Lohahevitra : Vaovao

♦ Mitombo ny hafainganam-pandehan'ilay rivodoza Freddy. Tombanana hiditra eo anelanelan'i Vatomandry sy Manakara, rahampitso talata eo anelanelan'ny amin'ny 6 ora hariva hatramin'ny 10 ora alina... ♦ Nampahafantarina ny hariva teo ireo mpikambana vaovao mandrafitra ny Governemanta... ♦ Miahiahy amin'ny mety hiverenan'ny kisary pôlitika tamin'ny taona 2017, ireo mpiasa eny amin'ny Antenimieran-doholona Anosikely...

Lohahevitra : Miara-dalana

♦ Ny fiarahan-dian'ny Eglizy sy ao amin'ny Eglizy no nivoitra nandritra ny "Symposium" ny 17 sy 18 febroary tao amin'ny théologat Faliarivo... ♦ Napetraka araka ny fomban'ny Eglizy ny 19 febroary 2023 ny filohan'ny Antilin'i Madagasikara tao amin'ny Diosezin'i Mahajanga... ♦ Fanamby maharitra amin'izao vaninandro iainantsika izao ny teknôlojia vaovao, hoy ny Papa François, tamin'ireo mpikambana ao amin'ny Akademia pontifikaly momba ny aina...

Lohahevitra : Karemy
Voadika amin'ny fiteny :  Français (France)   English (United Kingdom) 

Vakiteny voalohany

Boky Jenezy (Jen. 2, 7-9 ; 3, 1-7)

Nanota ireo Ray aman-drenintsika voalohany noharîn’Andriamanitra.

Vovo-tany no nanaovan’ny Tompo Andriamanitra ny olombelona,
dia nofofoniny fofon’aina mahavelona ny vavorony,
ka tonga zava-manana aina ny olona.
Ary ny Tompo Andriamanitra nanao saha tany Edena, tany atsinanana,
ka napetrany tao ny olona izay noforoniny.
Ary nampanirìn’ny Tompo Andriamanitra tamin’ny tany,
izao hazo rehetra mahate hijery sady fihinana isan-karazany izao
sy ny hazon’ny aina tao afovoan’ny saha,
ary ny hazon’ny fahalalana ny tsara sy ny ratsy.

Ny bibilava no fetsy indrindra amin’ny biby rehetra eny an-tsaha
izay nataon’ny Tompo Andriamanitra.
Hoy izy tamin-dravehivavy:

“Hay va re Andriamanitra nanao hoe:
Aza mihinana amin’ny hazo rehetra amin’ny saha ianareo?”

Hoy ny navalin-dravehivavy ny bibilava:

“Mihinana amin’ny voan’ny hazo amin’ny saha izahay;
fa ny voan’ny hazo eo afovoan’ny saha no nanaovan’Andriamanitra taminay hoe:
‘Aza mihinana amin’izany ary aza mikasika izany akory, fandrao maty ianareo’”.

Dia hoy ny bibilava tamin-dravehivavy:

“Tsia, tsy ho faty akory ianareo;
fa fantatr’Andriamanitra fa amin’izay andro hihinananareo izany,
dia hisokatra ny masonareo, ka ho tahaka an’Andriamanitra ianareo,
mahalala ny tsara sy ny ratsy”.

Ary hitan-dravehivavy fa ny voan’ilay hazo dia fihinana,
mahate hijery sy mendrika hoirìna mba hahazoana fahiratan-tsaina;
nioty tamin’ny voany izy,
dia nihinana ary nomeny koa ny vadiny izay niaraka taminy, ary nihinana izy.
Nisokatra ny mason’izy mivady, ary fantany fa nitanjaka izy;
ka nanjaitra ravin’aviavy izy ireo nataony sikina.

— Izany àry ny tenin’ny Tompo.

Salamo fandinihana

Salamo (Sal. 50, 3-4. 5-6a. 12-13. 14 sy 17)

Iantrao aho, ry Tompo, araka ny hatsaram-ponao.

