Lohahevitra : Vaovao

♦ Olona miisa 7 no namoy ny ainy, vokatry ny rivo-doza Cheneso, ary olona 13 isa no tsy hita popoka, raha ny tatitra navoakan'ny BNGRC, omaly tamin'ny 8 ora alina... ♦ 200 taona ny fadin-tseranana Malagasy. Homarihina miaraka amin'ny andro iraisam-pirenena ho an'ny fadin-tseranana izany rahampitso alakamisy 26 janoary 2023... ♦ Vita ihany ny fifidianana izay ho mpikamban'ny filan-kevim-pitantanan'ny OMDA, ho an'ny mpanakanto amin'ny mozika. Nialohavana savorovoro teo amin'ireo mpanakanto izany...

Lohahevitra : Vaovao

♦ Nitombo hery ka lasa rivodoza indray i Cheneso androany, tany amin'ny 180km, andrefana somary avaratra andrefan'i Morondava no nisy ny foibeny tamin'ny 3 ora tolakandro teo... ♦ Miabo ny vokatra azo tamin'ny fandaharan'asa Formaprod, raha ny isan'ny tanora voaofana. Nizara ny zava-bita nandritra ny 10 taona niasany ity fandaharan'asa ity... ♦ Nidina an-dalambe, nilanja sora-baventy mitaky ny fialan'ny Minisitry ny Kolontsaina sy ny Serasera, niainga teny Mahamasina hatreny Ampefiloha, i Rossy sy ny mpiara-dia aminy...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Manana adidy hanabe sy hanomana ny zanaka mba hatratra ny tanjona kasainy, ny mpivady. Mila mihomana mialoha ny mpivady, izany hoe mandalo fifampidinihana vao tokony hiroso amin'ny fiterahana. Misy akony amin'ny fitaizana ilay zanaka ny antony hiterahana : Faniriana, na noho ny tosiky ny fiaraha-monina. Fandaharana "ampela miary" tontosaina eto amin'ny radio Don Bosco.

Lohahevitra : Vaovao

♦ Niverina ho rivo-doza indray i Cheneso rehefa nitombo hery. tsy ahiana anefa ny hiverenany an-tanety... ♦ Tsy mitsabaka amin'ny fifidianana izay hatao eto Madagasikara i Frantsa. Safidin'ny Malagasy irery ihany ny hametraka izay ho filoha tiany hitantana ny fireneny, hoy ny masoivoho Frantsay... ♦ Mbola maro amin'ireo mpampianatra eny amin'ny Lycée Nanisana no tsy miverina miasa fa miandry ny fandraisany ny vacation BEPC... ♦ Nankatoavin'ny tahirim-bola iraisam-pirenena na ny FMI ny hanomezana fanampiana ara-bola maika 105 tapitrisa Dôlara ho an'i Haïti...

Lohahevitra : Vaovao

♦ Tafakatra any amin'ny ampahaefa-dalana eo amin'ny Chan ny Barean'i Madagasikara. Resin'ny Barea 3-0 i Soudan, alina... ♦ Hiaka-dapa eny amin'ny lapan'ny kolontsaina sy ny fanatanjahantena anio ny disadisa misy eo amin'ireo samy mpanakanto momba ny OMDA... ♦ Miato amin'ny ampahany vokatry ny toetry ny andro ny fampianarana araka ny toromariky ny ministeran'ny fanabeazam-pirenena... ♦ Ho feno herintaona amin'ity herinandro ity ny fananiham-bohitra ataon'i Rosia any Ukraine...

Lohahevitra : Vaovao

♦ Nivoaka an-dranomasina androany, tao amin'ny tananan'i Morondava, ny sisan-drahona miaraka amin'i Chenso. Hahazo hery indray izy afaka 24 ora, ka mety ho lasa rivodoza... ♦ Miato amin'ny ampahany ny fampianarana ao amin'ny Cisco Antananarivo Renivohitra, noho ny toetrandro... ♦ Fanalahidin'ny fampandrosoana ny fametrahana ny fitsinjaram-pahefana, hoy ny antoko MMM...

