Lohahevitra : Ampela mihary

Ny tontolon'ny zokiolona dia mirindra kokoa rehefa fantatra ny toe-pahasalamany, ary koa araka ny fitsaboana azy, torimaso sy ny sakafo. Ny mpitsabo no tsara toerana hilaza ny tena olana ara-pahasalamana ho an'ny olona iray. Ny atidoha, indrindra ho an'ireo ankizy sy tanora, dia tsy mandray fandraràna (AZA) loatra fa teny sy zavatra mahitsy no tena raisiny ; noho izany dia manohitra izay lazain'ny ray aman-dreny ireo sokajin-taona ireo noho ilay fandraràna tsy miraikitra firy anaty atidoha... Fandaharana "Ampela Miary" tontosaina eto amin'ny Radio Don Bosco.

Lohahevitra : Vaovao

♦ Maniry ny hisitraka ny fanohanana avy amin'ny firenena Arabo-Mitambatra amin'ny fivadihana tsikelikely amin'ny fampiasàna angovo azo havaozina i Madagasikara hoy ny Kôlônely Randrianirina Michaël raha nandahanteny tany Abu-Dhabi... ♦ Ady amin'ny mpiasam-panjakàna "Fantôme" : hanomboka anio 14 janoary ny fanisàna ireo mpiasa eny anivon'ny ministera sy sampandraharaham-panjakàna isan-tsokajiny manerana ny Faritra 24... ♦ Hotanterahana ny alahady 18 janoary 2026 eny amin'ny Ekar Katedraly Andohalo ny fotoam-bavaka ho fanokafana ny herinandro fiaraha-mivavaky ny mpino maneran--tany 2026, ho antsika eto Madagasikara...

Lohahevitra : Raki-tsarobidy

"Koa mihanta Aminao izahay, arotsahy ny Fanahinao Masina hanamasina ireto fanomezana ireto ho zary Vatana sy Ran'i Jesoa Kristy Tomponay" sady manao famantaran'ny hazofijaliana eo ambonin'ireo mofo sy divay havadika ho Vatana sy Ra ireo pretra mpitarika ; io vavaka io dia mety miova ny fomba filazana azy araka ny vavaka fisaorana na vavaka Eokaristika fa ny vontoatiny dia tsy miova... Katesizy momba ny litorjia (Ny Masina), iarahana amin'i P.  Justolat Rafaralahimboa.

Lohahevitra : Vaovao

• Mitaky ny hanafahana ny Depiote Sahondrarimalala Marie Michelle ny zanak'i Fianarantsoa. Fanosoram-potaka azy, izao mihatra aminy izao, hoy ireo ray aman-dreny any an-toerana... • Nametrahana toeram-pitsaboana sy fanavahana, na CTI, miisa dimy eto Antananarivo. Handraisana sy hanavahana ireo marary voan'ny aretina MPOX no tanjona, hoy ny fitondram-panjakana... • Marolafy ireo olana sedrain'ny orinasa sy ny indostria malagasy, raha ny fantatra nandritra ny fakan-kevitra azy ireo, hiatrehana ny fikaonan-doha ara-toekarena hotanterahana amin'ny herinandro...

Lohahevitra : Vaovao

♦ Miainga any ny hetsika fanombohana ny fanaovana ho biometrique ny mombamomba ny olom-pirenena. Hetsika tanterahin'ny Ministeran'ny Atitany, ka efa nisy ny fanentanana ny olom-pirenena hanoratra anarana ho amin'izany... ♦ Efa nanafatra vaksiny fanefitry ny MPox ny Fanjakàna Malagasy, iadiana amin'ity aretina ity. Ireo mpiasan'ny fahasalamana sy ireo marefo no hisitraka izany voaloha, hoy ny Ministry ny Fahasalamam-bahoaka omaly... ♦ Mbola afaka hisitraka ny AGOA i Madagasikara. Nankatoavin'ny Kongresy amerikanina ny volavolan-dalàna fanitarana 3 taona io fandaharan'asa io, ho an'ireo firenena afrikanina mahafeno fepetra aty atsimon'i Sahara...

Lohahevitra : Filira

Andriandramaka dia malagasy voalohany nandranto fianarana tany ivelany, ary ihany koa malagasy voalohany natao batemy. Ny Mpanjaka Tsiambany no rain'i Andriandramaka, nanjaka tao amin'ny nosy Fanjaira, Taolagnaro. Andriandramako dia zanaka lahiaivo, nalain'ny mpanjanaka Portugais am-pitaka ary nentiny nandranto fianarana tany Goa-Inde noho ny fifanarahana ara-taratasy nataon'ny rainy sy ilay Kapitenin-tsambo Paolo Rodriguez. Telo taona no faharetan'ny fianarana nataon'Andriandramaka tany Inde...

