Lohahevitra : Vaovao

♦ Nisolo-tena ny fitondram-panjakàna Malagasy, ,nampita ny teny fampiononana sy ny fiaraha-miory amin'ny Eglizy katôlika Romana, tamin'ny Nonce Apostolique Mgr Thomasz Grysa, omaly, ny jeneraly Rakotoniriana Richard, Ministry ny Raharaham-Bahiny mpisolo toerana, noho ny fahalasanan'ny Papa teo aloha Benoît XVI... ♦ Anio tolak'andro no hiarahaba sy hirary soa ny Filohan'ny Repoblika eny Iavoloha, ireo mpikambana mandrafitra ny governemanta, tarihin'ny Praiministra Ntsay Christian... ♦ Heverina fa ho eo anelanelan'ny 19 novambra hatramin'ny 19 desambra ny fifidianana filoham-pirenena amin'ity taona ity hoy ny teo anivon'ny CENI...

Lohahevitra : Mba ho vanona
Voadika amin'ny fiteny :  Français (France) 

Vaovao ny taona (2023), firariantsoa no tsara hifampizarana. Hirina mba hitondra fahatsaram-piainana noho ny vina sy ny tanjona ity taona ity. Mamporisika antsika hanao ezaka ary hijoro amim-pahavanonana. Fandaharana "mba ho vanona" iarahana amin'i Jeneraly Ramakavelo Désiré.

Lohahevitra : Vaovao

♦ 58,56% hatramin'ny afak'omaly, ny tahan'ny fisoratana anarana ao amin'ny fanavaozana tanteraka ny lisitry ny mpifidy, hoy ny teo anivon'ny CENI... ♦ Nitokona nanomboka omaly ny mpiasa ao amin'ny sampandraharaha misahana ny maha-olona, ao amin'ny ministeran'ny fanabeazam-pirenena, noho ny tsy fanekeny ny fanalana ny lehiben'izy ireo... ♦ Nihena avoka amin'ny ankapobeny, ireo karazana asa ratsy sy asan-jiolahy tao amin'ny fiadidian'ny vondrotobim-paritr'Imerina Centrale, raha ny tatitra ny zava-nisy tato anatin'ny 2 taona farany... ♦ Tafakatra 89 isa ny olona namoy ny ainy, voakatry ny fanafihan'i Ukrainiens ny trano lehibe iray nitoeran'ireo miaramila Russe...

Lohahevitra : Vaovao

♦ 58,56% ny tahan'ny fisoratana anarana ao anatin'ny fanavaozana tanteraka ny lisitry ny mpifidy, hoy ny CENI androany. Hiroso tsy ho ela amin'ny fanisàna ireo voafonja heverina ho tsy very zo ny CENI... ♦ Nitokona nanomboka androany ny mpiasa ao amin'ny sampandraharaha miandraikitra ny lafiny maha-olona, eo anivon'ny ministeran'ny fanabeazam-pirenena. Tsy eken'izy ireo ny fanalàna tamin'ny toerany ny lehiben'ny sampandraharaha iray eo anivon'ity ministera ity... ♦ Miisa 7 ny fakàna an-keriny nisy tany Anjozorobe tamin'ny taon-dasa ka 155 ireo olona voasambotra tamin'izany...

Lohahevitra : Vaovao

♦ Tsy ilaina ny fikaonandoham-pirenena, raha hiteraka korontana hoy ny Profesora Ange Andrianarisoa, avy amin'ny AREMA. Manamafy ny tokony hisian'izany ny SFDM, hanovàna ny lalàna hifehy ny fifidianana amin'ity taona 2023 ity... ♦ Voakasiky ny fanalefahan-tsazy, noho ny taom-baovao, ny ministry ny serasera teo aloha, Rolly Mercia. Mety hivoaka ny fonga eo anelanelan''ny tapaky ny volana jolay sy desambra ity gadra pôlitika ity, araka ny filazan'ny gazety iray mpiseho isan'andro androany... ♦ Niteraka resa-be ilay zava-nitranga teny amin'ireo doany eny amin'ny vohitra Ambohimanga. Namoaka fanambaràna ny Ministeran'ny serasera sy ny kolontsaina fa tsy tokony hisy ny fifanitsahana fomba ara-pinoana...

Lohahevitra : Ampela mihary
Voadika amin'ny fiteny :  Français (France) 

Misy olana foana matetika eo amin'ny rafozana sy ny vinanto noho ny maha samy hafa ny fiainana nihainana tany amin'ny tokantrano niaviany. Vahaolana ny fampianarana ny olona handray rafozana vaovao sy vinanto vaovao. Ny rafozana dia mila manao ezaka mamantatra ilay vinanto, ao anatin'ny fifanajana, fahanginana, fihainoana. Fanekena sy fandraisana araka ny maha-izy azy ilay vinanto. Tadiavina sy volena ny fiaraha-monina vaovao ahitana : fisokafana. Ny vinanto dia mila mahay mihaino, mila misokatra ny saina, tsy maneho toetra tia mitsara. Miaraka mandrindra ny fifandraisana sy ny fiaraha-monina ny roa tonta. Atao zava-dehibe ny fahasamihafana mba hifamenoana, tsy ny rafozana foana no manana ny marina...

