mampijaly azy amin’ny fifehezana mafy, mandra-pitsapany azy, amin’ny didiny.
Fa nony efa izany, dia miverina aminy amin’ny lala-mahitsy indray izy,
ka mampifaly azy sy mamboraka ny zava-miafiny aminy.
Raha mania anefa izy, dia ilaozany, sy avelany hahita loza.

— Izany àry ny tenin’ny Tompo.

Setriny

Salamo 118, 165 sy 168. 171 sy 172. 174 sy 175

Fiadanam-be ny an’izay tia ny lalanao, ry Tompo.

Fiadanam-be ho an’izay tia ny lalànao
ary tsy mba misy mahatafintohina azy!
Voatandriko ny lahatrao sy ny Fanambarànao:
eo anoloanao avokoa ny lalako rehetra.

Hidera Anao anie ny molotro:
satria ampianarinao ahy ny fitsipikao!
Hiventy ny didinao anie ny lelako:
satria rariny avokoa ny baikonao rehetra!

Liana ny famonjenao aho, ry Tompo;
ny lalànao no firavoako!
Veloma anie ny aiko hiderako Anao!
Ary hitahy ahy anie ny Fitsaranao!

Evanjely

Aleloia. Aleloia.

Mitoetra be dia be ao anatinareo ny tenin’i Kristy; isaory Andriamanitra Ray amin’ny alalan’i Kristy.

Aleloia.

Evanjely Masina nosoratan’i Masindahy Marka (Mk. 9, 37-39)

Izay tsy manohitra antsika, dia momba antsika.

Tamin’izany andro izany, niteny tamin’i Jesoa i Joany nanao hoe:

“Mpampianatra ô,
nahita olona anankiray nandroaka demony amin’ny Anaranao izahay;
nefa tsy namantsika ka noraranay.”

Fa hoy i Jesoa:

“Aza raranareo izy;
fa tsy misy olona hanao fahagagana amin’ny Anarako ka hanaratsy Ahy vetivety foana.
Fa izay tsy manohitra antsika dia momba antsika.”

— Izany àry ny tenin’ny Tompo.

Sous-catégories

Malagasy

[Miara-dàlana] Alatsinainy 6 oktobra 2025

• Namaly ny antso avo nataon'ny Papa Léon XIV ny Fivondronamben'ny Eveka eto Madagasikara, ka nanentana ny vahoaka kristianina rehetra hivavaka sy hifady haninana ho an'ny fandriampahalemana eto Madagasikara sy maneran-tany, ny sabotsy 11 oktobra 2025... • Nanao antso avo hampitsaharana ny ady any Gaza sy nitalaho ny mba hisian'ny fandriampahalemana marina sy maharitra, ny Papa Léon XIV, mialoha ny vavaka Angelus omaly... • Vita sonia ny sabotsy teo ny Fanentanana Apostolika voalohany, nosoratan'ny Papa Léon XIV...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...