- Eto izao ianao :
-
Fandraisana
-
Fandaharana
-
Izaho mino
-
Kintan'ny finoana
- All languages
- Atolotr'i Ramamonjisoa Rivo Alain
- Lohahevitra : Vaovao
♦ Namerina indray ny maha sehatra ifanakalozana sy ifanatonana ny Antenimieram-pirenena, ny Filohan'ity andrim-panjakana ity, Christine Razanamahasoa, nandritra ny lanonam-pamaranana ny fivoriana tsy ara-potoana androany... ♦ Nomem-boninahitra manokana nandritra ny fetin'ny Orchidées andiany faha-28, izay tanterahana ao amin'ny Conservatoire Princesse de Galles, any Londres, ny hakanton'ny harena voajanaharin'i Madagasikara... ♦ Nandray andraikitra manoloana ny firongatr'ireo olona voasarika sy voambaka amin'ny hypnose, ny mpitandro ny filaminana ao Betafo...
- Atolotr'i Ramamonjisoa Rivo Alain
- Lohahevitra : Vaovao
♦ Niakatra ho 3.340 miliara Ariary ny vola ahiana ho tafiditra amin'ny famotsiam-bola, tamin'iny taona 2023 iny, araka ny tatitra nataon'ny SAMIFIN. Eo amin'ny sehatra fanafarana entana no tena isehoan'izay famotsiam-bola izay... ♦ Hikatona ny Fitsarana Ambaratonga Voalohany eny Anosy anio, noho ny fambolen-kazo karakarain'ny Minisiteran'ny Fitsarana... ♦ Miisa 150 ireo teratany Malagasy tratra nanjono tany amin'ny fari-dranomasin'ny Nosy Seychelles. Andrasana anio ny fahatongavan'izy ireo eto Madagasikara, hanaovana fanadihadiana...
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Ny zava-mahadomelina dia mampitombo ny herisetra sy ny fanolanana, satria tsy mandeha araka ny fahamarinana fa ny sitrapony ihany, tsy mahaleo na mahafehy ny tena ireo mpandray zava-mahadomelina. Rehefa domelina ny sainy dia lasa maherisetra ilay olona, lasa rava ilay hatsarana sy ny halemam-panahy nananany teo aloha ary tsy manana faharetana insony... Katesizy momba ny fandraisana zava-mahadomelina, iarahana amin'i P. Avellin Ravelonanosy.
- Atolotr'i Miandriniaina Jules
- Lohahevitra : Vaovao
♦ Nitombo 950 miliara Ariary ny vola nofotsiana teto Madagasikara tamin'iny taona lasa iny, mitaha ny tamin'ny taona 2022, raha ny tatiry ny SAMIFIN androany... ♦ Nisy mpanjono teratany Malagasy 150, tratran'ny fanjakana Seychellois, rehefa nanjono tany amin'ny fari-dranomasiny. Hampodiana sy hanaovana fanadihadiana eto Madagasikara izy ireo, hoy ny Minisitry ny Jono, androany... ♦ Mbola tsy misy choléra eto Madagasikara. Efa noraisina ny fisorohana rehetra, toy ny famafazana ranom-panafody ireo sambo sy fiaramanidina miditra eto amintsika, hoy ny tatitry ny Filankevitry ny Minisitra...
- Atolotr'i Ralison Raphaël Eugène
- Lohahevitra : Tenin'ny Tompo
-
Voadika amin'ny fiteny :
17 febroary 2024 — Sabotsy, manaraka ny Lavenona — Ankehitriny, hoy ny Tompo, miverena amiko amin’ny fonareo rehetra, fa mamindra fo sy miantra Aho — Evanjely Masina nosoratan’i Masindahy Lioka (Lk. 5, 27-32)
- Atolotr'i Ralison Raphaël Eugène
- Lohahevitra : Tenin'ny Tompo
-
Voadika amin'ny fiteny :
16 febroary 2024 — Zoma, manaraka ny Lavenona — Mibebaha ianareo, hoy ny Tompo, fa efa akaiky ny Fanjakan’Andriamanitra — Evanjely Masina nosoratan’i Masindahy Matio (Mt. 9, 14-15)
- Atolotr'i Ralison Raphaël Eugène
- Lohahevitra : Tenin'ny Tompo
-
Voadika amin'ny fiteny :
15 febroary 2024 — Alakamisy, manaraka ny Lavenona — Sambatra izay mitandrina ny tenin’Andriamanitra amin’ny fo marina sy tsara, sy mamoa amin’ny faharetana — Evanjely Masina nosoratan’i Masindahy Lioka (Lk. 9, 22-25)
- Atolotr'i Ralison Raphaël Eugène
- Lohahevitra : Tenin'ny Tompo
-
Voadika amin'ny fiteny :
14 febroary 2024 — Alarobia fanosorana Lavenona — Mibebaha ianareo, hoy ny Tompo; fa efa akaiky ny Fanjakan’Andriamanitra — Evanjely Masina nosoratan’i Masindahy Matio (Mt. 6, 1-6, 16-18)
- Atolotr'i Ralison Raphaël Eugène
- Lohahevitra : Tenin'ny Tompo
-
Voadika amin'ny fiteny :
13 febroary 2024 — Talata, Herinandro Tsotra fahenina Mandavantaona — Alao tampina ny masoko, ry Tompo, hibanjina ny zava-mahagaga amin’ny lalànao — Evanjely Masina nosoratan’i Masindahy Marka (Mk. 8, 14-21)
- Atolotr'i Ranaivomanantsoa Harilanto
- Lohahevitra : Tsotra Mandavantaona
-
Voadika amin'ny fiteny :
Vakiteny voalohany
Taratasy nosoratan’i Masindahy Jakôba Apôstôly (Jak. 1, 12-18)
Andriamanitra tsy maka fanahy olona.