Lohahevitra : Miara-dalana

♦ Tontosa omaly ny fankalazana ny fetin'ny Seminera Zandriny Ambohipo, sady nanolorana ihany koa ny solom-pen'akoho ho an'ireo seminarista teny an-toerana... ♦ Fanehoana kanto ara-panahy sy famelabelaran-kevitra no nampiavaka ny fankalazana ny Andron'ny Tenin'Andriamanitra, tamin'ny sabotsy 21 janoary 2023, nanoloana ny Librairie Saint Paul Analakely... ♦ Nanatontosa ny fitsidihana pastôraly tao amin'ny Diôsezin'Ambanja, tao amin'ny Fiangonana Masindahy Pierre sy Paul, Nosibe Hellville, i Mgr Donatien Francis Randriamalala, tao aorian'ny fanamasinana azy ny 15 janoary 2023...

Lohahevitra : Filira

Tsy mitovy ny atao hoe "valy tanana" sy ny "atero ka alao" : iry voalohany dia hita matetika amin'ny lafiny arak'asa hamitàna asa iombonana hifamaliana ; itsy faharoa kosa dia fanehoana fifankatiavana sy fifanankalozana amin'ny alalan'ny fifamaliana fitia amin'ny alalan'ny tolotra izay mety ho zavatra, vola na fitia sy fifanampiana. Ny hoe "atero ka alao" dia mihevitra filaza mandidy, mandrisika ny olona hifanampy. Ny "atero ka alao" dia hifanaovana na an-kasoavana na an-karatsiana. Amin'izao fotoana dia mifono fifampitokisana izany satria mihitatra amin'ny fifanomezana vola na zavatra...

Lohahevitra : Vaovao

♦ Fandalovan'ny andro ratsy eto amintsika, 400 mahery ny fianakaviana traboina tsy maintsy nafindra toerana any Mahajanga. Maro ny foto-drafitr'asa nahitana fahasimbana ao amin'ny Distrikan'i Moramanga... ♦ Nanazava ny mpahay toe-karena Ravelomahazo Rivellinot fa vokatry ny ady ao Ukraine ny fitotonganan'ny Ariary mitaha amin'ny vola vahiny... ♦ Hiaka-tsehana amin'ny lalao amin'ny fiadiana ny tompo-dakan'i Afrika tsy misy mpila ravinahitra any ivelany na ny CHAN hatao any Algeria anio ny Barean'i Madagasikara. Hihaona amin'ny ekipam-pirenena Soudanai ny Malagasy anio alina... ♦ Miantso fandriam-pahalemana any Birmanie i Papa François omaly ary miantso fitoniana manoloana ny toe-draharaha politika any Perou...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Sôfônia Mpaminany (Sôf. 2, 3 ; 3, 12-13)

Havelako eo aminao ny vahoaka ambany sy manetry tena.

Mitadiava ny Tompo,
ianareo manetry tena rehetra amin’ny tany,
izay efa nanaraka ny lalàny;
katsaho ny fahamarinana, katsaho ny fanetren-tena.
Ho tafaaloka angamba ianareo
amin’ny andron’ny fahatezeran’ny Tompo!
Havelako eo aminao ny vahoaka ambany sy manetry tena anankiray
izay hatoky ny Anaran’ny Tompo.
Ny sisa amin’i Israely dia tsy hanao ny tsy marina, na hilaza lainga,
ary tsy hahitana eo am-bavany intsony izay lela mandainga.
Fa hihinana sy handry feizay izy ireo,
ary tsy hisy olona hanaitaitra azy.

— Izany àry ny tenin’ny Tompo.

Salamo fandinihana

Salamo (Sal. 145, 7. 8-9a. 9bd-10)

Sambatra ny mahantra am-panahy, fa azy ny Fanjakan’ny lanitra.

Ilay mitandrina mandrakizay ny fahamarinana
sy manome rariny izay ampahoriana.
Ilay manome sakafo ny noana,
no Tompo mamaha ny mpifatotra,

Tompo mampahiratra ny jamba,
Tompo mampitràka ny miondrika,
Tompo mpiaro ny vahiny,
tohan’ny kamboty sy ny tokan-tena.

Tompo tia ny olo-marina,
fa ny olon-dratsy aviliviliny.
Manjaka ny Tompo amin’ny taona mifandimby,
ilay Andriamanitrao, ry Siôna, mandrakizay!

Vakiteny faharoa

Taratasy voalohan’i Masindahy Paoly Apôstôly ho an’ny kristianina tany Kôrinty (1 Kôr. 1, 26-31)

Izay ataon’izao tontolo izao ho malemy no nofidin’Andriamanitra.

