Lohahevitra : Vaovao

♦ Nanamarina ny fahabangan-toeran'ireo solombavambahoaka roa voatendry hisahana andraikitra hafa eo amin'ny fitantanan-draharaham-panjakàna ny Fitsaràna Avo momba ny Lalam-panorenana... ♦ Fampiharana ny fifanarahana napetraky ny OACI no antony nanakatonana ny Sekoly ambony ENEAL hoy ny Tale Jeneralin'ny Aviation Civile de Madagascar... ♦ Manomboka miverina ireo karazam-biby efa tsy hita teo aloha toy izany koa ny rano ao amin'ny tobin'ala Analatelo any amin'ny Distrikan'i Morombe taorian'ny fanarenana nataon'ny Tetik'asa Mionjo sy Tany Meva...

Lohahevitra : Ampela mihary

Ny telo volana fahatelo dia manana ny lanja, afahana mandrefy ny fivoaran'ny mpianatra sy ny asa fanabeazana. Ny fanadinam-panjakàna dia mamaràna ny telo volana fahatelo, noho izany dia singa lehibe mitondra any amin'ny fahafaham-panadinana sy fahazoana marim-pahaizana. Manam-pahaizana : manana fahaizana sy fahalalana amin'ny zavatra na asa iray. ny manampahaizana kosa dia ireo manana fahalalana maro-lafy... Fandaharana "Ampela Mihary" tontosaina eto amin'ny Radio Don Bosco.

Lohahevitra : Vaovao

♦ Ny fisian'ny didy fampisamborana mahakasika ny Kôlônely Patrick Rakotomamonjy no nampidirana azy am-ponja saingy mbola mitohy ny fanadihadiana momba ny tenany hoy ny Ministry ny Fitsaràna... ♦ Nandà ny hifampidinika amin'ny Praiministra Rajaonariso Mamitiana ny fikambanana Gen Z 261, tsy misy ny fifampidinihana azo atao manoloana ny fanaovana herisetra, ny fisamborana ary ny fampihorohoroana hoy ireto farany... ♦ Hiova ho oniversitem-panjakàna an-jotra mampiasa ny tontolo nomerika manomboka izao ny CNTEMAD, hampahafantarina mandritra ny varavarana misokatra ny zoma sy sabotsy izao ny momba izany...

Lohahevitra : Raki-tsarobidy

Ny zava-boary rehetra sy ny fiaraha-monina dia samy manana ny lalàny sy ny soatoaviny na ny hasiny manokana, izay tsy maintsy fantarina sy ampiasaina ary mila mifanaraka amin'ny sitrapon'ilay Mpahary ny fampiharana azy mba ho tena ara-drariny io fizakan-tena ny zavatra ara-nofo io. Andriamanitra dia Fitiavana, tsara avokoa ny zavatra rehetra nataony... Katesizy momba ny foto-pampianaran'ny Eglizy "Gaudium Et Spes " Ny asan'ny olombelona eo amin'izao tontolo izao" iarahana amin'i P. Avellin Ravelonanosy.

Lohahevitra : Vaovao

• Hanatanteraka varavarana misokatra ny zoma sy ny sabotsy izao ny CNTEMAD. Hampahafantarina mandritra izany ny fiovan'ity foibe fampianarana ampitain-davitra ity ho oniversitem-panjakana an-jotra mampiasa ny tontolo nomerika. Tontosa androany koa ny sonia fiaraha-miasa eo amin'ny CNTEMAD sy ny Radio Don Bosco... • Miantso ireo fikambanana misy ny tanora Gen Z mijoro ara-dalana ny Praiminisitra lehiben'ny Governemanta, Rajaonarison Mamitiana, hifampidinika amin'ny zoma maraina ho avy izao... • Atao anaty fanarahan-dalana avokoa ny asa sy ny fanapahan-kevitra raisina na tsy misy intsony aza ireo Mpanolotsain'ny Tanana, hoy ny Filohan'ny Delegasiona Manokan'ny Tananan'Antananarivo Renivohitra...

Lohahevitra : Vaovao

♦ Nandray ny fitantanana ny tanàna an'Antananarivo nanomboka androany antoandro ny PDS Feno Ralambomanana. Fanamby maro no nambarany fa hapetraka amin'ny fitantanana... ♦ Kasaina ho hampiakarina 20% ny vatsim-pianaran'ny mpianatra eny amin'ny anjerimanontolo. Mbola dinihina anefa ny lafiny ara-teknikan'izany fampiakarana izany amin'izao... ♦ Ho tapaka vonjimaika ny Lalam-pirenena faharoa mankany Toamasina anio antoandro, noho ny asa fikojakojàna ny lalana. Nandefa fampitam-baovao momba izany ny ministeran'ny asa vaventy...

