Lohahevitra : Filira

Ny hoe "velon-dray aman-dreny" dia ireo manana ray sy reny, samy mbola velona na misara-toerana aza. Ara-tantara dia hatramin'ny nanjakan'Andriamanelo, nandalo tamin'ny fitondran'Andriamasinavalona ary hatramin'ny nanjakan'Andrianampoinimerina, no nisy sy nanana ny lanjany ary ny voninahiny ombana hasina ny "velon-dray aman-dreny"...

Lohahevitra : Vaovao

♦ Higadona eto Madagasikara rahampitso ireo mpilalao sy ny delegasiôn'ny Barea. Hisy ny fitsenana makotroka azy ireo ety Ivato mandram-pahatonga any Mahamasina, hoy ny fampitam-baovaon'ny Ministeran'ny tanora sy ny fanatanjahan-tena... ♦ Mbola tsy voafaritra na hotanterahina amin'ity taona ity na tsia ny fifidianana Ben'ny tanàna, noho izy mifanindry amin'ny fifidianana Filoham-pirenena. Milaza ny tsy mahatapaka samy irery ny CENI, raha ny fanazavàn'ny filohany omaly... ♦ Manaitra ny Fanjakàna foibe ny mponina avy amin'ny Kaominina Maromby, Distrikan'Amboasary-atsimo amin'ny afitsok'ireo Zandary anatin'ny CSAO izay mampandry tany any an-toerana, eto an-drenivohitra ny solonten'ny mponina nampahafantatra ny zava-misy...

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Ny 04 febroary no andro maneran-tany ho an'ny ady amin'ny homamiadana. Ny loha-hevitra amin'ity taona ity dia : "Ho fandraisana an-tanana mitovy, dia hatambatsika ny hery hiadiana amin'ny homamiadana". Ny homamiadana dia aretina vokatry ny fianaky ny sela izay lasa tsy ara-dalàna sy mitombo be loatra. Ny faritra rehetra amin'ny vatan'olombelona dia mety ho voan'ny homamiadana daholo, fa ny mateti-pitranga dia ny homamiadan'ny nono sy ny vozon'ny tranon-jaza ary ny "prostate". Fambara : Fivontosana, mihareraka, fanaintainana, mandeha ra ; tsy misy afatsy ny fanaovana fitiliana anefa no hamantarana ny tena zava-misy. Fandaharana "andriano ny fahasalamana" iarahana amin'ny Radio Don Bosco.

Lohahevitra : Vaovao

♦ Laharana fahatelo ny Barean'i Madagasikara tamin'ny fandraisana anjara voalohany tamin'ny CHAN. Resin'ny ekipam-pirenena malagasy tamin'ny isa iray noho aotra, alina, i Niger tamin'ny lalao fiadian-daharana fahatelo amin'ny CHAN 2023... ♦ Nanome toky ny eo anivon'ny CENI omaly fa tsy maintsy hisy ny fifidianana amin'ity taona 2023 ity. Mbola manana hatramin'ny faha-10 jona izao ny olom-pirenena tsy voasoratra hampiditra ny anarany anatin'ny lisitry ny mpifidy... ♦ Nandray ny asa tamin'ny fomba ôfiisialy ny Governora vaovaon'ny Banky Foiben'i Madagasikara. Laharanam-pahamehana, hoy izy ny fijerena akaiky ny sandan'ny vola Ariary...

Lohahevitra : Vaovao

♦ Tsy maintsy hisy ny fifidianana amin'ity taona 2023 ity, raha ny nambaran'ny teo anivon'ny CENI, androany... ♦ Noraisin'ireo mpitsara teo anivon'ny Fitsarana Antampony, androany, sy nanoloana ny Filohan'ny Repoblika, ny fianihanan'Andriamatoa Aivo Handritiana Andrianarivelo, Filoha vaovaon'ny Banky Foiben'i Madagasikara... ♦ Miisa 1902 ny trano mora efa vitan'ny fitondram-panjakana amin'ireo 40000 nokasaina haorina. Nosarihana androany, ireo olona hisitraka ny any Imerintsiatosika...

Lohahevitra : Vaovao

♦ Niroso tamin'ny fanamabram-panana teny amin'ny Bianco androany, ireo tompon'andraikitra ambony, eo anivon'ny fandraharahana ny fonja... ♦ Tafakatra ho 1300 Ariary ankehitriny, ny iray kapoaka amin'ny vary, any amin'ny Kaominina Ampasinambo, Ditrikan'Ifanadiana... ♦ Tsy maintsy hisy ny fifidianana amin'ity taona ity, hoy ny CENI. Hikatona tanteraka amin'ny 10 jona 2023, ny lisitry ny mpifidy...

