Lohahevitra : Vaovao
  • Nankatoavin'ny solombavambahoaka nandritry ny fivoriana hitambaramben'izy ireo omaly talata 26 novambra, ny volavolan-dalàna fankatoavana fampindramam-bola miisa 3...
  • Vehivavy 1 amin'ny 3 no hiaran'ny herisetra na efa niharan'ny herisetra nandritry ny androm-piainany teto Madagasikara, 13,7% ny vehivavy no iharan'ny herisetra ara-nofo...
  • Lehilahy 1 no tra-tehaky ny pôlisy niaraka tamina vola sandoka mitentina 168 tapitrisa Ariary nokasaina hamidiny tany Mananjary...
  • Miroso amin'ny fampitsaharana ny ady any Liban manomboka anio i Israely sy ny Hezbollah, fampitsaharana mandritra ny 60 andro araka ny fampitam-baovaon'i Elysée...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Hoy i Jesoa hoe : Izaho no lalana sy fahamarinana ary fiainana, tsy misy mankany amin'ny Ray afatsy amin'ny alalako. Manana anjara toerana manokana i Jesoa ao anatin'ny vavaka, môdely lafatra. Olon'ny vavaka i Jesoa ary porofon'izany dia mivavaka matetika Izy. Ny vavaky ny kristianina dia mifandray lalandava amin'ny Trinite Masina... Katesizy momba ny vavaka sy ny Trinite Masina, iarahana amin'i P. Germain Thierry Randriamiarantsoa.

Lohahevitra : Onjam-panahy
Voadika amin'ny fiteny :  Français (France)   English (United Kingdom) 

Maro ireo fomba hanamaivanana ny fijalian'ireo fanahy mijaly ao amin'ny afo fandiovana. Miisa 3 no atolotra izao dia ny fampijalian-tena hatao an-tsitra-po sy ny fampijalian-tena tsy fanahy iniana; ny fahoriantsika ao anatin'ny fotoana fohy dia hitondra fahasambarana mandrakizay ho azy ireo. Ankoatra izay dia manampy azy ireo ihany koa ny fanaovana asa fiantrana amin-kerim-po, tena ilain'ny fanahy ao amin'ny afo fandiovana izy ity, ho toy ny ando mirotsaka tsy tapaka amin'ireo fanahy mijaly ao amin'ny toeram-panonerana sy manamaivana ny fijaliany no sady mahasoa antsika ihany koa. Ary ny fahatelo farany dia ny fanolorana lamesa ho an'ny fanahin'izy ireo, araka ny fijoroana vavaolombelona dia nisaotra ilay Pretra namany ny Pretra iray izay efa nodimandry, nisaotra azy tamin'ny fanafahana azy, "noho ny lamesa izay natolotrareo dia niala tao amin'ny afo fandiovana aho ary niakatra any an-danitra, mifanatri-tava amin'Andriamanitra, ilay niarahantsika nitsaoka fahiny".

Lohahevitra : Zava-misy
Voadika amin'ny fiteny :  Français (France)   English (United Kingdom) 

Ny talenta dia azo trandrahina ho lasa asa fivelomana. Porofo azo tsapain-tanana ny fahaizana manao mofo "moschi", ohatra hafa koa ny asa-tanana tahaka ny ataon'i Ramatoakely Razaka Mahefa, izay mamorina haingo (pôketra, akanjo rafia...). Ny "moschi" dia mofo isan'ny mampiavaka ny Japone, ka ny tsaramaso no akora fototra amin'izy ity, misy karazany maro izy ity... Fandaharana "Zava-misy" iarahana amin'i Rasamimanana Marc.

