Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Nohariana hitovy endrika amin'Andriamanitra, nomeny ny fanahiny ny olombelona rehetra. Ny fanavakavahana mahakasika ny zo fototra dia tsy maintsy foanana satria mifanohitra amin'ny fikasan'Andriamanitra. Efa ao anatin'ny fandaharan'Andriamanitra ny fahasamihafana mba handraisan'ny tsirairay avy amin'ny hafa izay ilainy, izany hoe hisian'ny fifamenoana. Katesizy momba ny fiaraha-monina araka ny hevitr'Andrimanitra, iarahana amin'i P. Bertrand Ratovoalinirina. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Avy amin'ny teny grika "polis" midika hoe "tanàna". Ny politika dia fitantanana ny tanàna, mikendry ny filaminana sy ny firindran'ny tanàna, mikendry fampandrosoana. Ny politika hita taratra ankehitriny anefa tsy toa izany satria lasa mihazakazaka any amin'ny adilahy liham-pahefana, fikatsahana tombontsoa manokana. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France) 

Ny politika ho an'ny Eglizy dia mifototra amin'ny baiboly. Misy fisarahana ny fahefana pôlitika teo amin'ny Eglizy sy ny fanjakàna, ohatra amin'ireny ny toeran'i Cesar sy Andriamanitra. Mazava ny politika ho an'ny Eglizy, ireo mikasika ny famonjena ny olona ary tsy miantefa ho an'ny vondron'olona fa ho an'ny rehetra ; tsy toa izany ny an'ny fitondrana fa raharahan'antokon'olona. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France) 

Raha amin'ny Eglizy dia ny finoana an'i Jesoa Kristy maty sy nitsanga-ko velona no fototry ny politika izany hoe tsy miala amin'ny fikatsahana ny soa iombonana : isan'ireny ny asa sôsialy toy ny fanabeazana, famolavolana ho olom-banona, miaro ny aina. Ny tokony hibaiko ny mpanao pôlitika dia ny fahefan'Andriamanitra izay mampiasa fahefana ara-drariny sy ny hitsiny, araka ny feon'ny fiheritreretana. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Tsy afa-miala amin'ny soa iombonana ny pôlitikan'ny Eglizy. Ao amin'ny Eglizy ny olona ary natao hifandray amin'ny hafa, sady tsy manavakavaka. Tsy afa-miala sy tsy maintsy mifandray amin'ny fitondrana ny Eglizy, izy no fanilo sy fahazavana eo anivon'izao tontolo izao. Tsy fironan-kevitra ny Eglizy fa finoana nolovana tao ireo fifandimbiasan'ny Apôstôly, izay misy rafitra. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Samy hafa ny politika ho an'ny Eglizy sy ny ara-pitondrana. Misy rafitra ao amin'ny Fiangonana izay tsy maintsy arahina. Zavatra roa samy hafa ny fanorenana ny fanjakan'ny tany sy ny fanorenana ny fanjakan'ny lanitra. Na iza na iza mpitondra tsy mikatsaka ny tombotsoa sy ny soa iombonana dia tsy maintsy miteny ny Eglizy. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny Eglizy dia tsy mitsara ary tsy mandidy ny mpitondra fa kosa mankahery ny mpitondra fanjakàna amin'ny fikatsahana ny soa sy ny tombontsoa iombonana. Ny Eglizy dia manatanteraka ny adidiny amin'ny fanitsiana sy fanoroana ny tsara, ary koa miara-mamindra amin'ny olona rehetra ho an'ny amin'ny famonjena izao tontolo izao. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny fampanjakàna ny feon'ny fieritreretana manoloana ny fahamendrehana maha olona no voalohany amin'ny resaka politika tena izy. Rehefa miaina ao anatin'ny fandriampahalemana sy mandroso amin'ny maha olona manontolo azy ny vahoaka, ary miadana sy mahatsapa ho olon'afaka dia izay no politika tsara indrindra. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Misy mpitondra fivavahana sasany, karazan'olona manohitra fitondrana, maminany sahady ny ho avy, manakorontana ny saim-bahoaka. Ny Eglizy dia tsy mametraka olona ho fidiana fa manitsy mpitondra araka ny foto-pampianarana manome lanja ny soa iombonana. Raha misy mpitondra fivavahana maka ny toeran'ny mpanohitra dia mamitaka ny tenany sy ny vahoaka. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Voajanahary ny fiaraha-monina. Fiaraha-monina ankohonana no naorin’Andriamanitra voalohany. Avy eo nisy ny fiaraha-monina toy ny firenena tahaka an’Israely. Nataon’Andriamanitra fianakaviana iray ny olombelona. Iray donak'afo, miara-miaina, miara-belona. Soa iombonana no tanjona ka ilàna rafitra ara-politika. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mivelatra ny fiaraha-monina ary mihalehibe ny rafitra satria mihitatra amin’ny fiaraha-monina iraisam-pirenena. Tsy maintsy ny fepetra sy fitsipika ary lalana mifehy ny fiaraha-monina, mba hitazonana ny fahasambarana sy fahamendrehan’ny olombelona, ary ny fifampiankinany. Ao anatin’izany fepetra izany ny azo atao sy ny voarara (le permis et l’interdit). Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Voajanahary ny fitsipika sy ny lalàna ho an’ny fiaha-monina, lalàm-pitiavana no fepetra: tsy ho an’Andriamanitratra sy ny olombelona fotsiny fa natao ho an’ny firahalahian’ny olombelona. Mifampiankina ny fandrosoana amin'ny lafiny rehetra. Voajanahary ny fiaraha-monina noho izany voajanahary ihany koa ny fahefana ara-politika hitantanana ny fiaraha-monina. Katesizy momba ny politika araka ny fijerin'ny Eglizy, iarahana amin'i P. Rakotondramanana Soloniaina Jean Emilien. 

Sous-catégories

Vaovao

Arofanina

[Miara-dàlana] Zoma 30 mey 2025

• Notanterahana androany ny Andron'ny Sekoly Katolika teto amin'ny Diosezin'Antananarivo, ka Eokaristia Masina notarihan'ny Arseveka no nanombohana izany... • Notanterahana ny 27 hatramin'ny 29 mey 2025, ny fihaonan'ireo mpanabe eo anivon'ny seminera, tao amin'ny Arsidiosezin'Antsiranana... • Antso voalohany ho antsika ny ho olombelona. Io no fampianarana nentin'ny Papa Léon XIV, nandritra ny Audience générale, ny alarobia teo...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...