Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Ilaina ny fahaizana mifanampy ao anivon'ny ankohonana ao. Ny fifanampiana dia manamafy sy manatsara ny rivo-piaraha-monina. Ny fahaiza-mihaino sy ny fahaizana mifanampy dia mifameno. Fandaharana "mba ho vanona", tontosaina eto amin'ny radio Don Bosco, iarahana amin'i Jeneraly Désiré Ramakavelo.

Lohahevitra : Mba ho vanona
Voadika amin'ny fiteny :  Français (France) 

Mila mifanampy ny fianakaviana, ary atao zava-dehibe ilay fomba fiheverana malagasy hoe "tantsoroka sy valy tanana". Mampifanakaiky am-po ary mitondra amin'ny fifampitokisana sy ny fahatokisan-tena ny fifanampiana ary ahafahana mpampivelatra ny fahefana anaty. Fandaharana "mba ho vanona", tontosaina eto amin'ny radio Don Bosco, iarahana amin'i Jeneraly Désiré Ramakavelo.

Lohahevitra : Vaovao

♦ Na nisy aza ny krizy eran-tany sy ny voka-dratsy nateraky ny fiovan'ny toetr'andro dia vitan'i Madagasikara ny nihazona naha-marin-toerana ny toe-karena faobe hoy ny Filoha Lefitry ny Banky Iraisam-pirenena ho an'ny Faritra Afrika Atsinanana sy Atsimo, Ramatoa Victoria Kwakwa... ♦ Isan'ny sakana amin'ny fampivoarana ny indostria eto Madagasikara ny olana amin'ny angovo, ny fahasarotana amin'ny fahazoana famatsiam-bola, ary ny olana eo amin'ny hetra. Omaly ny andro natokana ho  an'ny indostria aty Afrika... ♦ Mbola nikatso hatramin'ny omaly ny fivorian'ny Loholona nikasa handinika ny lalàna mifehy ny fitantanam-bolam-panjakàna 2023 noho ny fitakiana karama volana nôvambra nataon'ny mpiasa...

Lohahevitra : Vaovao

♦ Nahemotra ho amin'ny 31 janoary 2023, ny fotoam-pitsarana an'i Mahery Lanto Manandafy, izay saika notanterahana androany... ♦ Nomarihana androany ny andro natokana ho an'ny indostria aty Afrika. Nambaran'ny Minisitra Edgard Razafindravahy, fa efa eto Madagasikara ny antsasaky ny fitaovana hananganana indostria miisa 72, manerana ny nosy... ♦ Manana andraikitra amin'ny ady atao amin'ny fihafanan'ny toe-tany ny Orange Madagascar. Nampahafantatra ny momba izany, nandritra ny tafa ho an'ny mpanao gazety, ny Tale Jeneraliny...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Manàna herin-tsaina mba hahafahana manova ny tokony hovaina sy ny azo hovaina ; manàna fahatoniana mba hahafahana manaiky izay tsy azo hovaina ; ary manàna  fahendrena mba hahafahana mamantatra ny maha samy hafa azy ireo... Tsy tokony hiankina amin'olona hafa na toe-javatra hafa ny ezaka na fanovana tokony hatao fa miankina amin'ny tenantsika irery. Ny faharesen-dahatra anaty dia mitondra ny olona iray ho amin'ny fivoarana sy ny fandrosoana. Mifanohy ary mifampiankina ny herin-tsaina sy ny fahatoniana ary ny fahendrena. Fadaharana "Ampela Miary" vokarina eto amin'ny radio Don Bosco.

Lohahevitra : Vaovao

♦ Very hasina ny Antenimieram-pirenena amin'ny fihetsik'ireo solombavambahoaka sasany, hoy ny mpikambana iray avy amin'ny antoko TGV. Misy amin'izy ireo, hoy izy, no tsy manao ny asany fa variana misolelaka amin'ireo ministra eo anivon'ny Governemanta... ♦ Ahiana sahady ny mety hisian'ny fianjeran'ny vato sy fihotsahan'ny tany eny ambanin'Ampahamarinana sy ny manodidina. Mponina maherin'ny 2.600 no mety hafindra fonenana, aorian'ny fametrahan'ny BNGRC saina mena eny an-toerana... ♦ Hotsenaina amin'ny fomba makotroka etsy Ivato anio tolak'andro ireo mpilalaon'ny ekipam-pirenena malagasy, tomponddaka sy tompondaka lefitr'i Afrika eo amin'ny Basket 3x3 ny faran'ny herinandro teo...

Lohahevitra : Vaovao

♦ Mandrisika ny fanetsehana ireo mpiara-miombon'antoka amin'ny fanatanterahana ny PEM ny Banky Iraisam-pirenena. Nisongadina izany omaly tamin'ny dinik'asa niarahana tamin'ny Filoha lefiny, izay mamita iraka eto Madagasikara... ♦ Mandrahona ny hanamafy ny fitokonany ireo mpiasan'ny Antenieran-doholona tsy nandray karama volana nôvambra. Nibodo ireo efitrano fivoriana roa eny amin'ny Lapan'Anosikely izy ireo omaly... ♦ Miakatra ny isan'ireo olona voan'ny Covid-19 sy tratry ny tazo mahery eto amintsika, raha ny filazan'ireo mpitsabo. Tsy tokony hampitebiteby be ity aretina ity, fa manomboka manana hery fiarovana ny rehetra, hoy izy ireo...