Sambatra ny olona izay maharitra ny fizahan-toetra;
fa rahefa voazaha toetra izy, dia handray ny satro-boninahitry ny fiainana,
izay nampanantenain’Andriamanitra homena izay tia Azy.
Aoka izay alaim-panahy tsy hisy hanao hoe:
“Andriamanitra no maka fanahy ahy.”
Fa Andriamanitra tsy azo alaim-panahy ho amin’ny ratsy, sady tsy maka fanahy olona.
Fa isam-batan’olona dia samy taomin’ny filan-dratsy,
izay manjono sy mitarika azy tsirairay avy.
Ny filan-dratsy kosa, rahefa torontoronina, dia miteraka ota,
ary ny ota, rahefa tanteraka, dia miteraka fahafatesana.
Aza diso hevitra, ry kristianina havana:
ny fanomezan-tsoa rehetra sy ny fahasoavana tanteraka rehetra dia avy any ambony,
ka midina avy amin’ny Rain’ny fahazavana,
izay tsy manam-piovaovana, na aloka avy amin’ny fihodinana.
Niteraka antsika an-tsitrapo tamin’ny tenin’ny fahamarinana Izy,
mba ho santatry ny zava-boaariny isika.
— Izany àry ny tenin’ny Tompo.
Setriny
Salamo 93, 12-13a. 14-25. 18-19
Sambatra ny olona izay anarinao, ry Tompo.
Sambatra ny olona izay anarinao, ry Tompo,
sy ampianarinao ny Lalànao,
mba tsy hanahiahy amin’ny andro fahoriana,
raha hihadiana longoa ny olon-dratsy.
Fa ny Tompo tsy hahafoy ny Vahoakany,
na handao ny Lovany:
ka ny olo-marina hahazo ny rariny,
ny mahitsy fo no handresy lahatra.
Vao lasa ny teniko hoe: “Mibolisatra ny tongotro!”
ny Hatsaram-ponao, ry Tompo, no avy nananty!
Raha maro loatra ny ahiahy ato anatiko,
ny fampiononanao no mampifaly ny fanahiko!
Evanjely
Aleloia. Aleloia.
Alao tampina ny masoko, ry Tompo, hibanjina ny zava-mahagaga amin’ny lalànao.
Aleloia.
Evanjely Masina nosoratan’i Masindahy Marka (Mk. 8, 14-21)
Mitandrema ianareo fandrao azon’ny lalivain’ny Farisianina sy ny lalivain’i Herôda.
Tamin’izany andro izany,
nanadino tsy nitondra mofo ny mpianatra,
ka tsy nisy afa-tsy mofo iray monja teo an-tsambo kely.
I Jesoa kosa nananatra azy nanao hoe:
“Mitandrema tsara ianareo
fandrao azon’ny lalivain’ny Farisianina sy ny lalivain’i Herôda.”
Dia niara-nihevitra izy ireo ka nifampilaza hoe:
“Noho isika tsy manana mofo izay.”
Fantatr’i Jesoa ny heviny ka hoy Izy taminy:
“Ahoana no iheveranareo izay tsy fanananareo mofo?
Mbola tsy mahazo hevitra sy tsy mahazo saina ihany va ianareo?
Donto ny fonareo?
Mana-maso fa tsy mahita va ianareo? ary manan-tsofina fa tsy mahare?
Ary tsy mahatadidy va ianareo?
Raha nizara ny mofo dimy tamin’ny olona dimy arivo Aho,
firy no sobika feno ny sombintsombiny sisa tsy lany nangoninareo?”
Dia hoy ireo taminy hoe:
“Roa ambin’ny folo.”
Dia hoy i Jesoa:
“Ary raha nizara ny mofo fito tamin’ny olona efatra arivo,
firy no sobika feno ny sombintsombiny sisa tsy lany nangoninareo?”