Iantrao aho, ry Andriamanitra ô, fa tsara fo Ianao;
koseho re ny heloko, fa be indrafo Ianao.
Sasao tanteraka amin’ny otako aho,
diovy tokoa amin’ny hadisoako.

Eny, miaiky heloka aho:
tsaroako lalandava ny otako.
Ianao irery tokoa no nanotako;
ny ratsy imasonao no nataoko.

Amoròny fo madio aho, ry Andriamanitra ô,
fanahy vaovao araikitra ato anatiko.
Aza esorina anoloanao aho;
ny Fanahinao Masina aza alàna amiko.

Avereno amiko ny hafalian’ny voavonjy;
fanahy mazoto ankaherezana ahy.
Tompo ô, sokafy ny molotro,
dia hidera anao ny vavako.

Vakiteny faharoa

Taratasin’i Masindahy Paoly Apôstôly ho an’ny kristianina tany Rôma (Rôm. 5, 12-19)

Noho ny halehiben’ny fahadisoana no nahazoana fanomezam-pahasoavana bebe kokoa.

Ry kristianina havana,
izao tontolo izao no nidiran’ny fahotana tamin’ny olona iray
sy nidiran’ny fahafatesana noho ny fahotana,
ka nifindra tamin’ny olona rehetra ny fahafatesana,
satria nanota avokoa izy rehetra:
fa nisy ota ihany tamin’izao tontolo izao na talohan’ny Lalàna aza,
saingy tsy tanana hisy saziny ny ota raha tsy misy lalàna.
Nanjaka ihany anefa ny fahafatesana hatramin’i Adama ka hatramin’i Môizy,
na dia tamin’izay tsy nanao fahotana toraka ny fandikana nataon’i Adama aza;
ary i Adama dia tandindon’ilay Adama ho avy.
Ary tsy mba tahaka ny fahadisoana ny fanomezam-pahasoavana;
fa raha ny fahadisoan’ny anankiray aza nahafatesan’ny olona rehetra,
mainka fa ny fahasoavan’ny Olona iray, dia i Jesoa Kristy,
no nandraisan’ny olona rehetra bebe kokoa ny fahasoavan’Andriamanitra sy ny fanomezana.
Ary tsy mba tahaka izay tonga noho ny anankiray nanota ny fanomezana;
satria noho ny ota anankiray no nisian’ny fitsarana ho fanamelohana;
fa noho ny fahadisoana maro kosa no nisian’ny fahasoavana ho fanamarinana.

Ary raha ny fahadisoan’ny anankiray aza nanjakan’ny fahafatesana
noho ny nataon’io anankiray io,
mainka fa ny nataon’ny anankiray, dia i Jesoa Kristy
no hanjakan’izay mahazo ny haben’ny fahasoavana
amam-panomezam-pahamarinana amin’ny fiainana.
Koa tahaka ny nahatongavan’ny fanamelohana ho an’ny olona rehetra noho ny fahadisoana iray
no nahatongavan’ny fahamarinana ahazoam-piainana ho an’ny olona rehetra kosa
noho ny fahamarinana iray.
Fa tahaka ny nahatongavan’ny maro ho mpanota noho ny tsy naneken’ny olona iray
no hahatongavan’ny maro ho marina kosa noho ny naneken’ny Olona iray.

— Izany àry ny tenin’ny Tompo.

Vakiteny faharoa

Taratasin’i Masindahy Paoly Apôstôly ho an’ny kristianina tany Rôma (Rôm. 5, 17-19)

Noho ny halehiben’ny fahadisoana no nahazoana fanomezam-pahasoavana bebe kokoa.

