Lohahevitra : Vaovao

♦ Nohainoana teny amin'ny fitsaràna tao Port Louis Maorisy taorian'ny fanadihadiana nataon'ny FCC azy ny maraina teo ilay mpandraharaha Malagasy Mamy Ravatomanga... ♦ Nilaza ny hametraka fitoriana eny amin'ny Fitsaràna ny sendikà mahaleotena eo anivon'ny Kaominina Antananarivo, noho ny feo mandeha fa misy mikasa handoro ny Lapan'ny Tanàna... ♦ 06 novambra 1995, feno 30 taona anio ny nahamay ny rovan'i Manjakamiadana, tsy mbola misy mangirana hatramin'izao ny antony nahatonga ny fahamaizana sy ny olona nanao izany... ♦ Nanentana ny mpino hivavaka mba hisian'ny fandriampahalemana manerantany ny Pape Léon-XIV...

Lohahevitra : Mba ho vanona

Ny mitantana firenena dia fandraisan'anjara ; ny kara-panondrom-pirenena dia midika fananana andraikitra sy adidy amin'ny fampandrosoana ny fiaraha-monina sy ny firenena. Ny fanantenana amin'ny mety ho fandrosoan'i Madagasikara dia miainga amin'ny tsirairay, ialàna lavitra ireo toetra sy fomba mamotika ny firenena toy ny fandrobana vola sy ny harena maro samihafa. Ny toe-tsaina dia singa iorenan'ny fomba amam-panao mitondra amin'ny fahavononana. Sotoavina tsara tazomina : fifanajàna, fahamarinana, fifampitokisana... Fandaharana "mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao

♦ Ahemotra amin'ny volana febroary 2026 ny ZAIKABE FAHA-10 sy ny Kômity foibe faha-47, karakarain'ny FFKM izay nokasaina hatao ny 24 hatramin'ny 29 novambra 2025 izao, noho ny toe-draharaham-pirenena... ♦ Nisongadina tamin'ny filan-kevitry ny ministra omaly ny fanesorana olom-panjakàna ambony teo anivon'ny ministeran'ny vola sy ny fitantanam-bola sy ny nanafoanana ny didim-panjakàna nanendry ireo tompon'andraikitry ny DREN manerana ny Faritra 23... ♦ Sazy anterivozona 20 taona sy onitra 100 tapitrisa Ariary no azon'ireo olona telo voampanga tamin'ny famonoana an'i Rasazy Narindra araka ny didim-pitsaràna nivoaka omaly...

Lohahevitra : Raki-tsarobidy

Ao amin'ny Litorjia, indrindra amin'ny Eokaristia dia i Jesoa Kristy no tena miasa : amin'ny endriky ny pretra manao ny fombafomba, amin'ny Sakramenta manome fahasoavana, amin'ny Tenin'Andriamanitra miteny amin'ny vahoaka, amin'ny vahoaka mivory amin'ny anarany. Jesoa Kristy dia ilay tena Mpisorona sy Otely hanaovana sorona... Katesizy momba ny tantaran'ny foto-pampianarana litorjia ao amin'ny Konsily Vatikana-II, iarahana amin'i P. Randriamanamahenina Robert Marie.

Lohahevitra : Vaovao

• Tsy voatana ny daty saika hanaovana ny Zaikabe sy ny Komity Foibe FFKM, noho ny zava-misy eto amin'ny firenena... • Maro ireo mpiasam-panjakana ambony nesorina tamin'ny toerany, nandritra ny Filankevitry ny Minisitra notanterahana androany... • Halain'ny CNaPS ny SMDG, ho takalon'ny tsy fahefan'ity farany ny vola nosamboriny...

Lohahevitra : Vaovao

♦ Hiroso amin'ny fanaovana fitsirihana (audits) eny anivon'ny sampandraharaham-panjakàna sy ministera ny Fitsaràna ara-bola aharitra 90 andro ny faharetan'izany... ♦ Miatrika ny fanadihadiana ataon'ilay sampandraharaha misahana ny fanadihadiana momba ny heloka bevava atsy amin'ny nosy Maorisy Andriamatoa Mamy Ravatomanga... ♦ Hiverina indray ny fahatapahan-jiro mifandimby ho an'ny tambazotra iraisan'Antananarivo noho ny tsy fahampian'ny rano ao Andekaleka araka ny fampahafantarana avy amin'ny Orinasa JIRAM... ♦ Natokan'i Papa Léon-XIV ho an'ireo olona mitolona amin'ny heritreritra hamono tena ny fangataham-bavaka ataony ho an'ity volana novambra ity...