Lohahevitra : Vaovao

♦ Mitaraina ho marary indray Andriamatoa  Mamy Ravatomanga amin'ny fidirany am-ponja atsy amin'ny Nosy Maorisy. Nampita vaovao momba izany tamin'ny Fitsaràna Bail and Remand Court, omaly, ny mpisolovava azy... ♦ Mitaky ny hamotsorana tsy misy hatakandro an-dRamatoa Marie Michèlle Sahondraharimalala ny fikambanam-behivavy mpanohana azy. Valo andro omaly no nitazonana azy... ♦ Nisy trangan'aretina nendran-drajako 8 hafa indray hita, raha ny tarehimarika farany navoaky ny Ministeran'ny Fahasalamam-bahoaka. Tafakatra 207 hatramin'izao ireo tranga MPOX misy eto Madagasikara...

Lohahevitra : Vaovao

♦ Nankalaza ny andron'ny manamboninahitra ny tafika Malagasy androany, ho fanomezam-boninahitra ny soatoavina sy ny fomba amam-panao ara-miaramila, natao hanamafisana ny firahalahiana sy ny firaisan-kina eo amin'izy ireo... ♦ Mitaky ny hamoahana ny Ministry ny fanabeazam-pirenena teo aloha, sady solombavambahoaka Sahondraharimalala Marie Michèlle ny fikambanam-behivavy miara-dia sy manohana azy... ♦ Miara-miasa sy manohana ny mpiasan'ny fahasalamana ao amin'ny Hopitaly Anosiala ankehitriny ny iraka mpitsabo Sinoa ; manoloana ny ady amin'ny fiparitahan'ny valan'aretina MPOX...

Lohahevitra : Vaovao

♦ 12 janoary ny andron'ny Manamboninahitra eo anivon'ny Tafika eto Madagasikara. Nisy ny hetsika notarihan'ny filohan'ny Fanavaozana ny Repoblika, ny Colonel Randrianirina Michaël, teny amin'ny Lapam-panjakàna Iavoloha, androany maraina... ♦ Tsy tokony hiala andraikitra ny Fanjakàna amin'ny fampiakaran-karama ho an'ny sehatra tsy miankina, hoy ny Fisemare... ♦ Mafampàna ny tsy fandriam-pahalemana ao Toamasina... ♦ Mandravarava izay lalovany ny afo ankehitriny, any Patagonie-Argentine. Manodidina ny 15.000 Ha ny velaran-tany misy ala levon'ny afo...

Lohahevitra : Arofanina

--- Na dia efa tany amin’ny taona 2024 aza no velon’ahiahy amin’ny mety hisian’ilay aretina MPOX na ny NENDRAN-DRAJAKO isika teto Madagasikara, dia ny faramparan’ny volana Desambra teo vao voaporofo fa....nialoha lalana ny taona vaovao 2026...ny fisiny teto Madagasikara. MPOK, NENDRAN-DRAJAKO, fa tsy NENDRAN-DRAGIDRO araka ny nambaran’ny olona sasany. Na dia tsy ron-gisa koa aza ity aretina ity, dia fantaro fa misoko mangina ny fiparitahany ankehitriny. Mety tsara tokoa ny iray noho ny roa raha amin’ny lafiny hafa, saingy...tsy atoro ianao mpihaino fa zava-doza raha MISONGA ny isan’ireo marary. Tsy vitan’ny vava anefa izany satria toa efa malama am-bavan’ny maro ny hoe aza mandrimandry manana aretina.....aleo misoroka toa izay mitsabo, fa hindramin’ny AROFANINA kosa eto ny fandaharan’ny Dokotera eto amin’ny RDB hoe: "Andriano ny fahasalamana."

Lohahevitra : Vaovao

♦ 23 ny isan'ireo tranga voamarina ho nendran-drajako(MPOX) ka Faritra efatra no ahitàna izany, araky ny tatitra ôfisialy... ♦ Mandray anjara amin'ny fivoriana iraisam-pirenena hiresahana ny angovo any Abu-Dhabi ny filohan'ny Fanavaozana ny repoblika ny Kôlônely Michaël Randrianirina... ♦ Teratany vahiny miisa roa no tratehaka raha saika hanondrana volamena sy gidro tetsy amin'ny seranam-piaramanidina Ivato... ♦ Manao antso avo amin'ny tokony hisian'ny dinika ho an'ny fandriam-pahalemana any Syrie sy Iran ny Papa Léon XIV...

Lohahevitra : Raki-tsarobidy

Aorian'ny vavaka prefasy dia atao "Ny Masina" (Sanctus), na io tononina na hiraina. Tononkira fihobiana sy fanandratana ny halehiben'ny fahamasinan'Andriamanitra io. Io tononkira io dia tsy miova fa hoe : "Masina, Masina, Masina, ny Tompo Andriamanitry ny hery rehetra. Feno ny voninahitrao ny tany aman-danitra. Hozana any amin'ny avo indrindra... Katesizy momba ny litorjia (Ny Masina), iarahana amin'i P.  Justolat Rafaralahimboa.

Sous-catégories

Malagasy

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...