Lohahevitra : Vaovao

♦ Nilamina tamin'ny ankapobeny ny fanombohana ny fanadinam-panjakàna bakalôrea raha ny akon'ny vaovao voaray avy any amin'ny Faritra ny tapak'andro maraina teo... ♦ Renim-pianakaviana iray sy ny sakaizany no namono nahafaty ny zanany vao roa taona monja tao amin'ny Fokontany Ambovobiriky any amin'ny Distrika Mampikony...  ♦ Dimy volana teo izao no nihato ny famoahan'ny CENTRE IMMATRICULATEUR DE MADAGASCAR etsy Ambohidahy ny fahazoan-dalana hamily fiara "biométrique"... ♦ Tsara toerana handimby an'i Joe Biden no sady efa notendreny hisolo azy ho kandidàn'ny antoko Demôkraty ny filoha lefitra KAMALA Harris...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Boky Eksaody (Eks. 16, 2-4. 12-15)

Indro handatsaka mofo avy any an-danitra ho anareo Aho.

Tamin’izany andro izany,
nimonomonona tamin’i Môizy sy i Aarôna tany an’efitra ny fiangonan’ny zanak’i Israely rehetra.
Hoy ny zanak’i Israely tamin’izy ireo hoe:

“Inay anie izahay mba matin’ny tanan’ny Tompo tany an-tany Ejipta,
raha ilay nipetraka teo anelanelan’ny vilany feno hena
sy nihinana mofo mandra-pahavoky iny izahay;
fa izao kosa nentinareo aty an’efitra izahay mba hahafaty mosary izao vahoaka be izao”.

Dia hoy ny Tompo tamin’i Môizy:

“Indro Aho handatsaka mofo avy any an-danitra ho anareo.
Hivoaka ny olona ka isan’andro
dia hanangona izay sahaza hohaniny amin’ny indray andro,
mba hizahako toetra azy na handeha araka ny lalàko izy ireo na tsia.
Reko ny fimonomononan’ny zanak’i Israely, ka lazao azy ireo hoe:
Amin’ny aty takariva ianareo dia hihinan-kena;
ary raha maraina koa dia ho voky mofo,
ka ho fantatrareo fa Izaho no Tompo Andriamanitrareo”.

Nony hariva, indreny nisy papelika niakatra nandrakotra ny toby;
maraina indray, nisy ando matevina nanodidina ny toby.
Vao levona ny ando,
dia indro hita mandrakotra ny efitra zava-madinika mandrotsirotsy madinidinika
toy ny fanala eo amin’ny tany.
Nahita ireny ny zanak’i Israely dia nifanontany hoe:

“Inona itony?”

satria tsy fantany.
Hoy i Môizy tamin’izy ireo:

“Itony no mofo omen’ny Tompo ho fihinanareo”.

— Izany àry ny tenin’ny Tompo.

Salamo fandinihana

Sal. 77, 3-4bd. 23-24. 25 sy 54

Vary avy any an-danitra no nomen’ny Tompo azy ireo.

Izay henonay ka fantatray
fa notantarain’ireo razanay
no lazainay ny solofo aty aoriana:
dia ny voninahitry ny Tompo sy ny heriny.

Nobaikoiny ny rahona teny ambony,
nadanadanany ny varavaran’ny lanitra:
ny mana narotsany ho sakafony,
varin-danitra no nomeny azy ireo.

Mofon’Anjely no nohanin’olombelona,
nahahetsaka tokoa ny vatsy nalefany.
Dia napetrany teo am-bohiny masina,
teo an-kavoana izay noarîn’ny tanany.