Lohahevitra : Vaovao
  • Namoy mpiara-miasa teo aloha izahay eto amin'ny Radio Don Bosco. Nodimandry omaly ny mpanao gazety tamin'ny fotoan'androny, Rolland Rakotondramasy...
  • Mitaky ny hisian'ny lisitra tovana ho an'ireo anarana vaovao nampidirina anaty lisi-pifidianana, amin'ny alalan'ny "ordonnance" ny KMF/Cnoe Fanabeazan'olom-pirenena...
  • Efa nisondrotra ny saran'herinaratry ny JIRAMA ho an'ny vondron'orinasa afak'haba eto Madagasikara. Misy fiatraikany amin'izy ireo izany, hoy ny filohan'ny GEFP...
  • Mpandeha 17 isa tsy hita popoka, vokatry ny faharendrehan'ny sambo mpitondra mpizahan-tany tao amin'ny ranomasina mena any Ejipta...

Lohahevitra : Filira
  • Rehefa vita ny fanabeazana amin'ny dingan'ny sekoly amorom-patana, izay fanabeazana ny zaza sy ny ankizy dia ny sekoly amorom-pahatra indray no entina hanabeazana ireo tanora ary ny lehilahy no volavolaina ao, ny ray sy ny raibe no miandraikitra ny fampianarana. Misy sekoly manokana ho an'ireo vehivavy sy ny tanora hiroso amin'ny fiainam-pitiavana sy fianakaviana dia ny sekolin'ny tsiambaratelo ; araka izany dia olona roa ka ny beazina sy ny mpanabe no miatrika ny fampianarana eto, raha vavy ny Beazina dia ny reny na ny renibe no miandraikitra azy, raha lahy dia ny rainy na ny raibeny.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Avantana amin'ny Ray amin'ny alalan'ny Jesoa Kristy ao amin'ny Fanahy Masina ny vavaka. Maneho sy manamafy ny fifandraisan'ny voaary amin'ny Mpahary ary io fiarahan'ny Trinite Masina ao amin'ny vavaka io. Ny lovam-panahy tamin'ny Apôstôly dia mampiharihary fa fototra ao amin'ny vavaka ny fitodiana amin'ny Ray ; loharanom-ptiavana ny Trinité Masina... Katesizy momba ny vavaka sy ny Trinite Masina, iarahana amin'i P. Germain Thierry Randriamiarantsoa.

Lohahevitra : Vaovao
  • Nolanian'ny Solombavam-bahoaka teny Tsimbazaza androany, ny volavolan-dlaàna roa mahakasika ny fisamboram-bola amin'ny BAD sy ny FAD...
  • Eto amintsika ankehitriny ny Tale Rejionalin'ny fikambanana iraisam-pirenena momba ny asa, na ny OIT aty Afrika, Ramatoa Fanfan Rwany Indo...
  • Efa misy fisondrotany ny vidin'ny herinaratry ny Jirama ampiasain'ny mpikambana ao amin'ny Vondron'ny Orinasa Afakaba, na ny GEFP...

Lohahevitra : Miara-dalana
  • Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
  • Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
  • Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...

Lohahevitra : Fiavian'ny Tompo
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Jeremia Mpaminany (Jer. 33, 14-16)

Hampitsimoka solofo mandala ny marina ho an’i Davida Aho.

Indro avy ny andro, teny marin’ny Tompo,
hanatanterahako ny teny soa nolazaiko momba ny taranak’i Israely aman-taranak’i Jodà.
Amin’izany andro izany, sy amin’izany fotoana izany,
hampitsimoka solofo marina ho an’i Davida Aho,
izay hitsara araka ny hitsiny sy ny rariny amin’ny tany.
Amin’izany andro izany i Jodà, hovonjen
ary i Jerosalema handry feizay,
ka hantsoina hoe: Tompo-fahamarinantsika.

— Izany àry ny tenin’ny Tompo.

Salamo fandinihana

Sal. 24, 4bd-5ab. 8-9. 10 sy 14

Aminao, ry Iaveh, no asandratro ny fanahiko.

Ny lalanao, ry Tompo, atoroy ahy,
ampianaro ahy ny soritrao.
Ny fahamarinanao itarihana ahy,
Ianao no Andriamanitra Vonjiko.