Ry kristianina havana,
jereo ange izato ianareo voaantso e:
tsy firy no hendry araka ny nofo,
tsy firy no mahery,
tsy firy no avo razana;
fa izay ataon’izao tontolo izao ho adala
no nofidîn’Andriamanitra hampahamenatra ny hendry;
izay ataon’izao tontolo izao ho malemy
no nofidîn’Andriamanitra hampahamenatra ny mahery;
ary izay iva razana amana faneso amin’izao tontolo izao,
dia ny atao ho tsy misy aza,
no nofidîn’Andriamanitra hahatsinontsinona ny misy,
mba tsy hisy nofo hirehareha eo anatrehan’Andriamanitra.
Fa avy aminy no maha-ao amin’i Kristy Jesoa anareo,
dia Ilay nataon’Andriamanitra fahendrena sy fahamarinana
ary fahamasinana amam-panavotana ho antsika,
mba ho tanteraka ny voasoratra hoe:

Izay mirehareha, aoka ny Tompo no ho reharehany.

— Izany àry ny tenin’ny Tompo.

Evanjely

Aleloia. Aleloia.

Misaotra Anao aho, Raiko, Tompon’ny lanitra sy ny tany,
fa nambaranao tamin’ny madinika ny tsiambaratelon’ny Fanjakanao.

Aleloia.

Evanjely Masina nosoratan’i Masindahy Matio (Mt. 5, 1-12a)

Sambatra ny mahantra am-panahy.

Tamin’izany andro izany, nony nahita ny vahoaka i Jesoa,
dia niakatra teo an-tendrombohitra, ary rehefa tafapetraka Izy,
dia nanatona Azy ny mpianany, ka niloa-bava Izy nampianatra azy nanao hoe:

“Sambatra ny mahantra am-panahy, fa azy ny Fanjakan’ny lanitra.
Sambatra ny malemy fanahy, fa izy no handova ny tany.
Sambatra izay mitomany, fa halàna alahelo.
Sambatra izay noana sy mangetaheta ny fahamarinana, fa ho voky izy.
Sambatra ny mamindra fo, fa hamindrana fo izy.
Sambatra ny madio fo, fa hahita an’Andriamanitra izy.
Sambatra ny tia fihavanana, fa hantsoina hoe zanak’Andriamanitra izy.
Sambatra ny miaritra ny fanenjehana noho ny rariny, fa azy ireo ny Fanjakan’ny lanitra.
Sambatra ianareo raha tevatevaina sy enjehina ary ampangaina lainga amin’ny ratsy rehetra noho ny amiko:
mifalia sy miravoravoa ianareo, fa lehibe ny valisoanareo any an-danitra”.

— Izany àry ny tenin’ny Tompo.

 

Lohahevitra : Vaovao

♦ Nankalaza ny alahadin'ny Tenin'Andriamanitra ny teto amin'ny Diôsezin'Antananarivo. Nankalazaina nandritra izany ny fetin'ny Fianakaviana Masina mpiaro ny Seminera Zandriny eny Ambohipo, amin'ny alalan'ny Sorona Masina no nanehoana izany... ♦ Takaitra navelan'ny rivo-doza nandalo teto amintsika, miisa 03 ny olona maty araka ny vokatra vonjy maika navaoakan'ny BNGRC omaly tamin'ny 8ora alina. Olona 06 tsy hita popoka. Mahatratra 13.180 isa ireo traboina avy amin'ny Faritra miisa 08... ♦ Miray hina mitaky ny hanokafana ny orinasa Base Toliara ny ankamaroan'ny olom-boafidy ao amin'ny Distrikan'i Toliara-II. Tohanan'ny Sefo Fokontany maherin'ny 70 isa sy ny lefiny avy amin'ny Kaominina miisa 04, ao amin'ny Distrika...

Lohahevitra : Vaovao

♦ Mihatra ny filazana miloko mavo na filazana loza manambana amin'ny fiakaran'ny rano any amin'ireo toerana manamorona ny reniranon'i Betsiboka araka ny fampitam-baovaon'ny météo androany tamin'ny 9 ora maraina... ♦ Nadikan'ny Praiministra Ntsay Christian ho endrika fanakorontanana ilay fikasàna hanao fitsipaham-pitokisana ny governemanta teny amin'ny antenimieram-pirenena... ♦ Miisa 570 ireo zaza very ary naharaisan'ny pôlisy fitarainana tamin'iny taona 2022 lasa iny... ♦ Mbola tsy nisy aloha ny fanambarana ôfisialy amin'ny handefasana ireo fiara mifono vy vita alemana any Ukraine, aorian'ny fivorian'ny vondrona tandrefana...

Sous-catégories

Malagasy

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...