Vakiteny faharoa

Taratasin’i Masindahy Paoly Apôstôly ho an’ny kristianina tany Efezy (Efez. 4, 17. 20-24)

Tafio ny olom-baovao izay noarìna araka an’Andriamanitra

Ry kristianina havana, izao àry no lazaiko sy ambarako ao amin’ny Tompo:
Aza manao fitondran-tenan-Jentily izay mizotra manaraka ny hevi-poanany.
Fa ianareo kosa, dia tsy mba ny toy izany no nianaranareo hahalala an’i Kristy,
raha Izy tokoa no renareo ka tao aminy no nampianarana anareo,
araka ny fahamarinana ao amin’i Jesoa,
hiala amin’ny fitondran-tenanareo taloha,
ka hamela ny olon-tranainareo efa simban’ny fitaky ny filàn-dratsy,
mba hohavaozina ao amin’ny saina amam-panahinareo ianareo,
ka hitafy ny olom-baovao,
izay noarìna araka an’Andriamanitra amin’ny fahamarinana amam-pahamasinana tena izy tokoa.

— Izany àry ny tenin’ny Tompo.

Evanjely

Aleloia. Aleloia.

Raha misy tia Ahy dia hitandrina ny teniko izy, ka ho tian’ny Raiko, ary hankao aminy izahay ka honina ao aminy.

Aleloia.

Evanjely Masina nosoratan’i Masindahy Joany (Jo. 6, 24-35)

Izay manatona Ahy tsy mba ho noana intsony, ary izay mino Ahy tsy hangetaheta.

Tamin’izany andro izany,
nony hitan’ny vahoaka fa tsy teo i Jesoa na ny mpianany,
dia niondrana tamin’ny sambo izy ireo ka nankany Kafarnaôma hitady an’i Jesoa.
Ary rehefa hitany teny an-dafin’ny ranomasina Izy, dia nilazany hoe:

“Raby, oviana no tonga teto Ianao?”

Dia namaly i Jesoa ka nanao taminy hoe:

“Lazaiko marina dia marina aminareo:
ianareo no mitady Ahy dia tsy noho ny nahitanareo fahagagana,
fa noho ny nihinananareo ny mofo ka voky.
Miasà ianareo, tsy mba hahazo ny hanina mety ho levona,
fa ny hanina maharitra ho amin’ny fiainana mandrakizay,
dia izay homen’ny Zanak’Olona anareo;
fa Izy no nasian’Andriamanitra tombo-kase”.

Ary hoy izy ireo taminy:

“Inona àry no hataonay mba hiasanay ny asan’Andriamanitra?”

Namaly i Jesoa ka nanao tamin’izy ireo hoe:

“Izao no asan’Andriamanitra, dia ny hinoanareo Ilay nirahiny”.

Fa hoy ireo taminy:

“Inona àry no fahagagana ataonao, mba ho hitanay ka hinoanay Anao?
Inona no asa ataonao?
Ny razantsika nihinana ny mana tany an’efitra araka ny voasoratra hoe:
Mofo avy any an-danitra no nomeny azy hohaniny”.

Dia hoy i Jesoa taminy:

“Lazaiko marina dia marina aminareo
fa tsy i Môizy no nanome anareo ny Mofo avy any an-danitra izay tena izy tokoa;
satria izay Mofo midina avy any an-danitra
manome ny fiainana an’izao tontolo izao no Mofon’Andriamanitra”.

Ary hoy izy ireo taminy:

“Tompo ô, omeo anay mandrakariva izany Mofo izany”.

Dia hoy i Jesoa taminy:

“Izaho no Mofon’aina;
izay manatona Ahy tsy mba ho noana intsony,
ary izay mino Ahy tsy hangetaheta mandrakizay”.

— Izany àry ny tenin’ny Tompo.