Hoy ireo hoe:
“Fito.”
Dia hoy Izy taminy:
“Ka nahoana àry no mbola tsy mahalala ihany ianareo.”
— Izany àry ny tenin’ny Tompo.
- Atolotr'i Ralison Raphaël Eugène
- Lohahevitra : Tenin'ny Tompo
-
Voadika amin'ny fiteny :
12 febroary 2024 — Alatsinainy, Herinandro Tsotra fahenina Mandavantaona — Ampianaro ahy, ry Tompo, ny lalànao, ary tariho ho amin’ny lala-mahitsy aho — Evanjely Masina nosoratan’i Masindahy Marka (Mk. 8, 11-13)
- Atolotr'i Ranaivomanantsoa Harilanto
- Lohahevitra : Tsotra Mandavantaona
-
Voadika amin'ny fiteny :
Vakiteny voalohany
Taratasy nosoratan’i Masindahy Jakôba Apôstôly (Jak. 1, 1-11)
Aoka ny fandeferana homban’ny asa lavorary, mba ho lavorary sy tonga ohatra ianareo.
Fiandohan’ny Taratasy nosoratan’i Masindahy Jakôba,
mpanompon’Andriamanitra sy i Jesoa Kristy,
miarahaba ny foko roa ambin’ny folo, izay miely any rehetra any.
Raiso ho fifaliana avokoa, ry Rahalahy,
ny fizahan-toetra samihafa rehetra midona aminareo,
satria fantatrareo fa ny finoanareo dia mahatonga fandeferana.
Ary aoka ny fandeferana homban’asa lavorary,
mba ho lavorary sy tonga ohatra ianareo,
ka tsy hisy zavatra tsy hanananareo.
Raha misy tsy manam-pahendrena aminareo,
dia aoka izy hangataka izany amin’Andriamanitra,
fa homeny azy tokoa izany;
satria sady manome malalaka ho an’ny olona rehetra Izy no tsy mba mandatsa.
Aoka anefa hangataka amim-pinoana izy, fa tsy hisalasala;
fa izay misalasala dia toy ny onjan-dranomasina atopatopa amana hetsiketsehin’ny rivotra.
Ka ny olona toy izany dia aza manampo hahazo zavatra amin’ny Tompo,
fa olona miroa saina sy mivadibadika amin’izay alehany rehetra.
Aoka ny rahalahy ambany toetra hanao ny fisandratany ho reharehany;
ary ny manan-karena kosa, ny fietreny ho voninahiny,
fa hihelina toy ny vonin’ny ahitra izy.
Nony miposaka ny masoandro mahamay, dia mandazo ny ahitra,
ka mihintsana ny voniny, ary levona ny hatsaran-tarehiny rehetra:
toy izany koa ny mpanan-karena, halazo amin’izay alehany izy.
— Izany àry ny tenin’ny Tompo.
Setriny
Salamo 118, 67-68. 71-72. 75-76
Ny indrafonao anie haninteraka hamelona ahy.
Talohan’ny nijaliako dia nivilivily aho
fa izao dia mitandrina ny Didinao!
Soa Ianao, ry Tompo, sady mpanisy soa:
ampianaro ahy ny Fitsipikao.
Soa ho ahy ny nomenao fijaliana,
mba hianarako ny Fitsipikao!
Soa ho ahy ny Lalàna avy amin’ny Vavanao:
mihoatra ny volamena sy volafotsy arivoarivo.
Fantatro, ry Tompo, fa rariny ny Fitsaranao:
ara-pahamarinana no ampahorianao ahy!
Hampionona ahy anie ny Hatsaram-ponao:
araka ny teninao tamin’ny mpanomponao.
Evanjely
Aleloia. Aleloia.
Ampianaro ahy, ry Tompo, ny lalànao, ary tariho ho amin’ny lala-mahitsy aho.
Aleloia.
Evanjely Masina nosoratan’i Masindahy Marka (Mk. 8, 11-13)
Ahoana no itadiavan’ity taranaka ity famantarana?
Tamin’izany andro izany,
nanatona an’i Jesoa ny Farisianina,
ka niady hevitra taminy sy nangataka famantarana avy any an-danitra taminy,
mba hakany fanahy Azy.
Dia nisento mafy Izy ka nanao hoe:
“Ahoana no itadiavan’ity taranaka ity famantarana?
Lazaiko aminareo marina tokoa fa tsy homena famantarana ity taranaka ity.”
Dia nilaozany izy ireo ka niondrana an-tsambo kely indray Izy nankeny ampita.
— Izany àry ny tenin’ny Tompo.
Sous-catégories
[Miara-dàlana] Zoma 9 mey 2025
• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...
Tohiny...Tsy misy afaka manavotra antsika afa-tsy Andriamanitra
I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2025 Radio Don Bosco