Lohahevitra : Vaovao

♦ Nitatitra ny famotorana nataony momba ny raharaha tany Ikongo androany, ny eo anivon'ny Zandarimarim-pirenena. Tsy fidiny ny nampiasana basy nisian'ny fatiolona, hoy ny Sekreteram-panjakna miadidy ny Zandarimariam-pirenena... ♦ Nanao fanadihadiana mahaleo tena ny CNIDH, manoloana ilay raharaha tany Ikongo. Naharitra 20 segondra ny tifitra nataon'ny Zandary, hoy ny tatitry ny Vovonam-pirenena misahana ny Zon'olombelona navoaka androany teny Antsahavola... ♦ Hiroso amin'ny fitokonana ao aorian'ny fampahafantarana ny tompon'andraikitra, ireo mpiasa eo anivon'ny fampianarana ambony...

Lohahevitra : Finoana aina
Voadika amin'ny fiteny :  Français (France)   English (United Kingdom) 

Mampirisika ny tanora tsy ho kivy amin'ny fiainana i Mgr Jean Pascal Andriantsoavina. "Fenoy an'i Jesoa Kristy ny fiainana, n'inona mitranga. Halalino ny finoana, ary aoka tsy hatahotra ny amin'ny maha-kristianina katolika", hoy izy, tamin'ireo tanora nandray anjara tamin'ny JMJ Mada andiany faha-10. Nanentana ireo tanora izy mba hijoro amin'ny maha-izy azy sy ho mendrika hitokisana. Katesizy nataon'i Mgr Jean Pascal Andriantsoavina, ny 01 septambra 2022, JMJ Mada X, Antsirabe.

Lohahevitra : Hirika
Voadika amin'ny fiteny :  Français (France)   English (United Kingdom) 

Misedra fahasahiranana ny tantsaha ao amin'ny Faritr'i Menabe. Manjaka ny tsy fandriam-pahalemana any ambanivohitra. Ny vokatra miha-mitotongana noho ny tsy fahampian'ny rano entina anondrahana, indrindra ho an'ny tanimbary...

Lohahevitra : Vaovao

♦ Nifarana tamin'ity herinandro ity ny fe-potoam-piasan'ny mpikambana ao amin'ny komitin'ny Fampihavanana Malagasy "CFM". Ny sekretera mpanatanteraka no misahana ny fampandehan-draharaha andavanandron'ny CFM... ♦ Manomana fombafomba hamitranam-pihavanana manoloana ny raharaha nitranga tany Ikongo ny fiombonamben'ny Tangalamena eto Madagasikara. Tsy nahafoana ny disadisa nisy ny nanoloran'ny zandary omby namintranam-pihavanana andro vitsy taorian'ny tifitra nahafaty olona am-polony hoy izy ireo... ♦ Ny fahantrana lalina mimpaka amin'ny vahoaka malagasy sy ny tsy fahatokisana ny mpitandro filaminana no mampirongatra ny tsy fandriam-pahalemana hoy ny antoko Madagasikara ho an'ny Malagasy...

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Mila fohazina sy kolokoloina ny voady nifanaovana mba ho tanteraka. Ny tenin'i Jesoa Mt 5, 48 "Koa aoka ho lavorary hianareo tahaka ny fahalavorarian'ny Rainareo izay any an-danitra. Ilana fiomanana ny fiainana ny antso ho an'ny fianakaviana : Fantarina ny tena sy ny olona manodidina izany hoe ny tena manokana, ny fianakaviany sy ny fombany, ny lala-nodiaviny, ny toe-batany, ny toe-tsainy. Ny fanorenana fianakaviana dia ilana vavolombelona anefa fadiana ny mamitaka an'Andriamanitra. Rehefa vita ny voady dia miezaka miaina ny "fenitra volamena '" : miserasera, miaina mari-pitiavana, mivavaka, ary farany miara-dalana amin'ny fiangonana. Ny MA.MI eny Ambohipo dia manao tantsoroka amin'ny fikolokoloina ny fiainan'ny mpivady...

Lohahevitra : Vaovao

♦ Miantoka ny fiahiana ny zon'ireo olona an-tapitrisany eto amintsika ny fanaovana kara-panondrom-pirenena sy ny kopia nahaterahana faobe amin'ny alalan'ny fitsaràna mitety vohitra. Miantso ireo mpitsara hanatanteraka izany ny ministry ny fitsaràna fa tsy misy ambadika politika ny hetsika hatao... ♦ Manameloka ny sazy nampiharina tamin'ny namany tsy nanao hadisoana kanefa nesorina tamin'ny toerany ny sendikan'ny administrateur-civil eto Madagasikara. Isan'izany ny raharaha nitranga tany Ikongo... ♦ Isan'ny tsy maha-maritoerana ny sandan'ny ariary miohatra amin'ny vola vahiny ny fihazonan'ny tompony ny vola vahiny any amin'ny banky. Manodidina ny 494 tapitrisa Dôlara ny fitambarany...

