Lohahevitra : Vaovao

♦ Nodimandry tampoka androany maraina tao Fianarantsoa ny Talen'ny Radio Fivé Morombe Mompera Ranamandrainy Caliste, 43 taona izy izao nidaosin'ny fahafatesana izao... ♦ Nahetsiky ny fitondrana hanamora ny fitanterana amin'izao fankalazana ny fetim-pirenena izao ireo fiarabe FOTON miisa 250. Hisy ny fanaraha-maso ataon'ny mpitandro filaminana ireo fiarabe ireo... ♦ Tontosa teny Alarobia ny andiany voalohany amin'ny Symposium momba ny Cybersécurité eto Madagasikara... ♦ Niala tsy ho isan'ny mpikambana ao amin'ny Fitsaràna iraisam-pirenena misahana ny heloka CPI i Niger...

Lohahevitra : Mba ho vanona

Manamafy hatrany ny fandaharana fa ny fifanajana sy ny fanajana dia manana ny lanjany ary antoka mahatsara ny rafim-piaraha-monina. Ny raim-pianakaviana no fitaratra ho an'ny zanaka lahy ary manana adidy lehibe izy hampiseho toetra mendrika ho an'ny ankohonany. Sarobidy ny ray, lohan'ny ankohonana, mitarika sy manabe, izy noho izany no miantoka ny fahatsarana na fahapotehan'ny fiainan'ny fianakaviana manontolo. Mahatsara ny fiaraha-monina ny fihavaozana izay mitaky fahatsiarovantena amin'ny toe-javatra maro... Fandaharana "Mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao

♦ Niombom-po tanteraka tamin'ny teto amin'ny RDB ireo mpihaino tonga marobe nandritry ny varavarana misokatra notanterahana tety Ivato omaly. Tratra ny tanjona ho an'ny mpikarakara ; afapo tamin'ny fitsidihana ireo mpihaino... ♦ Miantso fitoniana amin'izao fotoana ankalazana ny fetim-pirenena izao ny mpanao pôlitika. Mila tadiavina ny marimaritra iraisana manoloana ny olan'ny fitanterana eto Madagasikara hoy Andriamatoa Régis Ramamonjisoa... ♦ Nafindra ao Ambavarano ny toera-piatsonan'ny taxibe ao amin'ny Kaominia Ambohidratrimo. Notokanana tamin'ity herinandro ity ny foto-drafitr'asa vaovao momba izany...

Lohahevitra : Vaovao

♦ Vavolombelon'ireo vanim-potoana nolalovana teo amin'ny tantaram-pirenena sy ny raharaham-piangonana ary mbola vonona hiatrika ireo fanamby manoloana ny fivoarana amin'ny tontolon'ny serasera ny Radio Don Bosco amin'ny 30 taona izao... ♦ Handray ny tambin-karamany volana mey mialohan'ny 26 jona ireo mpiasa miandraikitra ny fanoratana anarana biométrique, mbola tsy nisitraka izany... ♦ Homen-danja ny hevitry ny eny ifotony sy ny Malagasy manoloana ny olana ara-tany izay tena mampikaikaika ny Malagasy, hoy ny Ministry ny Fanajariana ny Tany sy ny Raharahan-tany...

Lohahevitra : Ampela mihary

Ny fahatsiarovantenan'ny tsirairay no fanohitra ho amin'ny fitiavan-tanindrazana. Isaky ny manao fanamarihana sy fankalazana ny fitsingerenan'ny taona namerenana ny fahaleovantena ho an'i Madagasikara dia misongadina hatrany ny teny hoe "fitiavan-tanindrazana". Ny atao hoe fitiavan-tanindrazana dia azo adika ho fitiavana an'i Madagasikara ; azo haseho amin'ny alalan'ny fitafiana, fiteny, kolontsaina, fanabeazana na zavatra na toetra amam-pihetsika hafa maneho ny maha Malagasy ny fitiavana ny Tanindrazana... Fandaharana "Ampela Mihary" tontosaina eto amin'ny Radio Don Bosco.

Lohahevitra : Vaovao

♦ Hisokatra ho anao mpihaino sy mpankafy anio alarobia 24 jona ny onjam-peo Radio Don Bosco mandritry ny Porte-Ouverte manomboka amin'ny 8ora sy sasany maraina... ♦ Nanomboka niverina niasa tsikelikely ireo fiara fitateram-bahoaka ho an'ny androany maraina, taorian'ny fitokonana nataon'ireo mpamily sy ireo mpanampy ny mpamily omaly talata 23 jona 2026... ♦ Hanamafy ny fanaraha-maso ny entana lany daty sy ny kalitaon'ny entana amidy eny an-tsena ny mpanara-mason'ny varotra mivondrona ao amin'ny Sendika SAC.C.M...

