Lohahevitra : Fankalazana ny Paka
Voadika amin'ny fiteny :  Français (France)   English (United Kingdom) 

Vakiteny voalohany

Boky mitantara ny Asan’ny Apôstôly (Asa 13, 14. 43-52)

Indro hankany amin’ny Jentily izahay.

Tamin’izany andro izany, i Paoly sy i Barnabe dia niala tany Perja,
ka tonga tany Antiôkia any Pisidia;
ary niditra tao amin’ny Sinagôga izy tamin’ny andro sabata, ka nipetraka teo.
Rehefa nirava ny fiangonana,
dia betsaka ny Jody sy ny prôzelita nanompo an’Andriamanitra,
no nanaraka an’i Paoly sy i Barnabe, ary izy roa lahy kosa,
niresaka tamin’izy ireo sy namporisika azy haharitra amin’ny fahasoavan’Andriamanitra.
Tamin’ny sabata manaraka,
dia saika tafangona nihaino ny tenin’Andriamanitra avokoa ny tao an-tanàna rehetra.
Fa feno fialonana ny Jody nony nahita izany vahoaka be izany,
ka sady nanohitra ny teny nolazain’i Paoly no nanevateva azy.
Tamin’izay i Paoly sy i Barnabe dia niteny tamin-kasahiana hoe:

“Ianareo no tsy maintsy nitoriana ny tenin’Andriamanitra voalohany indrindra,
nefa noho ianareo mandà Azy sy manao ny tenanareo ho tsy mendrika ny fiainana mandrakizay,
dia indro hankany amin’ny Jentily izahay.
Fa toy izao no nandidian’ny Tompo anay:
Efa natsangako ho fahazavan’ny Jentily ianao,
mba hitondra famonjena hatramin’ny fara vazan-tany”.

Faly ny Jentily nony nandre izany ka nankalaza ny tenin’ny Tompo,
ary nino avokoa izay rehetra voalahatra ho amin’ny fiainana mandrakizay.
Dia niely eran’izany tany izany ny tenin’ny Tompo.
Nefa notarihin’ny Jody ny vehivavy tia vavaka sy ambony toetra, mbamin’ny loholona tao an-tanàna,
ka nampanenjika an’i Paoly sy i Barnabe, sy nandroaka azy hiala amin’ny taniny.
Tamin’izay, izy roa lahy nanintsana ny vovoka tamin’ny tongony hiampanga an’ireo,
dia lasa nankany Ikôniôma;
ary ny mpianatra kosa, feno hafaliana sy Fanahy Masina.

— Izany àry ny tenin’ny Tompo.

Salamo fandinihana

Sal. 99, 2. 3. 5

Isika vahoakany sy ondry eo an-tanany.

Hobio ny Tompo, ry tany tontolo,
tompoy an-kafaliana ny Tompo;
tongava anoloany amin-karavoana,
ekeo fa ny Tompo no Andriamanitra.

Izy no nanao ka Azy isika,
vahoaka sy ondry eo an-tanany.
Idiro amin-tsaotra ny vavahadiny,
idiro amin-dera ireo kianjany.
Derao Izy, isaory ny Anarany.

Vakiteny faharoa

Boky Fanambaràna nosoratan’i Masindahy Joany Apôstôly (Apôk. 7, 9. 14b-17)

Ny Zanak’ondry Izay manjaka no hitondra azy ho amin’ny loharanon’aina.

Izaho, Joany, nahita vahoaka be tsy azon’olona isaina, avy amin’ny firenena rehetra,
sy ny fokom-pirenena ary ny fanjakana mbamin’ny samihafa fiteny rehetra,
nitsangana teo anoloan’ny seza fiandrianana sy ny Zanak’ondry,
miakanjo fotsy sy mitana sampan-drofia.
Ary hoy ny iray tamin’ireo Anti-dahy tamiko:

“Ireo no avy tamin’ny fampijaliana lehibe,
nanasa sy nampadio ny akanjony tamin’ny Ran’ny Zanak’ondry.
Koa indreo izy eo anoloan’ny seza fiandrianan’Andriamanitra,
manompo Azy andro aman’alina ao an-Tempoliny,
ary hamponenin’Ilay mipetraka eo amin’ny seza fiandrianana ao an-tranony.
Tsy ho noana na hangetaheta intsony ireo,
ary tsy hampaninona azy na hainandro na zava-mandoro hafa.
Fa ny Zanak’ondry, Izay mipetraka eo afovoan’ny seza fiandrianana,
no ho Mpiandry azy, sy hitondra azy amin’ny loharanon’aina,
ary Andriamanitra no hamaoka ny ranomaso rehetra amin’ny masony”.

— Izany àry ny tenin’ny Tompo.

Evanjely

Aleloia. Aleloia.

Izaho no Mpiandry ondry tsara, hoy ny Tompo, sady mahalala ny ondriko Aho no fantany koa.

Aleloia.

Evanjely Masina nosoratan’i Masindahy Joany (Jo. 10, 27-30)

Homeko ny fiainana mandrakizay ny ondriko.

Tamin’izany andro izany i Jesoa
niteny tamin’ny vahoaka Jody nanao hoe:

“Izaho no Mpiandry ondry tsara”.

Ary dia niteny koa Izy nanao hoe:

“Ny ondriko mihaino ny feoko, Izaho mahalala azy, ary izy manaraka Ahy,
omeko ny fiainana mandrakizay izy, ka tsy ho very na oviana na oviana,
ary tsy hisy haharombaka azy eo an-tanako.
Ny Raiko Izay nanome an’ireo dia lehibe noho izao rehetra izao,
ka tsy misy maharombaka, eo an-tanan’ny Ray.
Izaho sy ny Ray dia iray ihany”.