Lohahevitra : Filira

Ny Spoken Word dia efa nisy taloha ela be tany amin'ny taon-jato faha-XIV, tany Italie, ary nivoatra sy niely eran-tany. Zava-kanto vita amin'ny teny, miainga amin'ny soratra anefa tsy natao hovakiana loatra fa natao holaizaina, tononina am-bava, laroina fihetsika sy mozika raha ilaina. Maro ny tera-tany Malagasy no miangaly azy ity. Tany ivelany dia nentina nanoherana ny tsy rariny mihatraika mivantana amin'ny maha-olona ity "spoken Word" ity. Ny Spoken Word dia mahitsy amin'ny fanehoana voambolana...

Lohahevitra : Vaovao

♦ Hotanterahina anio ny famindram-pahefana eo amin'ny PDS sy ny Ben'ny tanàna an'Antananarivo mpisolo toerana.... ♦ Miantso fifampiresahana haingana manoloana ny raharaham-pirenena Ramatoa Christine Razanamahasoa. Mitodika amin'ny fitondràna tsy hanakatsakana ny fahafaha-maneho hevitra ity Ministra teo aloha ity... ♦ Fadiranovana ny mpiasam-panjakàna eto Madagasikara ankehitriny, hoy ny sendikan'ny Dokotera mpiasam-panjakàna eto Madagasikara. Tsy mbola ampy hisahanana ny filàna andavan'andro intsony ny karaman'izy ireo...

Lohahevitra : Raki-tsarobidy

Hatrany ampihandohana dia efa voadidy hiasa isika olombelona, ka amin'ny alalan'ny fanaovana ny tsara sy ny asa araka ny tokony ho izy no handavorariana ny tena. Ireo fitsipika tokony hifehy ny asan'ny olombelona : memetraka fa ny hasarobidin'ny asa dia miankina amin'ny fanatsaràna ny maha-olombelona manontolo fa tsy amin'ny famokarana ara-nofo fotsiny... Katesizy momba ny foto-pampianaran'ny Eglizy "Gaudium Et Spes " Ny asan'ny olombelona eo amin'izao tontolo izao" iarahana amin'i P. Avellin Ravelonanosy.

Lohahevitra : Vaovao

• Tsy hita taratra ny fitsitsiana ny volam-bahoaka nodradradraina. Fandaniam-bola fahatany no nataon'ny fitondrana tany amin'ny hetsika tany Toliara, hoy ny antoko VAMI, androany... • Naneho ny ahiahy amin'ny fisian'ireo olona voasambotra noho ny fanehoan-kevitra mitaky fanovana, ny Sendikan'ny Mpampianatra Mpikaroka, Sampana Antananarivo. Namoaka fanambarana momba izany izy ireo... • Nahazo fanampiana ara-tsakafo milanja 5.000 taonina avy amin'ny Amerikana i Madagasikara. Hamonjy aina sy hanampy olona hatrany amin'ny 3 hetsy any amin'ny faritra atsimon'ny nosy izany...

Lohahevitra : Vaovao

♦ Nambaran'ny filohan'ny mpiaro ny zon'ny mpanjifa PMH fa olana ho an'ny mpanangom-bokatra sy ny tantsaha sasany nindram-bola tany amin'ny Banky ny fidinan'ny vidin'ny vary amin'izao fotoana izao. Tsy ny tantsaha maro an'isa no manana olana momba izany hoy izy... ♦ Tsy misy atahorana ny fielezan'ny andiam-balala any amin'ny Faritra atsimon'ny nosy hoy ny ao amin'ny ministeran'ny fambolena sy ny fahaleovan-tena ara-tsakafo. Voafendraka fanafody avokoa ny roa ampahatelon'ny velaran-tany nisy andiam-balala... ♦ Nahazo chapelle vaovao ny Fonjan'Ambalatavoahangy ao Toamasina...

Lohahevitra : Vaovao

♦ Tsipahan'ireo tanora eny amin'ny toby Ankamasoa ny vaovao naparitaka tamin'ny tambazotra sôsialy fa manafina olona karohan'ny mpitandro filaminana i Mompera Pédro Opéka. Nametraka fitoriana eny amin'ny Sampana misahana ny heloka an'habaka izy ireo... ♦ Mitohy hatrany ny tolona mandra-pahatanteraky ny fitakiana nandritry ny fidinana teny an-kianja tamin'ny taon-dasa hoy ireo tanora ao amin'ny Gen-Z, tonga teny Ambohijatovo ny sabotsy teo... ♦ Hankalaza ny faha-50 taona nijoroany ny Sampam-piofanana manofana ho Injeniera momba ny harena ankibon'ny tany eny Vontovorona, hatomboka amin'ny zoma izao...

Sous-catégories

Malagasy

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...