Lohahevitra : Hono hoy aho Mompera ?

Manana lanjany manokana ho amin'ny fiainantsika zanak'olombelona ny fianakaviana satria io no fiaraha-monina fototra, izay mahasaropiaro ny fiangonana ; nisongadina izany tamin'ny fitantanana tamin'ireto Papa ireto ( Joany Paoly-II, Paoly-VI, Léon-XIII, François). Noho ny fihavanana ao amin'ny Kristy dia tokony hisy hatrany ny fifanajàna ao amin'ny ankohonana sy eo amin'ny mpiray tanàna... Fandaharana "hono hoy aho Mompera", eto amin’ny Radio Don Bosco, isaky ny alarobia alina.

Lohahevitra : Vatsim-panahy

Alahady 04 mey 2025 - Alahady faha-3 – Taona D fankalazana ny Paka : miaraha miasa amin’i Piera fa izany no Eglizy ; Nitsangan-ko velona i Kristy, Ilay nahary ny zavatra rehetra ary niantra ny zanak’olombelona. Tsy mitsahatra miahy antsika olombelona ny Andriamanitsika amin'ny alalan'ny Zanany dia i Jesoa Kristy, porofon'izany izay voalaza ao amin'ny Evanjely fa nofahany hatrany ireo ondriny. Ny teny ambara in-telo dia midika fa marina sy tsy azo lavina ny zavatra iray, ohatra ny nisehoan'i Jesoa in-telo dia midika fa tena velona tokoa izy...

Lohahevitra : Andriano ny fahasalamana

Tamin'ny 30 avrily teo no nifarana ny fanamarihana ny andro afrikanina ho an'ny vaksiny. Misy ny tetiandro napetraky ny Ministera ka : ny zaza voateraka hatramin'ny 14 andro dia hatao vaksiny POLIO ; latsaky ny 11 volana dia atao vaksiny BCG... Misy aretina maro voasorokin'ny vaksiny raha voaaraka tsara ireo tetiandro : tetanosy, kitrotro, lefakozatra... Fandaharana "Andriano ny fahasalamana", tontosaina eto amin'ny radio Don Bosco.

Lohahevitra : Vaovao

♦ Mihemotra ny laharan'i Madagasikara eo amin'ny fahalalahan'ny asa fanaovan-gazety. Very toerana 13 isika raha ampitahaina ny laharana tamin'ny taona-dasa... ♦ Sarotra ny hilaza fa tena malalaka amin'ny fanatanterahana ny asany ny mpanao gazety eto Madagasikara, indrindra hatramin'ny fotoana nampiroborobo ny tontolo nomerika, hoy James Ramaroson, filohan'ny OJM teo aloha... ♦ Tsy afa-bela fa voatazon'ny fitsaràna ambony, ny 30 volana sazy mihantona, ho an'ny mpitarika ny Randrana Sendikaly sy ny filohan'ny Seces sampana Antananarivo... ♦ Efa tafapetraka eo amin'ny tafon'ny Chapelle sixtine, hanaovana conclace ny cheminée hamantarana ny voka-pifidianana Papa...

Lohahevitra : Raki-tsarobidy

Ny Kristianina tsy katôlika dia tsy raisina ho toy ny mpankato na mpivoy fampianaran-diso izy ireny fa toy ny rahalahy tafasaraka. Maro amin'izy ireny ny manome toeram-boninahitra ny Soratra Masina ankatoaviny ho fitsipi-pinoana sy fitondran-tena. Maro ireo maneho zoto eo amin'ny fitiavam-bavaka ary mino am-pitiavana an'Andriamanitra Ray Mahefa... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Raki-tsarobidy

Tsy amin'ny toerana voafaritra ihany no iasan'Andriamanitra, ary ny fiombonana dia miorina tsikelikely amin'ny fahalalana sy ny fiekena fa mandray ny fanomezan'Andriamanitra ihany koa ireo fiangonana hafa tsy katôlika. Mamohafoha faniriana sy ezaka ny Fanahy ao amin'ny mpianatr'i Kristy rehetra mba hanajan'izy rehetra ny fomba naraikitr'i Kristy hahatafaray azy... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Vaovao