Lohahevitra : Vaovao

♦ Nitokona tsy niasa ireo mpitatitra amin'ny taxi-be eto Antananarivo nanomboka ny maraina teo. Tonga hatramin'ny fahatapahan-dalana izany ny hetsi-pitokonan'izy ireo... ♦ Nandray fepetra manoloana ny fitokonambe ataon'ireo mpitatitra amin'ny fitanteram-bahoaka eto Antananarivo ny fitondrana foibe. Havoaka hitatitr'olona ireo "Bus éléctrique" miantsona ao Iavoloha... ♦ Nitombo be ny isan'ireo tranga vaovaon'ny aretina nendran-drajako (MPox) tamin'ny faran'ny herinandro teo. Tafakatra 86 izany, araka ny tatitry ny MInisteran'ny Fahasalamam-bahoaka... ♦ Lalovan'ny hafanam-be amin'izao ny any Espagne, mahatratra 42°C...

Lohahevitra : Filira

Ny reniala na ny Baobab dia hazo manana ny lanjany ho an'ny Mikea satria manampy azy ireo amin'ny fitahirizana rano ho sotroina noho ny toe-tany main-dava any amin'ny faritra misy azy ireo. Ny mozika "BEKO" no isan'ny mampiavaka ihany koa ny Mikea izay mifamatotra amin'ny fiainany andavanandro toy ny fotoana famoran-jaza sy ny fanamadihana ary indrina amin'ny fotoana misy fahafatesana. Ny Mikea dia mandala ny lalam-pihavanana momba ray izany hoe ny raim-pianakaviana no masimandidy amin'ny fitarihana ny ankohonana. Fanamby lehibe no miandry ireo Mikea noho ny fandrosoana miitatra ka mandindona ny fonenan'izy ireo...

Lohahevitra : Vaovao

♦ Hifampitaona eny Ambohipo ny ankizy Diôsezin'Antananarivo amin'ny fiandohan'ny volana jolay izao, anatin'ny fihaonamben'ny ankizy "Vahatra Diôsezy"... ♦ Hanatanteraka tetik'asa miisa 2 lehibe eto Madagasikara momba ny fanatsaràna ny fitantanan-draharaham-panjakàna ny vondrona erôpeana. Natomboka tamin'ny fomba ôfisialy omaly teny Soarano izany... ♦ Hisy ampahany amin'ireo mpitatitra amin'ny taxi-be no hitokona anio, araka ny vaovao efa niparitaka. Misy amin'ireo mpitatitra anefa no tsy mitovy hevitra amin'izany... ♦ Nizotra tsara ny dinika teo amin'i Iran sy Etats-Unis natao tany Suisse momba ny ady ao Moyen-Orient...

Lohahevitra : Vaovao

♦ Tsy misy ny kisendrasendra hoy ny FFKM fa efa manana ny heveriny ho an'ny Tanindrazantsika Andriamanitra... ♦ Nisongadina tao anatin'ny 10 taona nijoroan'ny valaben'ny firaisankinan'ny Sendika eto Madagasikara (SSM) ny nananan'izy ireo solontena roa ao anatin'izao governemantan'ny Fanavaozana izao... ♦ Efa tafidina anelanelan'ny 1°C ny maripàna ambany indrindra eto Madagasikara amin'ity herinandro ity hoy ny météo... ♦ Nitrangana fipoahana mahery vaika, omaly hariva, tao amin'ny foibe mpikirakira "Gaz naturel" iray ao Qatar. Ankoatra ny firehetana goavana dia olona 45 farafahakeliny no naratra ary 18 hafa tsy hita...

Lohahevitra : Arofanina

---/... Madiva hifarana amin'ity herinandro vao manomboka diavintsika ity sahady...ny ivon'ilay iray volana natokana hanehoana ivelany ilay fetim-pirenena sy hoe fahaleovantena. Toa vetivety izany, toy ny famintinana ny fizotry ny tantara niainga tany amin'ny  fahagola, fahafoko, fahampanjaka, fanjanahantany hatramin'ny fahaleovantena. Am-polo taona maro tokoa no efa nivoizana sy namantsihana tao an-tsain'ny Malagasy izay hoe fahaleovantena izay.  66 taona amin'ity taona 2026 ity tokoa hoe no niverenan’ny fahaleovantenan’i Madagasikara rehefa avy teo ambany vahoan'ny vazaha mpanjanaka...

Lohahevitra : Vaovao

♦ Nampahafantarin'ny FFKM omaly ny tetiandro voalahatra hanatanterahana ny fikaonandoham-pirenena... ♦ Miisa 61 ireo marary vokatry ny fanapoizinana ara-tsakafo teny Andranoro-Antehiroka izay voatery nentina teny amin'ny Hopitaly 3 samihafa... ♦ Misy amin'ireo taxi-be miasa ao an-drenivohitra no manambana ny hitokona rahampitso... ♦ Tafakatra 49 ireo departemanta any Frantsa nahazo filazana miloko mena, izay loza mihatra amin'ny hafanana be mahery vaika anio...

Sous-catégories

Vaovao

Arofanina

[Miara-dàlana] Zoma 18 septambra 2026

• Nomarihana ny sabotsy 12 sy alahady 13 septambra 2026 teo ny faha-50 taonan'ny Fiombonan'ny Mpanokatena ao amin'ny Arsidiosezin'i Fianarantsoa... • Manentana amin'ny fanorenana ny fianakaviam-ben'ny olombelona, amin'izao vanim-potoanan'ny saina voatran'olombelona izao, ny Papa Léon XIV... • Miantso ny mpino, handray andraikitra amin'ny fifidianana ny eveka any Bosnie...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...