Ry kristianina havana,
izao tontolo izao no nidiran’ny fahotana tamin’ny olona iray
sy nidiran’ny fahafatesana noho ny fahotana,
ka nifindra tamin’ny olona rehetra ny fahafatesana,
satria nanota avokoa izy rehetra:

Ary raha ny fahadisoan’ny anankiray aza nanjakan’ny fahafatesana
noho ny nataon’io anankiray io,
mainka fa ny nataon’ny anankiray, dia i Jesoa Kristy
no hanjakan’izay mahazo ny haben’ny fahasoavana
amam-panomezam-pahamarinana amin’ny fiainana.
Koa tahaka ny nahatongavan’ny fanamelohana ho an’ny olona rehetra noho ny fahadisoana iray
no nahatongavan’ny fahamarinana ahazoam-piainana ho an’ny olona rehetra kosa
noho ny fahamarinana iray.
Fa tahaka ny nahatongavan’ny maro ho mpanota noho ny tsy naneken’ny olona iray
no hahatongavan’ny maro ho marina kosa noho ny naneken’ny Olona iray.

— Izany àry ny tenin’ny Tompo.

Evanjely

Voninahitra anie ho Anao, ry Kristy tenin’Andriamanitra!

Tsy ny mofo ihany no iveloman’ny olona,
fa ny teny rehetra aloaky ny vavan’Andriamanitra.

Voninahitra anie ho Anao, ry Kristy tenin’Andriamanitra!

Evanjely Masina nosoratan’i Masindahy Matio (Mt. 4, 1-11)

Nifady hanina efapolo andro sy efapolo alina i Jesoa ary nalain’ny devoly fanahy.

Tamin’izany andro izany,
dia nentin’ny Fanahy nankany an’efitra i Jesoa mba halain’ny devoly fanahy;
ary nifady hanina efapolo andro sy efapolo alina Izy,
ka noana nony afaka izany.
Dia nanatona ny mpaka fanahy ka nanao taminy hoe:

“Raha Zanak’Andriamanitra Ianao,
ataovy tonga mofo ireto vato ireto”.

Fa namaly i Jesoa ka nanao hoe:

“Efa voasoratra hoe:
Tsy ny mofo ihany no iveloman’ny olona,
fa ny teny rehetra izay aloaky ny vavan’Andriamanitra”.

Tamin’izay dia nitondra Azy nankany amin’ny tanàna masina ny devoly
ka nametraka Azy teo an-tampon’ny Tempoly, dia nanao taminy hoe:

“Raha Zanak’Andriamanitra Ianao,
mianjerà any ambany any,
fa efa voasoratra hoe: Ny Anjeliny no nametrahany Anao,
ary izy ireo hitondra Anao eo an-tanany
fandrao tafintohina amin’ny vato ny tongotrao”.

Fa hoy i Jesoa taminy:

“Efa voasoratra koa fa:
Tsy haka Fanahy ny Tompo Andriamanitrao ianao”.

Dia nentin’ny devoly nankany ambonin’ny tendrombohitra avo dia avo indray Izy,
ka nasehony Azy ny fanjakana rehetra amin’izao tontolo izao mbamin’ny voninahiny,
ary hoy izy taminy:

“Homeko Anao izao rehetra izao,
raha miankohoka hivavaka amiko Ianao”.

Fa izao no navalin’i Jesoa azy:

“Mandehana, ry Satana,
fa efa voasoratra hoe:
Ny Tompo Andriamanitrao no hivavahanao,
ary Izy irery ihany no hotompoinao”.

Tamin’izay dia nandao Azy ny devoly
ary indreo nisy Anjely tonga teo aminy ka nanompo Azy.

— Izany àry ny tenin’ny Tompo.

 

Lohahevitra : Vaovao

♦ Mihamanantona hatrany ny morontsiraka atsinanan'ny nosy ilay rivo-doza FREDDY atsy amin'ny Ranomasimbe Indiana. Nisy fihenany ny heriny, lasa rivo-doza mahery vaika izy ny maraina teo, araka ny nambaran'ny Météo Madagasikara... ♦ Tsy hanova ny fomba fitantanana eto amintsika ny fanovàna ny mpikabana ao amin'ny governemanta hoy ny solombavambahoaka avy amin'ny antoko TIM, Todisoa Andriamampandry. Tsy mahamaika intsony ny fanovàna araka ny fanazavany... ♦ Tsy tokony ho sakana amin'ny fanatanterahana ny fifidianana amin'ity taona ity ny vola hikarakarana izany hoy ny solombavambahoaka Fetra Rakotondrasoa. Mbola azo ovaina ny lalàna mifehy ny fitantanam-bolam-panjakàna mirakitra izany hoy izy...