Lohahevitra : Finoana aina
Voadika amin'ny fiteny :  Français (France)   English (United Kingdom) 

Afaka mitaky ny zony ny kristianina ao amin'ny Fiangonana. Tsy maintsy mandalo fanamarinana anefa izany, mba hahafahan'ny tribonaly eo amin'ny Fiangonana mamakafaka sy manome ny rariny. Ohatra: ny tsy fahavanonan'ny mariazy. Misy dingana arahina, araka ny lalàn'ny Fiangonana, amin'ny fitakiana io zo io. Fanazavana entin'ireo pretra ao amin'ny tribonaly ekleziastika.

Lohahevitra : Vaovao

♦ Tsy misy ambadika pôlitika ny fanaovana ny kopia faobe sy ny kara-panondrom-pirenena faobe, hoy ny Minisitry ny Fitsarana, androany. Mbola mitana ny heviny ka mitaky fandaminana kosa ny SMM... ♦ Namoaka fanambarana manameloka marindrano ny fanasaziana ny Lehiben'ny Distrikan'Ikongo ny sendikan'ny SYNAD... ♦ Nandraisana fepetra ireo vola vahiny, izay efa tafakatra 494 tapitrisa dolara, tahirizin'ny tompony fotsiny any amin'ny banky...

Lohahevitra : Finoana aina
Voadika amin'ny fiteny :  Français (France)   English (United Kingdom) 

Tsy maintsy nijoro ho vavolombelon'i Jesoa ny Eglizy katolika manoloana ny rafitra ara-politika, ara-piaraha-monina ary ny fanabeazana. Notanterahina ny sinaody iombonan'ny Nosy tamin'ny 07 - 12 oktobra 1975. Tanjona ny fanafahana ny olona rehetra amin'ny lafiny manontolo. Fandaharana momba ny tantaran'ny Fiangonana eto Madagasikara miaraka amin'i P. Abdon Rafidison, Recteur, Théologat, Faliarivo, Antananarivo

Lohahevitra : Finoana aina
Voadika amin'ny fiteny :  Français (France)   English (United Kingdom) 

Tsy maintsy fongorina ny toe-tsaina mampisaraka sy mandrava fiombonana. Mitaky toetra amam-pihetsika mendrika avy amin'ny tsirairay ny fampanjariana ny fiarahan-dia : fifampiresahana, fifampihainoana, fifanajana, fifehezan-tena, fanetren-tena. Fampianaran'i Mgr Jean Pascal Andriantsoavina, Eveka mpanampy, Diosezin'Antananarivo, momba ny toetra takiana amin'ny Eglizy mba hiainana ny fiarahan-dia.

Lohahevitra : Finoana aina
Voadika amin'ny fiteny :  Français (France)   English (United Kingdom) 

Samy mandray anjara amin'ny maha-mpisorona, mpaminany, mpanjaka an'i Kristy ny vita Batemy rehetra. Samy manana ny andraikiny anefa izy ireo : ny mpiandry ondry, izay mpampianatra sy mpanamasina, ary ny vahoaka, mandray ny fampianarana sy mampihatra izany amin'ny fiainana andavanandro. Mila fanetren-tena izany. Tohin'ny fandaharana nataon'i Mgr Jean Pascal Andriantsoavina, Eveka mpanampy, Diosezin'Antananarivo, momba ny endriky ny fiaraha-dia.

Lohahevitra : Vaovao

♦ Tsy maintsy vitaina mialoha ny faran'ny taona ny famadihana ho "Or monnétaire" ireo volamena, tratra saika nahondrana antsokosoko any ivelany, hoy ny governoran'ny banky foiben'i Madagasikara... ♦ Mbola tsy mitovy hevitra hatramin'izao ny fanjakàna sy ireo vondron'ny mpanafatra sy mpaninjara ny solika eto Madagasikara. Tsy voafaritra mazava mantsy ny vola ananan'ny fanjakàna amin'ireo vondrona mpanafatra sy mpaninjara solika ireo ary toy izany koa ny vola ananan'izy ireo amin'ny fanjakàna... ♦ Nahemotra ho amin'ny sabotsy 24 septambra ho avy izao ny fanokafana ny taom-pikatrohan'ny antoko Hery Vaovaon'i Madagasikara izay saika notanterahina ny sabotsy 3 septambra lasa teo...

Sous-catégories

Vaovao

Arofanina

[Miara-dàlana] Alatsinainy 15 septambra 2025

• Avoaka amin'ny fomba ofisialy ny sabotsy 20 septambra 2025, ny Andiany Masindahy Augustin, eo anivon'ny Mpikabary Katolika... • Manentana antsika hivavaka ho an'ny fifandraisan'ny olombelona amin'ny voaary manontolo, ny Tambajotram-pivavahan'ny Papa Maneran-tany,  ho an'ity volana septambra ity... • Avy amin'ny Hazofijalina ny fiainana mandrakizay, hoy ny Papa Léon XIV, tamin'ny fandalinam-pinoana nataony nandritra ny vavaka Angelus, omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...