Lohahevitra : Vaovao

• Tsy maintsy hatao ny fikaonandoham-pirenena, ary efa miasa amin'ny fanomanana izany ny FFKM amin'izao, hoy ny Filohan'ny Fanavaozana ny Repoblikan'i Madagasikara... • Nihemotra ho amin'ny fotoana manaraka mbola tsy voafaritra, ny famoahan'ny Fitsarana Tampony ny didy momba ny fitoriana nataon'Andriamatoa Tojo Ravalomanana, tsy nanaiky ny voka-pifidianana Ben'ny Tanana ho an'ny Kaominina Antananarivo Renivohitra... • Sehatr'asa enina no omena laharam-pahamehana ao anatin'ny LFI, lalana lasitra hifehy ny tetibolam-panjakana, ho an'ny taona 2026...

Lohahevitra : Vaovao

♦ Tanterahana nanomboka androany haharitra telo andro eny Mandriamena ny fikaonan-doham-pirenena kristiana, tonga namaly antso ny filohan'ny fanavaozana ny repoblika sy ireo mpanolontsaina avo... ♦ Anio tolak'andro amin'ny roa ora no hiverina hiakatra eny amin'ny Fitsarana Antampony ny raharaha fitorian'Andriamatoa Tojo Ravalomanana ny ben'ny tanànan'Antananarivo Harilala Ramanantsoa... ♦ Nanao sakan-dalana nitaky ny hamerenana ny "Casseur de vitesse" eny amin'ny lalana Francophonie sy kianjan'i Makis ireo mponina teny amin'ny manodidina noho ny fisian'ny lozam-pifamoivoizana matetika eny an-toerana...

Lohahevitra : Ampela mihary

Tato anatin'ity telo volana voalohany amin'ny taom-pianarana ity dia maro ireo tsy fahatomombanana ara-potoana sy ara-pampianarana noho ireo fitokonana ; maro ireo sekoly no tamin'ny 10 novambra vao tena nianatra. Ireo mandrafitra ny telozoron'ny fanabeazana dia manana adidy hampaomby ny fanabeazana sy fampianarana. Ny Mpisehatra amin'ny fanabeazana dia manana adidy hampahery ny mpianatra manoloana ny famitàna tetiandro-pampianarana... Fandaharana "Ampela Miary" tontosaina eto amin'ny Radio Don Bosco.

Lohahevitra : Vaovao

♦ Hampahafantarin'ny Ministry ny toe-karena sy ny fitantanam-bola eny Tsimbazaza anio ny volavolan-dalàna mifehy ny teti-bolam-panjakàna 2026... ♦ Anjaran'ny eny amin'ny antenimieran-doholona amin'ity alarobia ity no handray ny Praiministra Herintsalama Rajaonarivelo hamelabelatra sy hampahafanta ny pôlitika ankapoben'ny Fanjakàna (PGE)... ♦ Nahitana vato sarobidy milanja 30 kg nafenina tao amin'ny lapam-panjakàna Ambohitsirohitra, ny ampahatelon'io vato sarobidy io no fantatra fa Emeraude... ♦ Olona miisa no voasambotra tamin'ilay raharaha fikasana hamono ny lehiben'ny fampanohavana tao Bruxelle ny talata 18 novambra 2025...

Lohahevitra : Raki-tsarobidy

Aoka ny Eveka sy ny pretra hampianatra sy hanofana ny vahoaka mba hahalala sy handray anjara tsara amin'ny Litorjia. ohatra : Fanofanana ny vaomieran'ny Litorjia isa-paroasy. Mila katesizy Litorjika ho an'ny mpino, manaza ny dikan'ny Eokaristia sy ny vavaka isan-karazany, ny sakramenta ny taom-piangonana. Tokony ho fantatry ny mpino fa izy rehetra dia mandray anjara amin'ny asan'i Kristy... Katesizy momba ny Fanaingana ny olona hiofana momba ny Litorjia, iarahana amin'i P. Herizo Ramamonjisoa.

Lohahevitra : Raki-tsarobidy

Aoka ny fikambanana sy ny ivon-toerana momba ny fianarana litorjika hiorina sy hanampy amin'ny fanavaozana. Tokony hisy "centre de liturgie" isam-piangonana na amin'ny ambaratonga nasiônaly, hanomana sy hanofana ireo mpitarika. Ny fanabeazana litorjika dia andraikitra iraisan'ny Eglizy manontolo, tsy an'ny seminera na pretra irery... Katesizy momba ny Fanaingana ny olona hiofana momba ny Litorjia, iarahana amin'i P. Herizo Ramamonjisoa.