Lohahevitra : Miara-dalana

♦ Nankahery ny fianakaviam-be saleziana amin'ny fanaovana ho laharam-pahamehana ny fanabeazana ny tanora, ny Arsevekan'Antananarivo, Mgr Odon Marie Arsène Razanakolona, tamin'ny fankalazana ny fetin'i Masindahy Joany Bosco, ny talata 31 janoary 2023... ♦ Feno 25 taona katroka tamin'ny 31 janoary 2023 ny Radio Tsiry ao Fianarantsoa... ♦ Nanomboka ny 31 janoary 2023 ny fitsidihana apôstôlika faha-40 ataon'ny Papa François...

Lohahevitra : Vaovao

♦ Nitokona noho ny olan'ny famatsiana rano efa naharitra dimy volana, ny mpianatra teny Ankatso... ♦ Nanao hetsika fanairana teny Antaninarenina vokatry ny tsy nandraisany ny volany, efa ho telo volana, ireo mpandraharaha mpamatsy entana sy fitaovana ny minisitera sy ny sampan-draharaham-panjakana... ♦ Mangataka ny hamerenana ny fanadihadiana ireo efa-dahy voasaringotra tamin'ny halatra varira tao Amboasary Atsimo, ny fikambanana Albinos Madagascar...

Lohahevitra : Vaovao

♦ Telo volana tsy nandray vola ireo mpamatsy entana sy fitaovana ny minisitera sy ny sampan-draharaham-panjakana isan-tsokajiny. Nanao hetsika fanairana izy ireo androany, rehefa nilazana fa tsy misy vola ny fanjakana fa ny karaman'ny mpiasa no laharam-pahamehana... ♦ Mitaraina ireo mpitatitra entana amin'ny RN-6, fa misy fakana vola atao amin'ny mpamily fiarabe, vao afaka miampita ilay fivilian-dalana alohan'Antsohihy... ♦ Nitokona ireo mpianatra mipetraka eny amin'ny tranon'ny Oniversite eny Ankatso, noho ny fahatapahan'ny famatsian-drano amin'ny trano fonenana, efa dimy volana mahery izao...

Lohahevitra : Hirika
Voadika amin'ny fiteny :  Français (France)   English (United Kingdom) 

Nanao tombana momba ny fampiharana ny drafitra itantanana ny ivon-toeram-panofanana na ny "projet d'établissement tamin'ireo ivon-toerana nanaovana andrana, ny tambazotran'ny ivon-toerana manofana momba ny asa famokarana eny ambanivohitra na ny tambazotra FARMADA. Atrik'asa nataon teny Antaninarenina ny faha-20 janoary 2023...

Lohahevitra : Vaovao

♦ Manapa-kevitra arak'izay tiany amin'ny fitantanan-draharaham-panjakàna ny Filoham-pirenena hoy ny Ministra teo aloha ny jeneraly Tsaranazy Jean Emile. Tokony hajaina ny lalàna mifehy ny fitantanam-bolam-panjakàna manoloana ny hanajanonana ny fanaovana foto-drafitr'asa amin'ity taona ity... ♦ Manomana ireo ekipa mandrafitra azy hiatrika ny fanaraha-maso ny fifidianana amin'ity taona ity ny ivon-toerana SAFIDY. Manao ny atrik'asa fiofanana momba ny fifidianana tanterahana eto Antananarivo izy ireo... ♦ Hijoro afaka volana vitsy ny orinasa mpamokatra zezika NPK eto Madagasikara. Zezika 36.000 taonina isan-taona no hovokariny...

Lohahevitra : Vaovao

♦ Mamonjy tsikelikely ny tokantranony ireo traboina amin'ny Faritra maro eto amin'ny nosy vokatry ny fandalovan'ny rivo-doza teto amintsika. Mihena ny isan'ireo ivon-toerana vonjy maika nandraisana azy ireny... ♦ Tsy laharam-pahamehana amin'ny Fanjakàna intsony ny famahana ny olana sedrain'ny mpampianatra mpikaroka sy ny mpikaroka mpampianatra hoy ny SECES. Manomana paik'ady vaovao hanohizana ny fitakiana izy ireo... ♦ Nisedra fahasahiranana ny mpisehatra rehetra tamin'ny fanatanterahana ny fanoratana anarana nitetezana tokantrano nandritra ny fanavaozana tanteraka ny lisitry ny mpifidy nifarana ny 31 janoary teo hoy ny ivon-toerana SAFIDY...

Sous-catégories

Malagasy

Hafatra avy amin'ny Eveka eto am-pamaranana ny Fivahiniana Masina

Ry kristianina havana tafavory marobe eto amin’izao Pelerinazy nasionaly izao sy ianareo maraca izany any an-trano amin’ny haino aman-jery. Velom-pankasitrahana anareo rehetra izahay Evekan’I Madagasikara, Raiamandreninareo, amin’izao havoriana maro be namalianareo ny antso avy aminay sy ny fiainanareo ny aim-panahy jobily natoron’I Papa Fransoa izao. Miaraka aminareo izahay mbola mamerina ny tononkiran’I Maria hoe “mankalaza ny Tompo ny Fanahiko” sy ny hoe “inona no havaliko ny Tompo fa maro dia maro ny soa nataony?”....

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...