Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny fitotoriana ny Vaovao Mahafaly amin'ny endriny vaovao dia nanomboka nahazo vahana teo amin'ny iraka ataon'ny Eglizy ny taon-jato faha-20. Misy heviny maro ny momba io fitoriana amin'ny endriny vaovao io satria samy nivohy izany na ny Papa Joany Paoly-II na ny Papa Benoît XVI. Ny tena nantsoina hanao io fomba fitoriana io dia ireo tao Eraopa sy Amarika-Avaratra. Katesizy momba ny fitoriana ny Vaovao Mahafaly amin'ny endriny vaovao, iarahana amin'i P. Randriamahenina Robert-Marie.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny atao hoe mibebaka dia mitady ny tsara na manahirana aza izany. Tsy ny fitsaratsarana ny fijerin'ny hafa no itondrana ny fiainana fa ny fitsaran'Andriamanitra, izany hoe mitady endrim-piainana vaovao tsy toy ilay mahazatra. Ny fitoriana an'Andriamanitra velona mifototra ao amin'ny hafatr'i Jesoa dia tokony ho ivon'ny fitoriana amin'ny endriny vaovao ihany koa. Katesizy momba ny fitoriana ny Vaovao Mahafaly amin'ny endriny vaovao, iarahana amin'i P. Randriamahenina Robert-Marie.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny fivoaran'ny fitoriana ny Vaovao Mahafaly : Azo atao ny mampiasa ny fitaovana môderina rehetra mba entina mampita ny Evanjely. Ny fitaovana môderina toy ny tranokalam-pifandraisana, ny fahitalavitra sy ny onjam-peo, izay tokony hampiasaina ara-drariny fa tsy entina hamotehana ny mpiara-belona na hanimba ny fifandraisana amin'Andriamanitra.  Katesizy momba ny fitoriana ny Vaovao Mahafaly amin'ny endriny vaovao, iarahana amin'i P. Randriamahenina Robert-Marie.

Lohahevitra : Raki-tsarobidy
Voadika amin'ny fiteny :  English (United Kingdom) 

Betsaka ny adidy hapetraky ny Fiangonana amin'ny Kristiana amin'ny fitoriana ny Evanjely, ao anatin'izany ny fanatsarana ny fiainan'ny olombelona, anefa mandanjalanja tosiky ny kolontsaina. Tamin'ny 30 novambra 2019 no nihaonan'i Papa tamin'ny CPPNE, momba ny hoe Eglizy misokatra, nasongadiny ny hoe tsy ilaina mihitsy ny manaiki-dresy amin'ny fitoriana ny Evanjely. Katesizy momba ny fitoriana ny Vaovao Mahafaly amin'ny endriny vaovao, iarahana amin'i P. Randriamahenina Robert-Marie.

Lohahevitra : Raki-tsarobidy
Voadika amin'ny fiteny :  English (United Kingdom) 