Lohahevitra : Vaovao

♦ Mbola tsy nandray karama volana nôvambra hatramin'ny androany, ireo mpiasan'ny Antenimieran-doholona. Mandrahona ny hanamafy ny hetsika izy ireo ny alarobia izao... ♦ Very vola hatrany amin'ny 16 tapitrisa Dolara isan-taona, i Madagasikara, noho ny jono tsy ara-dalana amin'ny sisin-dranomasina... ♦ Ahiana hampahazo vahana ny famotsiam-bola sy ny famatsiam-bola amin'ny asa fampihorohoroana, ny fitomboan'ny fifanakalozam-bola eto Madagasikara...

Lohahevitra : Miara-dalana

♦ Mbola manavao ny fanantenana ataony, mba hanohizana ny vavaka ho an'ny fangatahana ny hanandratana ho olomasina an'i Victoire Rasoamanarivo, ny raiamandreny eo anivon'ny Eglizy Katôlika eto Madagasikara... ♦ Kristianina manodidina ny 1800 no niatrika ny fihatahana masina tao amin'ny Distrikan'i Brickaville, Kaominina Andovoranto, izay toerana nahafatesan'i Mgr Henri de Solages... ♦ Hofaranana ny 15 hatramin'ny 17 desambra 2022, ny fankalazana ny faha-60 taona niorenan'ny Lycée Catholique Sainte Chantal, Soanierana...

Lohahevitra : Vaovao

♦ Mivahiny eto Madagasikara hatramin'ny alarobia ho avy izao ny Filoha Lefitry ny Banky Iraisam-pirenena misahana an'i Afrika-atsinanana sy atsimo Victoria Kwakwa. Hihaona amin'ny Filohan'ny Repoblika izy amin'izao fitsidihany izao... ♦ Misy amin'ireo mpiasa tokony hisitraka ilay karama farany ambany 250.000 Ariary no mbola tsy naharay ny tambim-panampiana famenony 33.000 Ariary isam-bolana avy amin'ny Fanjakàna... ♦ Nanomboka androany atsy Maurice ny andiany faha-12 amin'ny lalaon'ny vaomieran'ny tanora sy ny fanatanjahatena ho an'ny ranomasimbe indiana na ny CJSOI izay natokana ho an'ny 14 taona hatramin'ny 17 taona. Tsy mandray ary tsy manana solontena amin'izany i Madagasikara...

Lohahevitra : Filira

Ny valy tanana dia hatarafana ny fihavanana sy ny firaisan-kina ary fe-pihavanana. Ny valy tanana dia hita eny amin'ny lafiny arak'asa toy ny fikarakarana fambolena sy ny fanorenana foto-drafitrasa ; eo koa ny amin'ny lafin'ny fifandraisana ara-piaraha-monina toy ny fahoriana sy ny fifaliana. Tsy tontosa ny valy tanana raha tsy eo ny fokonolona, ity farany izay faritana ho vahoaka mpandray andraikitra. Ny tanjona amin'ny valy tanana dia ny soa iombonana. Valy tanana dia azo adika ihany koa hoe takonana na asa tanamaro. Tamin'ny andro nanjakan'i Mpanjaka Andrianampoinimerina no namoahana io didim-pihavanana io, izay niainga tamin'ny rafitra fokonolona, azo ambara fa haren-tsaina avy amin'io mpanjaka io ihany...

Lohahevitra : Filira

Ny hay famoronana resahana eto dia ilay vokatry ny saina tia karokaroka nataon'ireo mpanoratra namorona anaran-dahabolana ankoatra ireo efa nisy. Ohatra amin'izy ireny : Tôkalo, Vaninkalo, Sôvaramita, Riankalo. Nisy ny olona namorona ireo voalaza ireo araka izao manaraka izao : Tôkalo noforonon'i Radialf, ny Vaninkalo dia Mhef Bloh, ny Sôvaramita dia asa sain'i Ra-Phi ary ny Riankalo dia an'i Ranoë. Ny Tôkalo dia fifamenoana eo amin'ny tôkatôka sy ny tononkalo ka nasiana fiverenana fehezanteny eny antsefatsefaky ny tononkalo ary ny mpanatrika no manonona an'ilay fiverenana isan'andininy. Ny Vaninkalo dia  tononkalo mila vaniny amin'ny lafiny maro. Ny Sôvaramita dia sôva mingadona kidaombaramitakidaomità...

Sous-catégories

Malagasy

Harena ny harena raha mamokatra ary mamokatra ho an'ny besinimaro

Ho an'ny tompon'andraikitra isan'ambaratonga eto amin'ny firenena, Ho an'ny vahoaka Malagasy sy ireo olona tsara sitrapo. Homba anareo mandrakariva anie ny fahasoavana amam-piadanana avy amin'i Jesoa Kristy Tompo ! Indroa isan-taona no manao fihaonana lehibe (Assemblée Générale) izahay Vaomieran'ny Eveka momba ny fahamarinana sy fiadanana (Justice et Paix) cto Madagasikara. Tamin'ity taona 2025 ity dia notanterahina ny 08 May ka hatramin'ny 12 May ny fihaonanavoalohany teto Madiorano - Diosezy Toliara....

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...