Lohahevitra : Ampela mihary

Miorom-paka : rehefa mahazo faka ny voa iray dia mivoatra tsikelikely ny fitomboany ary tonga ho hazo lehibe ary isika olombelona dia toa izany ; ny singa rehetra azo eo amin'ny fiaraha-monina dia miteraka fandrosoana ho an'ny olona iray, amin'ny lafiny ara-batana, ara-panahy. Ny fisokafana amin'ny fiaraha-monina amin'ny lafin-javatra hafa dia lalana iray hizorana amin'ny fandrosoana, afaka mandray sy afaka mizara fahalalana... Fandaharana "Ampela Miary" tontosaina eto amin'ny Radio Don Bosco.

Lohahevitra : Vaovao

♦ Folo volana aty aoriana hiakatra fitsarana eny Anosy anio alarobia faha-5 novambra ny raharaha nahafatesan'ny Ben'ny tanàna an'i Mangataboahangy Rasazy Narindra... ♦ Andrasana anio ny fanaovan-tsonia fifanarahana (Protocol d'accord) hifanaovan'ny mpampianatra sy ny ministeran'ny fanabeazam-pirenena, miankina amin'izy io mantsy ny hiverenan'ny fampianarana ho an'ireo sekolim-panjakàna... ♦ Niampy telo indray ireo razana hita tamin'ilay faharendrehana an-dranomasina tany Mahajanga, tafiakatra 14 araka izany ireo razana efa hita...

Lohahevitra : Raki-tsarobidy

Amin'ny asa pastoraly indrindra ao amin'ny Litorjia ny asan'i Kristy dia mitohy ao amin'ny Eglizy. Amin'ny Litorjia i Kristy dia mampiray amin'ny tenany ny mpino ary ny Eglizy dia mandray anjara amin'ny asan'ny famonjena. Izany no mahatonga ny Eglizy antsoina hoe "Sakramentan'ny famonjena" amin'ny tantara. Ny Litorjia dia asa iombonan'ny Eglizy sy i Kristy... Katesizy momba ny tantaran'ny foto-pampianarana litorjia ao amin'ny Konsily Vatikana-II, iarahana amin'i P. Randriamanamahenina Robert Marie.

Lohahevitra : Vaovao

• Niditra an-tsehatra namaha ny olan'ireo mpampianatra teny amin'ny Minisiteran'ny Fanabeazam-pirenena ny Kolonely Gervais Andriamiarisoa, Mpanolotsaina Avo eo anivon'ny Fiadidiana ny Fanavaozana ny Repoblikan'i Madagasikara... • Nifampitsapa hery teny Analakely androany, ireo mpomba sy mpanohitra ny fanesorana ny Ben'ny Tananan'Antananarivo Renivohitra, Harilala Ramanantsoa... • Niroso amin'ny famahana ny olan'ny angovo eny amin'ny Oniversiten'Antananarivo ny fitondram-panjakana...

Lohahevitra : Vaovao

♦ Saika hiditra an-keriny ny Lapan'ny tanàna eny Analakely ny avy amin'ny HOPE-Ami, mitaky ny hialàn'ny Ben'ny tanàna. Raikitra ny fifandonana teny an-toerana ny antoandro teo... ♦ Niverina nidina an-dalam-be indray ireo mpianatry ny sekolim-panjakàna sasany ao an-drenivohitra. Nilaza ireo mpampianatra mitokona fa tsy misy idiran'izy ireo izao hetsiky ny mpianatra izao... ♦ Mahazo vahana ny fitokonan'ny mpampianatra amina Faritra maro. Mbola mampiato ny fampianarana amin'ny Sekolim-panjakàna izy ireo nanomboka omaly... ♦ Ahitàna fihenàna betsaka ny famotehana sy fitrandrahana ala any Brésil...

Lohahevitra : Filira

Rainandriamampandry dia olomangam-pirenena tena tia tanindrazana. Rabezandriny no tena anarany fa amin'ny fiaraha-monina anefa dia matetika takona ao ambadiky ny anaran-janaka ny anaran'ny ray, izy moa nanana zanaka natao hoe Andriamampandry raha teo. Rainandriamampandry dia evanjelistra, mpampianatra, mpahay tantara sy jeografia ary mpikaroka momba ny teny sy ny kolontsaina. Ity olomangam-pirenena ity dia efa governora tao Toamasina, izay vavahadin'i Madagasikara sy renivohitra diplômatika, mpitaritafika nampihaiky ny fahavalo izy, ary efa niandraikitra ny asan'ny ministry ny atitany...

Sous-catégories

Vaovao

Arofanina

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...