Atolotr'i Radio Don Bosco

Lohahevitra : Vaovao

Naseho ny : 16 mey 2023

♦ Manamafy ireo mpanara-dia ny fitondrana fa tsy mitombina ny firosoana amin'ny fitondrana tetezamita. Tsy fitadiavan-tseza fa fanolorana vahaolana, hisorohana krizy ao aorian'ny fifidianana, ny fitakiana izany, hoy ny vovonana Gasy Leo... ♦ Mikisaka mianatsimo somary andrefana ao amin'ny Ranomasimbe Indiana, ilay rivodoza Fabien amin'izao. Araha-maso ny fivoarany, na dia mbola tsy ahiana hisy fiantraikany amin'ny toetry ny andro eto Madagasikara aza aloha ny fisiany... ♦ Tena misy ny olana ara-tsakafo any amin'ireo kaominina maromaro any amin'ny Distrikan'i Manakara sy Ikongo, ankehitriny...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 17 mey 2023

Na mbola tsy mahalala kolikoly aza ny zaza dia efa misy fanabeazana azo atao mba tsy hitodika amin'izany izy. Na tsy resahana ny zaza àry ny hoe kolikoly dia ny fomba fihetsika manoloana azy mihitsy no mila tandremana mba tsy hampirona azy amin'izany. Tsy ny resa-bola ihany no endrika isehoan'ny kolikoly fa maro ary isan'izany ny fomba fiteny, ka eo indrindra no miditra ny fanabeazana ny toe-tsain'ny zaza dieny mbola kely izy...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 24 mey 2023

Ilàna fiomanana ny fanambadiana fa tsy atao fahatany, toraka izany koa ny firosoana amin'ny firaisana ara-nofo. Raha hiresaka amin'ny olona manana olana, dia tsy maintsy fantarina aloha ny antony nisian'ny olana, amin'ny alalan'io no hamaritana ny vahaolana, izany hoe mila faharesen-dahatra. Na inona na inona zava-mahadomelina raisin'ny ray aman-dreny mandritra ny fahariana ilay zanany dia tsy maintsy misy fiatrakiny amin'ilay zanany izany.

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 31 mey 2023

Ezaka no hatao hanampiana sahady ny tovovavy hiatrika ny ho reny sy ho renim-pianakaviana. Manoloana ny fahasahiranan'ny reny, amin'izao fotoana izao, dia mampanahy ny fiatrehan'ireo tovovavy ho reny, aoriana ao, ny fiainana. Raha hisafidy ny hoe reny ny tovovavy iray dia tokony ho fantany izay manodidina ny fananahana. Ny reny dia ireo niteraka sy nanabe ara-batana ; ny renim-pianakaviana kosa ireo manabe ny saina sy ny fo, ny fanahy, ny maha olona manontolo. 

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 7 jona 2023

Ny fiainan'ny olona dia mitohy hatrany, avy nandranto fianarana dia mitohy any amin'ny sehatry ny asa na sehatra hafa, indrindra ny sehatry ny fanambadiana. Ny fitiavana dia : fahasamihafana, fifamenoana, fifanekena, fifaliana, tebiteby, fiainana lava be. Ny olona mifankatia dia mampisongadina ny fahasamihafàna ary tonga amin'ny fifamenoana, ary mifanaiky hifampitantana amin'ny fiainana. Ny dingam-piainana isan-karazany dia ampy hanefy ny olona ara-po hatanty ny ratram-po.

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 14 jona 2023

Ny fampinonoan-dreny dia dinga iray eo amin'ny fitondrana ny zanaka ary adidin'ny reny. Ny fotoana ahafantarana fa mitondra vohoka ny vehivavy dia efa tokony hivonona amin'ny fampinonona izay ho reny. Ny nonon-dreny dia manampy ny zaza amin'ny fitomboany satria mbola marefo ny taova ao anatiny, sady sakafo no vaksiny ho an'ilay zaza. Ny fampinonoan-dreny dia manampy ny reny hamerina ny toe-batany sy ny taova rehetra. Ny fampinonoan-dreny dia atao tsy misy fangarony anatin'ny 6 volana.