Tsara sy mahitsy ny Tompo:
ny mpanota toroany lalana,
ny ory entiny amin’ny marina,
asehony azy ireo ny lalany.

Ny lalany: fahamarinana, fitiavana
amin’izay mitandrina ny fanekeny.
Izay matahotra ny Tompo tsy anafenany:
atorony azy ny fanekeny.

Vakiteny faharoa

Taratasy voalohan’i Masindahy Paoly Apôstôly ho an’ny kristianina tany Tesalônîka (1 Tes. 3, 12 — 4, 2)

Hankahery fo anareo ny Tompo, ho amin’ny fahatongavan’i Kristy.

Ry kristianina havana,
ny Tompo anie hampitombo sy hampandroso anareo amin’ny fifankatiavanareo,
sy amin’ny fitiavanareo ny olona rehetra, tahaka anay aminareo izao!
Hankahery ny fonareo anie Izy,
ary hiaro azy tsy hanan-tsiny amin’ny fahamasinana eo anatrehan’Andriamanitra Raintsika,
ho amin’ny fahatongavan’i Jesoa Kristy Tompontsika mbamin’ny olomasiny rehetra. Amen.

Farany, ry kristianina havana,
izao no angatahinay sy ihantanay aminareo ao amin’i Jesoa Tompo:
efa nianaranareo taminay izay fitondran-tena mety hankasitrahin’Andriamanitra
sady efa arahinareo koa,
ka mandrosoa mandrakariva amin’ny fandehanana araka izany.
Efa fantatrareo rahateo ny didy nomenay anareo avy amin’i Jesoa Kristy.

— Izany àry ny tenin’ny Tompo.

Evanjely

Aleloia. Aleloia.

Asehoy anay, ry Tompo ny famindram-ponao! ary omeo anay ny famonjena avy aminao.

Aleloia.

Evanjely Masina nosoratan’i Masindahy Lioka (Lk. 21, 25-28. 34-36)

Akaiky ny fanavotana anareo.

Tamin’izany andro izany i Jesoa nilaza tamin’ny mpianany hoe:

“Hisy famantarana eny amin’ny masoandro sy ny volana ary ny kintana,
ary ety an-tany dia ho ory sy very hevitra ny firenena
noho ny fikotrokotroky ny ranomasina sy ny onjany;
ho ankona foana ny olona noho ny fahatahorany
sy ny fiandrasany izay loza hanjo an’izao tontolo izao,
fa hihozongozona ny herin’ny lanitra.
Dia ho hita amin’izay ny Zanak’Olona
avy any ambonin’ny rahona amim-pahefana sy voninahitra lehibe.
Raha vao miantomboka izany zavatra izany,
dia miandrandrà ka asandrato ny lohanareo,
fa efa akaiky ny fanavotana anareo.
Tandremo àry fandrao vesaran’ny fihinanan-doatra sy ny fimamoana
ary ny fiahiana izao fiainana izao ny fonareo,
ka tratrany tonga tampoka aminareo anie izany andro izany e!
Fa ho sahala amin’ny fandrika hahavoa ny olona rehetra mitoetra eto ambonin’ny tany izany.
Koa miambena àry, ary mivavaha mandrakariva
mba ho mendrika ho afaka amin’izany loza rehetra tsy maintsy tonga izany ianareo,
ka hitsangana hiseho eo anatrehan’ny Zanak’Olona”.

— Izany àry ny tenin’ny Tompo.

Lohahevitra : Vaovao
  • Lasa aloha raha oharina tamin'ny fifidianana hatramin'izay ny fandefasana ireo fitaovana ho ampiasaina amin'ny fifidianana ny 11 desambra izao...
  • Maro ireo mponina eto Antananarivo sy ny manodidina no voan'ny tazomoka, araka ny fampitam-baovaon'ny Ministeran'y fahasalamam-bahoaka ka anaovany fanentanana...
  • Efa nivoaka ny valin'ny fifaninanana handraisana mpandraharaha ny fonja miisa 600. Ho tanterahana ny 4 desambra ny dingana faharoa amin'ny fifaninanana...
  • Nirehitra ny motera iray tao amin'ny ilany ankavian'ny fiaramanidina rosiana iray ; nieren-doza ireo mpandeha tao anatiny...