Lohahevitra : Filira

Marihina isaky ny faha-21 febroary, isan-taona ny andro iraisam-pirenena ho an'ny teny ibeazana. Ny UNESCO no isan'ireo nankatoa io andro io, vokatry ny tolona nataon'ireo olona tany Bangladesh, hampiasa ny teny ibeazana eo anivon'ny fiaraha-monina nisy azy tamin'ny taona 1952. Mifamatotra ny teny ibeazana sy ny kolontsaina. Ny loha-hevitry ny fankalazana amin'ity taona ity : "Fanabeazana maroteny, antoka hampivoarana ny fanabeazana" ho fanamarihana io andro iraisam-pirenena io dia namaritra loha-hevitra ihany koa i Madagasikara dia ny hoe : "Ny anjara toeran'ny fitenim-paritra eo amin'ny fanabeazana". Hisy fanamarihana manokana izany eny amin'ny foiben'ny Akademy Malagasy eny Tsimbazaza ny talata 21 febroary 2023...

Lohahevitra : Vaovao

♦ Hikasika ny morontsiraka atsinanan'ny nosy rahampitso alina na amin'ny alarobia maraina i Freddy, rivo-doza mahery vaika atsy amin'ny Ranomasimbe Indiana. Tany amin'ny 1 600 km atsinanan'i Toamasina no nisy ny foibeny omaly folak'andro... ♦ Ho sarotra ho an'ny CENI ny ahatratrarany ny fanamby napetrany amin'ny isan'ny olona tafiditra anaty lisi-pifidianana hoy ny Sampanda Fanaraha-maso ny fifidianana SAFIDY manoloana ny tranga efa niainantsika hatramin'izay. Ilaina ny fanaovana fitsirihana na ny Audit mba hisorohana ny ahiahy tsy hiavanana... ♦ Minia tsy mihaino ny fitakiana ataony ny fitondram-panjakàna hoy ny valabe firasankinan'ny mpiasa malagasy. Hiroso amin'ny angaredona manoloana ireo olan'ny Sendika ny SSM...

Lohahevitra : Vaovao

♦ Miha-manakaiky ny morontsirak'ireo firenena aty amin'ny Ranomasimbe Indiana ilay rivo-doza Freddy. Mbola voatàna hatrany ny filazana loza fanairana na loko maitso ho an'ireo faritra amin'ny morontsiraka atsinanan'i Madagasikara... ♦ Governemanta tsy mitanila, hanomana fifidianana no takiana, raha hisy ny fanovàna izany hoy ny antoko MFM, izay no hampisy fifidianana madio sy mangarahara ary eken'ny rehetra... ♦ Tataovan-doza noho ny kolikoly ny hazo sarobidy eto amintsika. Faritra hisian'ny fitrandrahana tsy ara-dalàna betsaka indrindra ny any Menabe, raha ny fanadihadiana nataon'ny Transparency International Initiative Madagascar...

Lohahevitra : Vaovao

♦ Tombanana ho tafiditra eto Madagasikara amin'ny talata na ny alarobia izao ilay rivo-doza Freddy. Any amin'ny 2 000 km, atsinanana somary avaratra atsinanan'i Toamasina no nisy ny foibeny ka mitondra rivotra 200 km/ora... ♦ Mikasa ny hamerina haka ny toeran'ny filoha lefitra fahafito eny amin'ireo Antenimiera mpanao lalàna ny RMDM. Mitaky amin'ny Fanjakàna hamoaka ny didim-panjakàna fampiharana izany, ny Rodoben'ny Mpanohitra omaly... ♦ Tsy maharaka intsony ny foto-drafitr'asa handraisana ny mponina ao an-drenivohitra, noho ny fifindrà-monina an-tanàn-dehibe. Nitombo ho 2 000 000 isa eo amin'izao ny isan'ny mponina ao Antananarivo Renivohitra, raha tokony ho 400 000 fara-fahabetsany...