Lohahevitra : Vaovao

• Fandaharan'asa mifototra amin'ny fanavaozana ifotony, ahitana taratra ny hetahetan'ny vahoaka no isan'ny voafaritra ao anatin'ny PGE, izay novelabelarin'ny Praiminisitra Herintsalama Rajaonarivelo androany, teny amin'ny Lapan'ny Antenimieram-pirenena... • Tsy napetraka amin'ny toerana voatokana, fa miaraka amin'ny daholobe ao amin'ny fonjan'Antanimora, Ramatoa Rinah Rakotomanga, noho izy hatahorana hanao herisetra, raha ny fanazavana nentin'ny Minisitry ny Fitsarana androany...

Lohahevitra : Vaovao

♦ Ny fanovan-drafitra, ny fanarenana ara-tsôsialy sy ara-toe-karena. Ireo no ifantohan'ny Fandaharan'asa ankapoben'ny Fanjakàna, izay novelabelarin'ny Praiministra teny Tsimbazaza ny antoandro teo... ♦ Tokony 1.500.000 Ariary ny karama farany ambany eto Madagasikara hoy ny FISEMARE. Nandrafitra kajikajy "Budget type", nahazoana izay famaritana fampiakarana karama izay ity sendikà ity... ♦ Sokatra 56 isa saika haondrana antsokosoko any Vietnam no tra-tehaky ny fadin-tseranana tao amin'ny seranam-piaramanidina Nosy-Be. Sidin'ny Ethiopian Airlines no saika hitondràna ireto biby malagasy, arovana ireto...

Lohahevitra : Zava-misy

Ny "gaotra" dia fiakaran'ny "acide urique" vokatry ny sakafo matsiro fa tsy sakafo matavy matetika, izay afangaron'ny olona anefa samy hafa. Matetika dia olona efa nahazo taona, tia hena mena no mararin'ny gaotra. Ohatra : hen'omby... Fandaharana "Zava-misy" iarahana Docteur RAMANANDRAIBE, fandaharana atolotr'i Rasamimanana Marc.

Lohahevitra : Filira

Ny "korambe" dia karazan-dahabolana miendrika tantara fohy fanaon'ny foko betsimisaraka-avaratra, ao amin'ny faritra Analanjirofo sy ny manodidina. Lahabolana entina manalanala andro, izay mety hitarika ady hevitra na fampihomehezana. Mitovitovy amin'ny angano izy saingy fohy. Korana = resaka na resadresaka, ahazoana matoanteny hoe " mikorana - miresaka - mitafatafa". Matetika, manomboka amina fanontaniana ary miafara amina fanontaniana ny fitantarana mba hiteraka ady hevitra ; maharitra 3-5 minitra ny faharetan'ny tantara iray...

Lohahevitra : Vaovao

♦ Hampahafantatra ny pôlitika ankapoben'ny Fanjakàna eny Tsimbazaza anio ny Praiministra Herintsalama Rajaonarivelo. Hovoaboasana amin'izany ireo laharam-pahamehan amin'ny fitakiam-bahoaka... ♦ Ministra miisa 6 indray omaly no nampahafantatra ny vinany tamin'ireo Solombavambahoaka nandritra ny fiantsoana azy ireo teny Tsimbazaza... ♦ Tsara ny vokatra azon'ny Barean'ny Madagasikara omaly tamin'ny lalao ara-pirahalahiana tany Turquie. Lalao nafahana nanandrana tetik'ady vaovao, hiatrika ny fifanitsanana CAN 2027 amin'ny volana marsa... ♦ Mila famatsiam-bola hatrany amin'ny 70 miliara Euro i Eukraine mandritra ny taona 2026, hiatrehana ady amin'i Rosia...

Lohahevitra : Raki-tsarobidy

Aoka ny Eveka hikarakara mba hisy fiofanana litorjika ho an'ny pretra efa miasa amin'ny asa pastoraly. Mila fampahatsiahivana sy fanavaozana tsy tapaka ny pretra amin'ny fankalazana. Tokony hisy fivoriana, fianarana, retraites spirituelles ho amin'ny fanavaozana ny fahaiza-mitarika amin'ny Litorjia. Ny pretra dia miaina ao anatin'ny fanavaozana mitohy... Katesizy momba ny Fanaingana ny olona hiofana momba ny Litorjia, iarahana amin'i P. Herizo Ramamonjisoa.

Sous-catégories

Malagasy

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...