Lohahevitra : Vaovao

♦ Tanterahina eto amin'ny tanin'ny repoblikan'i Madagasikara manomboka anio ny fanadinam-panjakàna bakalôrea ankapobeny ary mifanindran-dalana amin'izany ihany koa ny andiany voalohany amin'ny bakalôrea teknika... ♦ Mbola lavitr'ezaka ny fampiharana sy ny fampanjakana ny demôkarasia ho antsika eto Madagasikara, niadian-kevitra teny amin'ny Arrupe Faravohitra io loha-hevitra io ny farany herin'nandro teo... ♦ Hitohy rahampitso 23 jolay ny fikirakirana ireo antotan-taratasy fangatahana hisitraka karatra matianina ho an'ny mpanao gazety andiany fahaefatra, niisa 243 ireo fangatahana voarain'ny kômity manoka... ♦ Nametra-pialana tsy ho kandidan'ny Demokraty amin'ny fifidianana filoham-pirenena ny filoha Joe Biden...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Rehefa hivavaka dia misy mandrakariva ny toetra ilaina sy toetra takiana ; tahaka izay nolazain'i Jesoa hoe : raha mivavaka ianareo dia aza mila dera sy be lazao fa vavaky ny mpiahatsaravelatsihy ny filàn-dera. Ny toetra takiana sy ilaina raha hivavaka dia ny fanetren-tena. Ny toe-tsaina sy toe-po ilaina ho an'izay mivavaka dia fahatokiana sy tsy mivadika, fianteherana amim-panetre-tena sy an-kafaliana... Katesizy momba ny vavak'i Davida, iarahana amin'i P. Sylvain Rafaralahimboa.

Lohahevitra : Hono hoy aho Mompera ?
Voadika amin'ny fiteny :  Français (France) 

Zava-dehibe ny fifankatiavana sy ny fifampitsinjovana, mitaky fanabeazana anefa izany dia ny fanabeazana ny tsirairay. Adidin'ny tsirairay ny hanabe ny tenany, sy hamolaka ny tenany mba hahay hanaja ny hafa sy ny tontolo iainana. Ny fanajana ny tena dia fialana amin'ny loto isan-karazany : kolikoly sy ny fanararaotana ary ny tsy firaharahiana ny hafa. Adidy ny fiangonana no manentana ny olona handala ny fifankatiavana. Fandaharana "hono hoy aho mopera", eto amin’ny Radio Don Bosco, isaky ny alarobia alina.

Lohahevitra : Vatsim-panahy
Voadika amin'ny fiteny :  Français (France) 

Alahady faha-16 mandavantaona - B : Andian'ondry eo an-tanan'Andriamanitra isika ; ny ondriko mihaino ny feoko, hoy ny Tompo; Izaho mahalala azy, ary izy manaraka Ahy. Ankehitriny, ao amin’i Kristy Jesoa, ianareo izay lavitra fahiny, dia tongan’ny Ran’i Kristy akaiky. Fa Izy no nahatonga antsika rehetra ho iray. Mazava ny teni'ny Tompo : Hangoniko ny sisa amin’ny ondriko ary hanangana mpiandry hiandry azy Aho. Arak'io voalaza io dia mila loza ny mpiandry manary sy manahaka ny ondry. Adidin'ny Fiangonana no mampanjary ireo voalaza ireo...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny mampiavaka ny olomasina dia tsy manameloka na manilika fa mitondra eo amin'Andriamanitra ny vavaka hasoa ireo olona miandrahandra famonjena sy mangataka fifonana. Tamin'ny tantaran'i Môizy dia miseho tahaka ny endrik'i Jesoa mivavaka sy mangataka izy. Mampianatra antsika i Môizy mba hivavaka amin-kafanam-po tahaka an'i Jesoa ho an'izao tontolo izao, hahatsiaro fa na eo aza ny fahadalana dia eo i Tompo... Katesizy momba an'i Môizy, iarahana amin'i P. Bertrand Ratovoalinirina.

Lohahevitra : Vaovao

♦ Mbola tsy ho ato ho ato ny hitsangànan'ny Governemanta vaovao. Mbola haka fotoana maharitra ny filoha sy ny praiministra handinika ireo izay hotendrena ministra, hoy ny gazety iray mpiseho isan'andro androany... ♦ Mpiadina maherin'ny 200.000 isa no hiatrika ny fanadinam-panjakàna Bakalôrea manomboka ny alatsinainy izao. Misy ny toromarika vitsivitsy ho an'ny mpiadina avy amin'ireo mpanabe... ♦ Mitaky ministra manana mari-pahaizana hitantana ny ministeran'ny fampianarana teknika ny sendikàn'ny mpiasan'ity ministera ity. Tsy eken'izy ireo ho an'izay ministra ho avy eo ny fitondràna mpiasa avy aminy... ♦ Olona +11 no namoy ny ainy omaly hariva tany Chine, vokatry ny firodananà tetezana lehibe iray...