Lohahevitra : Fiavian'ny Tompo
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Siràka 48, 1-4. 9-11

Dia niverina indray i Elia.

Nitsangana i Elia Mpaminany hoatra ny afo,
ary nirehitra hoatra ny fanilo ny teniny.
Niantso mosary hamely an’i Israely izy,
ary nahavitsy isa azy, noho ny zotom-pony.
Nanakatona ny lanitra tamin’ny tenin’ny Tompo izy,
ary nampilatsaka afo avy any intelo toy izany ihany koa.
Voninahitra lehibe manao ahoana, ry Elia,
no azonao tamin’ny fahagagana nataonao,
ary zovy no afaka hihambo ho mitovy aminao?
Ianao nofaohina tamin’ny tadio afo,
sy tamin-kalesy tarihin-tsoavaly afo:
ianao voatendry ao amin’ny teny mafy an-tsoratra
ho an’ny fotoana ho avy
ho tsy maintsy hampitony ny hatezerana alohan’ny hirehetany,
hitarika ny fon’ny ray ho amin’ny zanaka indray,
ary hanangana ny firenen’i Jakôba indray.
Sambatra izay hahita anao,
ka ho voahaingon’ny fitiavana an’Andriamanitra!
Fa izahay koa dia ho velona marina tokoa.

— Izany àry ny tenin’ny Tompo.

Setriny

Salamo 79, 2ad sy 3b. 15-16. 18-19

Tompon’ny tafika ô, avia mampody anay, asehoy ny tavanao ho vonjinay.

Ry Mpiandry an’i Israely, mandrenesa;
ry mipetraka eo ambony Kerobima,
efa Anao ny voninahitra, asehoy.
Dia fohazy ny herinao hamonjy anay.

Miverena, ry Andriamanitry ny tafika,
mitsinjova avy eny an-danitra, zahao!
Ilay foto-boaloboka tazano;
mba ahio ny nambolen’ny tananao!

Tananao anie ka homba lalandava
Ilay olona ipetrahan’ny tokinao,
dia ilay zanak’olombelona voafidy,
Ilay nomenao fahefana ombana hery.
Izahay tsy mba handao Anao intsony
fa velominao izay miantso ny Anaranao.

Evanjely

Aleloia. Aleloia.

Akaiky ny andron’ny Tompo, indro Izy fa ho avy hamonjy antsika.

Aleloia.

Evanjely Masina nosoratan’i Masindahy Matio (Mt 17, 10-13)

Tonga i Elia fa tsy fantatry ny olona izy.

Tamin’izany andro izany,
rahefa nidina avy tany an-tendrombohitra i Jesoa sy ny mpianany,
dia nanontany Azy ny mpianany nanao hoe:

“Ahoana àry no ilazan’ny mpanora-dalàna
fa tsy maintsy ho avy aloha i Elia?”

Ary namaly Izy ka nanao hoe:

“Tsy maintsy ho avy tokoa i Elia
ka hanavao ny zavatra rehetra.
Nefa lazaiko aminareo fa tonga sahady i Elia,
fa tsy fantatry ny olona izy,
ka nanaovany izay sitraky ny fony.
Ary ho tahaka izany koa
no hampijaliany ny Zanak’Olona.”

Dia fantatry ny mpianatra tamin’izay
fa i Joany Batista no nolazainy taminy.

— Izany àry ny tenin’ny Tompo.

Sous-catégories

Vaovao

Arofanina

[Vaovao manokana] Alakamisy 17 avrily 2025

Notendren’ny Papa François ho Eveka’ny Diosezin’i Fenoarivo-Atsinanana i P. Mareck Ochlak, Lehiben’ny Fikambanana Oblats de Marie Immaculée, ao amin’ny Province Pologne amin’izao fotoana izao.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...