Lohahevitra : Vaovao

♦ Hisy rahampitso ny Sorona Masina hitondràna am-bavaka ny fialan-tsasatry ny fanahin'ny Papa Emérite Benoît XVI, eny Antanimena... ♦ Olona roa indray no namoy ny ainy, vokatry ny aretina Covid-19 teto Madagasikara tamin'ny herinandro faran'ny taona 2022 teo. Mbola misy 67 ihany koa ireo trangana Coronavirus "Cas actifs" hatramin'izao... ♦ Mpianatra 50 no tra-boina amin'izao vokatr'ilay firehetan'ny tranon'ny mpianatra teny amin'ny Polytechnique Vontovorona. Ireo mpianatra lasa niala sasatra ny ankamaroan'ireo may fananana tao... 

Lohahevitra : Vaovao

♦ Maherin'ny 50 ireo mpianatra misedra olana amin'ny trano fonenana nitranga teny Vontovorona androany, saika ireo mpianatra nandeha nanao fialantsasatra no tena lasibatra tamin'izany... ♦ Nanamafy ny tsy fanekeny ny firafitry ny CENI ankehitriny ny filoha teo aloha Marc Ravalomanana. Nanao pi-maso amin'ny sehatra iraisam-pirenena koa izy manoloana ny fiatrehana ny fifidianana amin'ity taona ity... ♦ Ilaina ny fanovàna eto amin'ny firenena mba tsy handova fahalovana ireo taranaka fara mandimby, hoy ny Filoha nasiônalin'ny antoko Malagasy Miara-Miainga...

Lohahevitra : Vaovao

♦ Hanana solontena hiatrika ny fandevenana ny Papa Emerite Benoît XVI, amin'ny alakamisy izao ny Fiangonana katôlika eto Madagasikara. Hihazo an'i Roma rahampitso hanatrika izany ny Filohan'ny Fivondronamben'ny Eveka... ♦ 12 isa eo ny andro hitsaharàna kely amin'ny asa ho an'ity taona 2023 ity. Mitontona andavanandro avokoa ireo, raha jerena ny tetiandro ho an'ny taona vaovao... ♦ Nirehitra androany maraina ny ampahany amin'ny tranon'ny mpianatra Bloc-15 eny amin'ny Polytechnique Vontovorona. Nijoalajoala ny afo, ka tsy nisy noraisina intsony ny entan'ireo mpianatra voakasik'io firehetana io...

Lohahevitra : Vaovao

♦ Ho maina ny andro amin'ny ankapobeny manerana ny nosy hiatrehan'ny Malagasy ny fetin'ny faran'ny taona sy ny taom-baovao. Tsy ahiana ny hisian'ny toetr'andro mahery vaika, hoy ny sampana mpamantatra ny mety ho toetry ny andro... ♦ Miandrandra ny hijeren'ny mpitondra akaiky kokoa ny sôsialin'ny mpiasa amin'ny 2023 ny sendikà FISEMARE amin'ny kabarin'ny Filoham-pirenena anio hariva. Tsy ny fisondrotan-karama ihany no andrandrain'izy ireo... ♦ Mandrisika antsika hikarakara sakafo ara-pahasalamana ny mpitsabo, na eo aza ny fiovàna amin'ny mahazatra amin'izao fety izao. Ireto toro-hevitra samihafa tsara ho fantatra avy amin'ny mpitsabo hiatrehana ny fety...

Lohahevitra : Andriano ny fahasalamana
Voadika amin'ny fiteny :  Français (France) 

Ny fanaovana fety voalanjalanja dia mitondra fahasalamana. Anatin'ny fety dia mahazo ny anjarany daholo ny vatana sy ny saina : hafaliana sy sakafo. Ny sakafo tokony hohanina amin'izao fety izao hisorohana ny aretina dia sakafo voalanjalanja, sakafo natoraly. Mila mitandrina  amin'ny sakafo hohanina ireo manana olana amin'ny : tosi-dra, diabetika, ireo manana olan'ny fo sy ny voa, ireo olona matavy loatra, ireo tsy mahazaka mihinana sakafo isan-karazany. Ezahana mba toerana madio sy mahazo rivotra tsara ny toerana hisakafoana. 

Lohahevitra : Vaovao

♦ Hanao kabary ho an'ny vahoaka malagasy anio hariva, faran'ny taona, ny Filoham-pirenena Andry Rajoelina. Lahateny heverina hitondràny ny vina ho an'ny taona 2023, faran'ny fe-potoam-pitondràny, ankoatra ny tomban'ny asa tamin'ity taona ity... ♦ Natao tany Fianarantsoa omaly ny Lamesa nitondràna am-bavaka ny fialan-tsasatry ny fanahin'ireo Masera sy Môpera namoy ny ainy tamin'ilay lozam-pifamoivoizana ny talata teo... ♦ Feno 7taona omaly ny nandrodànana ny foiben'ny sendikà FISEMARE eny Ankadifotsy. Mbola eny amin'ny Fitsaràna ny raharaha hatramin'izao. Manantena ny hivoahan'ny didim-pitsaràna amin'ny taona ho avy io izy ireo...

Sous-catégories

Malagasy

Hafatra avy amin'ny Eveka eto am-pamaranana ny Fivahiniana Masina

Ry kristianina havana tafavory marobe eto amin’izao Pelerinazy nasionaly izao sy ianareo maraca izany any an-trano amin’ny haino aman-jery. Velom-pankasitrahana anareo rehetra izahay Evekan’I Madagasikara, Raiamandreninareo, amin’izao havoriana maro be namalianareo ny antso avy aminay sy ny fiainanareo ny aim-panahy jobily natoron’I Papa Fransoa izao. Miaraka aminareo izahay mbola mamerina ny tononkiran’I Maria hoe “mankalaza ny Tompo ny Fanahiko” sy ny hoe “inona no havaliko ny Tompo fa maro dia maro ny soa nataony?”....

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...