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 21 jona 2023

Ny volana jona no fotoana hanamarihana ny fetin'ny fahaleovan-tena ho an'ny Malagasy. Fotoana toa izao no tokony hampahafantarana ny olona rehetra ny antony hankalazana ity fety ity. Ny fananganana ny saim-pirenena dia mariky ny fiandrianam-pirenena. Ny tantara mikasika an'i Madagasikara dia saika nosoratan'ireo mpanoratra vazaha toa an'i : Grandidier, Flacourt, Jeacques Tronchon ; ka maro ny zava-misy niniana nafenina ary izay no mahatonga ny hisalasala. Tokony hampientana ny fo tanteraka ny fiverenan'ny fahaleovan-tena ary izay no antony hananganana ny saim-pirenena miaraka amin'ireo fomba amam-panao entina hankalazana izany (arendrina, lanonana, sakafo...)

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :   

Naseho ny : 5 jolay 2023

Fanontaniana tsy maintsy hapetraka ity fanontaniana ity mba hanehoana ny fitiavana ny tanindrazana dia ny hoe : Inona ny anjara biriky azoko hatolotra ho fanasoavana an'i Madagasikara?. Tsy tokony hifanome tsiny na hifampiandry ny hafa isika mba hampandrosoana ny firenentsika. Ny fahombiazan'ny tsirairay no tonga ho fahombiazan'ny firenena iombonantsika. Ny fahasalamana no voalohan-karena ka raha salama ny tsirairay dia afaka hamokatra ho azy sy ny firenena, izay anjara biriky kely ihany.

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :   

Naseho ny : 12 jolay 2023

Ny vehivavy avy niteraka ka tsy mahatana ny amany, izay tokony hivoaka amin'ny lalany ara-boajanahary fa lasa manaraka ny lalan-jaza no tiana holazaina amin'ny hoe "aretina mamany lava". Miteraka fofona io aretina io rehefa tsy voatsabo, ary iharan'ny fanilikiliana eny anivon'ny fiaraha-monina ny vehivavy tratran'io tsy fahasalamana io. Ny antony mety mahatonga azy dia ny fahateren'ny hoditry ny lalan-jaza sy ny tatavy na ny tsinaibe noho ny faharetan'ny fotoana fiterahana ka misy faharovitana ireo taova ireo. Mba hisorohana izany dia tokony ho maoty ny vehivavy vao miatrika ny fitondrana vohoka sy fiterahana.

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 26 jolay 2023

Miainga amintsika tsirairay ny afahana mampandroso an'i Madagasika, amin'ny lafiny ara-pahasalamana momba ny vatana, ara-po izany hoe fitiavana, ara-tsaina ary ny ara-panahy satria ireo no isan'ny fototra maha olona. Tokony hanana fahazarana ny olona rehetra hanao ireo manaraka ireto : famantarana ny tombony sy ny hery ao aminy, ny leseko tokony harenina, ny zavatra hafa fanararaotra ary ny sakana tsy afahana mandroso. Raha ireo no fantatra dia azo antoka ny handrosoan'ny firenena. 

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :   

Naseho ny : 13 septambra 2023

Ny fahasalamana dia mifototra amin'ny : vatana, saina, fanahy. Misy tanjona fifampitsinjovana amin'ny maha-olona izay tsy mijanona ho an'ny tena irery fa ho an'ny manodidina ihany koa. Io fifampitsinjovana io no mitondra amin'ny fahasalamam-bahoaka. Ny fahasalamam-bahoaka tomombana no taratry ny fandrosoan'ny firenena. Rehefa misy ny hetsika ara-pahasalamana sy fanentanana ataon'ny Fanjakana dia tokony havitrika ny rehetra mba hitsinjovana ny fahasalaman'ny rehetra.

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 20 septambra 2023

Mifandraika amin'ny ady amin'ny kolikoly ny tetika ama-paika tsotra hanara-maso ny fianaran'ny zanaka miasa isan'ambaratongany ; ohatra : ny fanomezana zavatra ho an'ny mpampianatra izay efa endrika kolikoly. Amin'ny maha sekoly voalohany ny ankohonona dia tokony ho tsapan'ny ray aman-dreny fa izy no mpampianatra voalohany ny zanany. Ny fiteny sy ny fihetsika dia tokony hotandremana fa ireny no tahafin'ny zanaka. Volavolaina ny sain'ny ankizy fa ny fianarana notovozina tamin'ny kilasy fototra no hampiana hatrany isaky ny misondrotra kilasy, noho izany koa dia misy olana matetika ny ankizy nampandinganana kilasy... Fandaharana "ampela miary".

Tohiny...