Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Hatao eto Antananarivo ny Fihaonambe Nasiônalin'ny Ankizy andiany faha-3 na JNE Mada-III, manomboka ny 26 jolay hatramin'ny 30 jolay 2023. Tsy maintsy hamafisina ny fanomanana. Mifanindry ny fotoana hanatanterahana ny JNE sy ny vaksiny faobe ka izay no ilana ny fanentanana. Fandaharana "miaina sy mitia" iarahana amin'ny Ivon-terana Arrupe Madagasikara.

Lohahevitra : Vaovao

♦ Nosokafana omaly ny fihaonambe fanaon'ny Fikambanana Salezianin'i Don Bosco isan-taona. Nanombohana ny fotoana ny fandalinana manokana ny sinaodin'ny eveka momba ny " mba ho Eglizy miara-dia " notarihan'ny Eveka Mpanampy eto Antananarivo, Mgr Jean Pascal Andriantsoavina... ♦ Nihaona tamin'ny filoha lefitry ny banky iraisam-pirenena ho an'ny faritra atsinanana sy atsimon'i Afrika tany Washington-Etazonia ny Ministry ny Toe-karena sy ny fitantanam-bola Malagasy. Ho tohizana ny dina ara-toe-karena vitantsika hoy Ramatoa Kwakwa Victoria... ♦ Tsy mbola midina ny vidim-bary eny an-tsena na efa anatin'ny fararano aza. Tafakatra 4.100Ar/kg amin'ny vary mkalioka sy ny vary mena...

Lohahevitra : Vaovao

♦ Tsy mbola midina mihitsy ny vidin'ny vary vokarina eto an-toerana, na dia efa ao anatin'ny vanim-potoanan'ny fararano aza isika. Misy tafakatra hatramin'ny 4.100 Ariary ohatra ny kilaon'ny vary mena sy ny makalioka eto Antananarivo... ♦ Hanohana antsika amin'ny tetik'asa hanatsaràna ny fomba fiasa eo anivon'ny fadintseranana i Korea-atsimo, hanafainganana ny famoahana entana. Vola maherin'ny 5 tapitrisa dôlara no enti-manana amin'izany... ♦ Mitombo ny isan'ireo vehivavy voan'ny homamiadan'ny vozon'ny tranon-jaza eto Madagasikara. Miisa 44 isaky ny 100.000 no tratran'izany, noho ny tsy fanaovana fitiliana, hoy ny fikambanana tsy miankina "Douleur sans frontière"...

Lohahevitra : Vaovao

♦ Ho tanterahina amin'ny taona ho avy ny fihaonambem-paritra hiarahan'ireo Faritra 23 eto Madagasikara sy ireo Faritra ary departemantan'ny Frantsay miisa 10... ♦ Manodidina ny 777 miliara Ariary ny vola very, tokony niditra tao amin'ny kitapom-bolam-panjakana, tamin'ny fivarotana volamena tany ivelany, teo anelanelan'ny 2018-2021... ♦ Saron'ny mpiasan'ny fadin-tseranana, afakomaly tany Toliary ny basy miisa 10 sy bala maro, voalaza ho tsy ara-dalàna, tany amin'ny seranam-piaramanidina Toliary ; efa mandeha ny fanadihadiana...

Lohahevitra : Vaovao

♦ Ny 70,80% amin'ny mpifidy voasoratra anarana ankehitriny no voadio. Mbola manana hatramin'ny 31 mey izao ny olom-pirenena, hanatonana indray ny eny anivon'ny Fokontany, hanamarinany ny anarany... ♦ Niantso ny mpitondra Fanjakana hanaja ny fahafahan'ny rehetra maneho hevitra ny antoko Malagasy Miara-Miainga... ♦ Arindra sy hamafisina ny fiaraha-miasan'ny miaramila, ny pôlisy ary ny zandary, hametrahana fandriam-pahalemana eto amin'ny firenena, hiatrehan'ny Malagasy ny fifidianana am-pitoniana... ♦ Farafahakeliny 50 isa ny olona maty tany Birmanie omaly, vokatry ny daroka baomba nataon'ny mpioko izay eo amin'ny fitondrana ankehitriny...