Lohahevitra : Vaovao

♦ Tombanana hikasika ny morontsiraka afovoany atsinanan'ny nosy ny rivodoza Freddy, amin'ny talata na alarobia ho avy izao... ♦ Natolotra tamin'ny alalan'ny atrik'asa nasiônaly androany, ny volavolan-dalana ho fananganana ny filankevitra ara-toekarena sy sôsialy, ary ny kolontsaina eto Madagasikara... ♦ Noho ireo ekipam-pirenena Ankoay, sokajy lahy sy vavy, nitondra avo ny voninahi-pirenena, dia notoloran'ny Filoha Andry Rajoelina, Mari-boninahi-pirenena sy "prime spéciale", izy ireo androany...

Lohahevitra : Miara-dalana

♦ Nanao fanentanana ny hijerena manokana ny fiainam-bahoaka, ny Fivondronamben'ny Eveka eto Madagasikara, nandritra ny fametrahana araka ny fomban'ny Fiangonana an'i Mgr Zygmunt Robaszkiewicz, tany amin'ny Diôsezin'i Mahajanga... ♦ Nodimandry teo amin'ny faha-56 taonany, i Mompera Ramarosandratana Ignace, avy ao amin'ny fikambanana Salezianina Don Bosco, androany zoma 17 febroary 2023... ♦ Ny dian'ny karemy sy ny Sinaody dia mikendry fivoan-tarehy, io no hafatry ny Papa François, amin'izao karemy hiatomboka ny 22 febroary 2023 izao...

Lohahevitra : Vaovao

♦ Zava-dehibe ny fanomezan-kasina ny Hiram-pirenena sy ny Sainam-pirenena, hoy ireo tompon'andraikitra nanaovana fanadihadiana... ♦ Fotoana hanomezana tso-drano ireo Minisitra tsy nahatratra ny vina napetraky ny Filoha izao, hoy ny fikambanana FITAMA... ♦ Miverimberina indray ny fahatapahan'ny herinaratra, efa ho herinandro izao, any Manakara...

Lohahevitra : Vaovao

♦ Mety ho fandraisana anjara farany ho an'ireo Minisitra sasany eo anivon'ny Governemanta, ny Filankevitry ny Minisitra teny Iavoloha omaly. Tombanana hisy fanovana governemanta ato ho ato, raha ny vaovao efa miparitaka amin'izao... ♦ Manambana hanao hetsika mafampana amin'izay ireo mpiasam-panjakana tsy nisitraka ny tambim-pandehanana hisotro ronono, nanomboka ny taona 2019. Misy 4000 any ho any izy ireo ankehitriny, no misedra izany olana izany... ♦ Hisokatra manomboka ny 1 marsa 2023 izao, ny taom-panjonoana makamba, manerana ny fari-dranomasin'i Madagasikara...

Sous-catégories

Malagasy

Hafatra avy amin'ny Eveka eto am-pamaranana ny Fivahiniana Masina

Ry kristianina havana tafavory marobe eto amin’izao Pelerinazy nasionaly izao sy ianareo maraca izany any an-trano amin’ny haino aman-jery. Velom-pankasitrahana anareo rehetra izahay Evekan’I Madagasikara, Raiamandreninareo, amin’izao havoriana maro be namalianareo ny antso avy aminay sy ny fiainanareo ny aim-panahy jobily natoron’I Papa Fransoa izao. Miaraka aminareo izahay mbola mamerina ny tononkiran’I Maria hoe “mankalaza ny Tompo ny Fanahiko” sy ny hoe “inona no havaliko ny Tompo fa maro dia maro ny soa nataony?”....

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...