— Izany àry ny tenin’ny Tompo.

Lohahevitra : Filira

Maro ireo toerana eto anivon-tany no tsy fantatra firy ny tantarany, misy anefa ireo izay tsara ho fantatra. Ny tanàna Andranoro sy Ampasanimalo dia misy resaka fitiavana teo amin'olona roa nifankatia no niaviany. Andranoro dia nisy an'i Andriabodolova, izay taranaka vazimba, nahita sy nanambady zazavavindrano natao hoe Ranoro ; nametraka fepetra ny tsy hanononana "sira" io Ranoro io, anefa tsy voatandrin'i Andriabodolova izany ka lasa nody any anaty rano niaraka tamin'ny zanany i Ranoro. Ambohimanga dia vohitra iray nantsoina hoe Mahandriony mialohan'ny nanomezana any ny anarana Ambohimanga...

Lohahevitra : Approfondissement de la foi

♦ Tsy ho sakana intsony amin'ny fampandrosoana ny kolikoly sy ny tsimatimanota, amin'ny fisian'ny paik'adim-pirenena iadiana amin'ny kolikoly, hoy ny filoha vaovaon'ny CSI, omaly... ♦ Hasiam-panarenana ny toby famatsian-dranon'i Mandroseza. Hisy ny tetik'asa momba izany, hampahafantarina mandritra ny Herinandrom-pirenena momba ny rano, hoy ny Ministra mpiahy... ♦ Tsara ny vokatra azon'ny Makis Lehilehy eo amin'ny "Rugby à 7" tamin'ilay fifaninana "World Cup Challenger Series" tany Pologne. Nigadona an-tanindrazana ireo mpilalao, notsenaina tamin'ny fomba miavaka, omaly tolak'andro...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Eo amin'ny tantaram-pamonjena dia Izy Andriamanitra mihitsy no manao dingana voalohany mba hanatonana antsika olombelona ; araka izay voalaza hoe : Fa izay matahotra azy sy manao ny marina dia nankasitrahany, na aiza na aiza firenena misy azy (Asa 10, 35). Any amin'ny Testamenta Taloha dia nifidy ny vahoaka Israely Andriamanitra mba ho vahoakany... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Vaovao

• Hifantoka betsaka amin'ny fanatanterahana ny paikadim-pirenena iadiana amin'ny kolikoly taona 2025–2030, ny asa hotanterahan'ny Filoha vaovaon'ny CSI, izay vao nandray ny asany androany... • Tokana ihany ny SPSM, dia ireo lany ara-dalana tamin'ny fifidianana, hoy ireo Birao mpikambana androany... • Mitodika amin'ireo tanora mpandraharaha eto Afrika ny fifaninanana “Prix Pierre Catel”...

Lohahevitra : Miara-dalana

• Tanora miisa 460 avy amin'ny Paroasy Katedraly Morombe sy ny Distrika Avaradrova no nanatanteraka ny fivahiniana masina nandritra ny telo andro tany Akilivalo Ankida... • Hiatrika lasy fiofanana ny 22 hatramin'ny 26 avrily ny Fanilon'i Madagasikara... • Manentana antsika hiaina ao anatin'ny fahanginana, amin'izao herinandro masina izao, ny Papa François...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

26 avrily 2025 — Sabotsy amin'ny Havaloan'ny Paka — Ity no andro nataon’ny Tompo, ka mifalia sy miravoa isika — Evanjely Masina nosoratan’i Masindahy Marka (Mk. 16, 9-15)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

25 avrily 2025 — Zoma amin'ny Havaloan'ny Paka — Ity no andro nataon’ny Tompo, ka mifalia sy miravoa isika — Evanjely Masina nosoratan’i Masindahy Joany (Jo. 21, 1-14)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

24 avrily 2025 — Alakamisy amin'ny Havaloan'ny Paka— Ity no andro nataon’ny Tompo, ka mifalia sy miravoa isika — Evanjely Masina nosoratan’i Masindahy Lioka (Lk. 24, 35-48)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

23 avrily 2025 — Alarobia amin'ny Havaloan'ny Paka — Ity no andro nataon’ny Tompo, ka mifalia sy miravoa isika — Evanjely Masina nosoratan’i Masindahy Lioka (Lk. 24, 13-35)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

22 avrily 2025 — Talata amin'ny Havaloan'ny Paka — Ity no andro nataon’ny Tompo, ka mifalia sy miravoa isika — Evanjely Masina nosoratan’i Masindahy Joany (Jo. 20, 11-18)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

21 avrily 2025 — Alatsinainy amin'ny Havaloan'ny Paka — Ity no andro nataon’ny Tompo, ka mifalia sy miravoa isika — Evanjely Masina nosoratan’i Masindahy Matio (Mt. 28, 8-15)

Sous-catégories

Malagasy

[Miara-dàlana] Alatsinainy 21 jolay 2025

• Notontosaina omaly ny fanaovam-beloma farany an'i Mompera Rakotosamimanana Nicolas, pretran'ny Diosezin'i Mahajanga, nodimandry teo amin'ny faha-58 taonany... •“Discernement spirituel pour le développement intégral”, izay no lohahevitra nanamarihana ny “Journée des Cadres Chrétiens”, teto amin'ny Diosezin'Antananarivo... • Fanentanana ny kristianina hiaro, hizara ary hiaina ny finoana, no nataon'i Mgr Jean de Dieu Raoelison, nandritra ny fankalazana ny ivon'ny faha-100 taonan'ny EKAR Masindahy François Xavier Antanimena...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...