Lohahevitra : Vaovao

♦ Nahitana anarana miverimberina maherin'ny 379.000, tao aorian'ny fanadiovana ny lisitry ny mpifidy, azo tamin'ny fanavaozana faobe nataon'ny CENI. Maherin'ny 9.623.000 ireo voasoratra anarana ao anatin'ny lisitra nifarana vonjimaika androany... ♦ Niantso ny fanjakana hanaja ny fahafahana maneho hevitra, ny antoko MMM. Voafaritra tsara ao anatin'ny Lalam-panorenana napetraky ny Filoha ankehitriny mantsy izany, hoy ny MMM... ♦ Hamafisina sy hatsaraina ireo ezaka efa natao amin'ny fitandroana ny filaminana sy ny fandriam-pahalemana eto amin'ny firenena. Nivoitra izany nandritra ny dinika niarahan'ny Minisitra telo misahana ny fiarovana sy ny fitandroana ny fandriam-pahalemana, eo anivon'ny Governemanta...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ny atao hoe zava-mahadomelina : zavatra hampidirina amin'ny vatana ary manakorontana ny asa voanjanaharin'ny taova ao anaty, ary mety mahafaty ihany koa, na ihany koa atao hoe poizina. Ny zava-mahadomelina dia manova ny fomba fandinihana sy ny fomba fandraisana ny zava-misy, ary ny fitadidiana. Ny zava-mahadomelina dia mitarika fiankinan-doha. Ny kafe dia tsy ao anatin'ny sokajin'ny zava-madomelina satria tsy manova ny fomba fandinihana zavatra iray. Fandaharana "amperala miary" tontosaina eto amin'ny radio Don Bosco...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ny zava-mahadomelina dia tsy ambana ho an'ny fahasalamam-bahoaka intsony fa efa loza mihatra mihitsy. Ny ady amin'ny fandraisana zava-mahadomelina dia fisorohana ho an'ireo mbola tsy tafiditra ary ihany koa fitsaboana ireo efa mpandray. Manimba ny fahasalamana sy mampitotongana ny fiainan'ny olona iray ny fandraisana zava-mahadomelina. Ny ady amin'ny zava-mahadomelina dia miainga amin'ny fianakaviana mimpaka eny amin'ny sekoly, ny fikambanana, ny fiangonana, ary ny fiaraha-monina, indrindra ny eny amin'ny arabe. Fandaharana "amperala miary" tontosaina eto amin'ny radio Don Bosco...

Lohahevitra : Vaovao

♦ Niatrika ny fetin'ny Paka tao anatin'ny filaminana tamin'ny ankapobeny ny Malagasy tamin'ity taona ity. Misy ny fintina sy akon'ireo tranga samihafa nisongadina, nandritra ity fety ity... ♦ Tsy misy tena antony handraràn'ny fotondrana ny hetsika pôlitika ankalamanjana, izao mialohan'ny fifidianana izao, hoy ny antoko Fiombonana. Nambaran'ny antoko fa natao hikendrena manokana ireo mety ho kandidà no tanjon'ny fanapahan-kevitry ny Ministry ny Atitany amin'izany... ♦ Olona  400.000 isa no nisitraka fizaham-pahasalamana maimaim-poana tamin'ny fandaharan'asa fahasalamana manakaiky vahoaka, notanterahin'ny Ministeran'ny fahasalamam-bahoaka. Tobim-pahasalamana 2.000 isa mahery no nomena fampitaovana tao anatin'ny 5 taona...

Lohahevitra : Vaovao

♦ Manatanteraka fivahinianana Masina any Jerosalema ny Filohan'ny Repoblika Andry Rajoelina sy ny ankohonany. Hihaona amin'ny Filoha Israeliana ihany koa izy mandritra izao diany any izao... ♦ Atahorana ny fihenjanan'ny toe-draharaha politika ato ho ato eto Madagasikara hoy ny prefet an'Antananarivo Ny jeneraly Ravelonarivo Angelo. Antony nandraisan'ny Fanjakàna fepetra tsy hitaran'izany... ♦ Basket ball, hanoman-tena hiatrehana ny fiadiana ny amboara eran-tany hatao any Hongrie amin'ity taona ity ny ekipam-pirenena Ankoay lehilahy latsaky ny 19 taona. Hihazo an'i La-Frantsa rahampitso ny delegasiôna malagasy...

Lohahevitra : Vaovao

♦ Miantso ny mpanao politika hanaja ny fitoniana amin'izao ankatoky ny Paka izao ny vovonana "Isika Fikambanana Miaradia amin'i Andry Rajoelina" na ny IFI. Tsy nisy ny fahanginana ara-politika tamin'ity taona ity hoy ny antoko Fiombonana noho ny fanapahan-kevitry ny Fanjakàna ihany... ♦ Nomarihana omaly ny andro eran-tany ho an'ny fahasalamana. Miantso ny mpamokatra hamokatra sakafo ara-pahasalamana ny fikambanana Malagasy Ela Velona na ny "Maeva"... ♦ Natolotra ny Ministry ny Fambolena sy ny Fiompiana Ramilison Harifidy teny Anosy, omaly ny masomboly fototra ahafahana mamokatra ny katsaka safiotra eto Madagasikara...

Lohahevitra : Vaovao

♦ Miandrandra ny hitohizan'ny fifampidinihina eo amin'ireo mpisehatra pôlitika, ny fiarahamonim-pirenena ASD... ♦ Nametraka paikady hanafainganana ny raharaham-pitsarana ady tany, ny Minisitry ny Fitsarana, Ramanantenasoa Landy Mbolatiana... ♦ Hankalaza ny faha-80 taona nijoroany amin'ity taona ity, ny Kôlejy Monseigneur Ramarosandratana, any Miarinarivo, Faritra Itasy...

Sous-catégories

Malagasy

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...