Lohahevitra : Andriano ny fahasalamana
Voadika amin'ny fiteny :  Français (France) 

Ny vay dia fisian'ny otrik'aretina iray atao hoe "staphylocoque doré" ao amin'ny foto-bolo, izay mamotika ny foto-bolo ary mamorona nana ; amin'ny vatana rehetra dia mety hisy io vay io. Ny sokajin-taona rehetra dia mety ho voakasik'ity vay ity. Ny "staphylocoque doré" dia hita eny amin'ny rivotra maloto, vovoka, anaty rano, entin'ny sakafo hoanina. Mety hifindra amin'ny fifampikasohana ny vay. Fandaharana "andriano ny fahasalamana" iarahana amin'ny Radio Don Bosco.

Lohahevitra : Vaovao

♦ Manana hatramin'ny 6 aogositra izao ny Fanjakàna hamoahana ny didim-panjakàna hanaikàna ny mpifidy, raha hotazonina amin'ny 6 novambra ny daty ho an'ny fifidianana ben'ny tanàna sy ny mpanolontsaina... ♦ Mampitandrina ireo milaza ho manana laza adina Bakalôrea sy manaparitaka izany ny Ministry ny Filaminam-bahoaka. Miahiahy amin'io tranga io ireo mpampianatra sasany, amin'izao mialohan'ny fanadinana izao... ♦ Niverina nanao fihetsiketsehana indray ireo mpianatra mipetraka eny amin'ny Cité Universitaire eny Ankatso faharoa omaly hariva. Tsy nivaha ny olan'ny famatsiana rano sy jiro, eny amin'ny tranon'ny mpianatra R+1...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny mampiavaka ny vavak'i Môizy dia vavaka ho an'ny vahoaka ary ny finoany an'Andriamanitra dia vao maika mampiombona azy misimisy kokoa amin'ireo vahoaka nankinina taminy. Ny Soratra Masina dia mampiseho azy matetika toy ny tanana misandratra any amin'Andriamanitra, toy ny manome ny tenany ho fampitohizana ny lanitra sy ny tany. Nivavaka ho an'ny vahoaka hatrany i Môizy... Katesizy momba an'i Môizy, iarahana amin'i P. Bertrand Ratovoalinirina.

Lohahevitra : Vaovao

♦ Mitaky ny efa amoahana dieny izao ny anto-bola ho an'ny fifidianana Ben'ny Tanàna sy Mpanolotsaina, ny antoko Humaniste Ecologiste... ♦ Mampitandrina ireo milaza ho manana laza adina Bakalôrea sy manaparitaka izany, ny Minisitry ny Filaminam-bahoaka. Velona ahiahy amin'io tranga io ireo mampianatra sasany, telo andro mialoha ny fanadinana... ♦ Mbola ampy ny isan'ny enjeniera eto Madagasikara. Misy amin'izy ireo no tsy mahita asa mifanaraka amin'ny maha enjeniera azy, hoy ny Holafitra androany, ka mila fitadiavana vahaolana...

Sous-catégories

Malagasy

[Miara-dàlana] Zoma 30 mey 2025

• Notanterahana androany ny Andron'ny Sekoly Katolika teto amin'ny Diosezin'Antananarivo, ka Eokaristia Masina notarihan'ny Arseveka no nanombohana izany... • Notanterahana ny 27 hatramin'ny 29 mey 2025, ny fihaonan'ireo mpanabe eo anivon'ny seminera, tao amin'ny Arsidiosezin'Antsiranana... • Antso voalohany ho antsika ny ho olombelona. Io no fampianarana nentin'ny Papa Léon XIV, nandritra ny Audience générale, ny alarobia teo...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...