Ialao ny tahotra sy ny ahiahy raha te hahomby amin'ny fitoriana ny Evanjely. Ampiasaina ara-drariny ny fitaovam-pifandraisana rehetra mba hitoriana ny Evanjely. Tsy atao alasafay na am-pahazarana fotsiny rehefa mitory, ary indrindra, mila mivoaka fa tsy mihiboka ao am-piangonana mba ho vavolombelon'ny Hafaliana entn'ny Evanjely. Katesizy momba ny fitoriana ny Vaovao Mahafaly amin'ny endriny vaovao, iarahana amin'i P. Randriamahenina Robert-Marie.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny fitiavan'Andriamanitra dia tsy nokoboniny ho Azy irery fa nozarainy maimaim-poana tamin'ny olombelona. Tiany izao tontolo izao ka tsy nandala ny tena Zanany tokany Izy fa nomeny, nafoiny ho antsika mba tsy ho very izay rehetra mino Azy fa hanana ny fiainana mandrakizay. Tsy io "Zanany" io ihany fa natolony ihany koa ny Fanahiny tamin'ny alalan'ny Batemy noraisintsika, araka izay nolazain'i Md Paoly. Katesizy momba ny fitiavan'Andriamanitra, iarahana amin'i P. Ralison Raphaël Eugène.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Toa tsy mifanaraka amin'ny anarana entiny hoe "kristiana" intsony ny zava-misy ankehitriny ; maika ery ny olona te ho tonga kristiana fa malaina ny hiaina azy avy eo. Hita izany amin'ireo mangataka hiroso handray ny sakramentan'ny Batemy. Maro ireo miaina ny afobe satria efa miandry azy any an-tranony na eny amin'ny fiaraha-monina ny olana maro : ady lova, fifampiandaniana, fialonana, fankahalana, fahantrana. Katesizy momba ny fitiavan'Andriamanitra, iarahana amin'i P. Ralison Raphaël Eugène.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ankehitriny eny amin'ny fiaraha-monina dia miseho lany ny elanelana, ary zary mifanao ankolafiny, mifandrafy, nefa samy kristiana ihany. Eny amin'ny sehatra iasana dia mampametra-panontaninana hoe : atao fitaovana hanangonan-karena sy vola ary voninahitra fotsiny ve ny anaran'Andriamanitra sy ny finoana. Maro ny mpino no manana fahefana amin'ny sehatra misy azy anefa mampiasa izany tsy amin'ny rariny. Katesizy momba ny fitiavan'Andriamanitra, iarahana amin'i P. Ralison Raphaël Eugène.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mazava ny hafatr'i Jesoa tamin'ny mpianany : aoka isika ho fanasina sy ho fahazavana. Araka izay voasoratra ao amin'i Mt 5, 13 : Ianareo no fanasin'ny tany ; fa raha ny fanasina no tonga matsatso, hatao ahoana no fanasina azy indray? Tsy ho azo atao inona intsony izy, fa dia hariana any alatrano hohitsahin'ny olona. Fehiny tsara ra mandeha mivoaka ny Eglizy mitory ny Evanjely sy ny fitiavan'Izy Ray. Katesizy momba ny fitiavan'Andriamanitra, iarahana amin'i P. Ralison Raphaël Eugène.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Manosika antsika tsy hatoritory ny Batemy noraisintsika. Ny Evanjelin'i Jesoa sy ny fampianaran'ny Eglizy dia tsy mitsahatra mampianatra antsika mba ho sahy haneho ny fitiavan'Andriamanitra amin'ny olona rehetra tsy an-kanavaka, indrindra amin'ireo olona tsy manan-tsiny sy madinika ; eo koa ny fanehoana "indra fo" fa zava-poana ihany raha fitiavana tsy misy "indra fo". Katesizy momba ny fitiavan'Andriamanitra, iarahana amin'i P. Ralison Raphaël Eugène.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny Batemy dia mandrisika ny kristiana amin'ny fahehoana halemem-panahy, ny fahasahiana miteny sy mananatra am-pitiavana, fijoroana amin'ny fahamarinana. Tsy azo atao mihitsy ny milona ao anatin'ny toe-javatra ratsy anefa mitondra ny anaran'i Kristy. Endriky ny fitiavan'Andriamanitra isika rehetra eo amin'izay hatao, mila atambatra ny hery hiasa ho fanehoana izany fitiavana izany. Katesizy momba ny fitiavan'Andriamanitra, iarahana amin'i P. Ralison Raphaël Eugène.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny tena mpianatr'i Kristy, mitondra ny anarana kristiana dia sahy maneho ny fitiavan'Andriamanitra amin'ny olona rehetra, indrindra ireo tsy manan-tsiny sy marefo. Taratry ny fitiavana ny hoe : fa aoka hianareo samy halemy fanahy amin'ny namany avy, ka hifampiantra sy hifamela heloka, toraka ny namelan'Andriamanitra anareo ao amin'ny Kristy. Katesizy momba ny fitiavan'Andriamanitra, iarahana amin'i P. Ralison Raphaël Eugène.

Sous-catégories

Malagasy

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...