♦ Namafisin'ny Fitsaràna ambaratonga ambony androany ny sazy mihantona 30 volana, ho an'ny mpitarika ny Randrana Sendikaly, sy ny filohan'ny SECES teo aloha, noho ilay raharaha fandefasana taratasy teny amin'ny Etamazôron'ny Tafika ny volana oktobra 2023... ♦ Sarotra ny hilaza fa tena malalaka amin'ny fanatanterahana ny asany ny mpanao gazety eto Madagasikara, indrindra hatramin'ny fotoana nampiroborobo ny tontolo nomerika hoy ny fanehoan-kevitry ny mpanao gazety James Ramarosaona... ♦ Namoaka voka-pikarohana hahafahana manampy ireo sekoly sy ireo mpisehatra amin'ny tontolon'ny fanabeazana ny studio M.G...

Lohahevitra : Hirika
Voadika amin'ny fiteny :  Français (France)   English (United Kingdom) 

Novoizina nandritra ny taona maro teto Madagasikara ny zezika kankana. Zezika ahazoana vokatra ara-biolojia eo amin'ny fambolena. Isan'ny mampiasa io zezika io ny fikambanana Lanja Miakatra. Nizara fahalalana sy ny traik'efa momba izany ny mpanorina ny fikambanana Ranaivoarison Basile, Papa Bio.

Lohahevitra : Vaovao

♦Mbola tsy voafaritra aloha hatramin'izao na ho tanteraka na tsia ny famerenana ny fifidianana Ben'ny Tanàna sy Mpanolontsaina any amin'ireo kaominina izay nahitàna olana, nandritra ny fifidianana farany teo... ♦ Nanjombona tsy toy ny isan-taona ny fanamarihana ny fetin'ny asa omaly voalohan'ny volana mey ho an'ny sendikan'ny mpiasa FISEMARE... ♦ Nandrombaka medaly volamena 20 isa ny atleta Malagasy fiadiana ny tompon-dakan'i Afrika natao tatsy Maurice... ♦ Mangata-bavaka amin'ny Kristianina, indrindra ny mpino katôlika, ireo kardinaly mivory ao Rome ankehitriny mba ho tontosa saoamantsara ny "conclave" izay ho atrehan'izy ireo...

Lohahevitra : Vaovao

♦ Lanonana tsotra tao anatin'ny hafaliana no nitsenan'ny Fianakaviambe Salezianina an'ny Mompera Innocent Bizimana. Izy izay voafidy ho mpanolontsaim-paritry ny fikambanana Salezianina aty amin'ny faritra Afrika-Atsinanana sy atsimo... ♦ Fanombohan-javatra ihany ny omaly 1 mey fa mitohy ny tolona, hoy ny valabe firaisankinan'ny sendika eto Madagasikara (SSM)... ♦ Mandray ny fanamarihana nasiônaly ny andro maneran-tany ho an'ny fahalalahan'ny asa fanaovan-gazety 2025 ny any Morondava, Faritra Menabe. Haharitra telo andro ny fanamarihana...

Lohahevitra : Raki-tsarobidy

Misokatra amin'ny rehetra ny Eglizy, nefa kosa entitra. Natao ho an'ny rehetra ny famonjena fa ny maha eo ny Eglizy ho lalana sy famantaram-pamonjena ho an'ny mpino dia tsy azo ihodivirana fa tsy sanatria tsy laharam-pahamehana na tsy manan-danja. Mijoro ho vavolombelona maneho hatrany ny hatsaran'ny Eglizy, ny fahamasinany sy ny fitiavany ny Kristianina... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Mba ho vanona

Miohatra amin'ny zava-misy maneran-tany dia fankatahaka ny Papa François tamin'ny fampisongadinana ny fifanajàna sy ny finiavana hametraka fomba fiainana mitory fanetretena. Mba ho fampandrosoana ny firenena dia tsara kokoa ny hanomezana toerana ny fifampiresahana, ny finiavana, ny firaisankina ; fanararaotra hampisongadinana ireo ny fanohizana ny fangatahana ny fampiharana ny efa tapaky ny firenena mikambana momba ireo Nosy manodidina Malagasy... Fandaharana "mba ho vanona" iarahana miasa amin'ny jeneraly Désiré Ramakavelo.

Sous-catégories

Malagasy

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...