Lohahevitra : Ampela mihary

Mandritry ny fanabeazana ireo ankizy sy zavatovo dia efa atomboka ny famolavolana azy ho amin'ny adidy sy andraikitra maha olon-dehibe sy ny ha-olon-dehibe. Raha fianakaviana tsy ampy fifaneraserana sy fifanankalozan-kevitra dia mety ho olana ho an'ny fanabeazana satria hahazo vahana kokoa ny toro-hevitra sadasada any amin'ny fiahara-monina ivelan'ny tokantrano. Ilaina araka izany ny fifankahazoana am-po eo amin'ny mpianakavy... Fandaharana "Ampela Mihary" tontosaina eto amin'ny Radio Don Bosco.

Lohahevitra : Filira

Karazan'olona efa nisy fahagola teto Madagasikara ny Vazimba ary azo heverina fa razamben'ny Malagasy. Olombelona toy ny olona rehetra ny Vazimba, fa manana fomba sy fiaina miavaka sy manaja fady sy fomba ka manana fanomezam-pahasoavana mahavita miaina sy miresaka amin'ny tontolo ara-panahy sy Andriamanitra - Andriananahary. Mbola maro ny tarana-bazimba sy ny toerana misy azy ireny : Ambohimanarina, Andranoro, Ambohibao. Ny Kalanoro sy ny Vazimba dia misy ifandraisany ary tombanana ho taranaka iray ihany...

Lohahevitra : Vaovao

♦ Nodisoin'ny Ministry ny Fitsaràna ny filazàna fa tsy afaka nitsabo tena, tany amin'ny Fonja nitazonana azy Ramatoa Rinah Rakotomanga. Nanazava ny momba izay sy ny raharaha Naivo Raholdina ihany koa Ramatoa Fanirisoa Ernaivo, omaly... ♦ Nametra-pialàna omaly ny ben'ny tanànan'ny Kaominina Antsirabe Ambonivohitra, noho ny ambarany fa fikatsahana fitoniana... ♦ Hisy ny fanomezana laharana tokana famantarana ho an'ny mpianatra anatin'ny tetik'asa Prodigy. Mpianatra maherin'ny 4.000.000 no voasoratra hatramin'ny faran'ny volana jona 2026...

Lohahevitra : Raki-tsarobidy

Ny anambadian-ko namana, ny hiterahan-ko dimby. Na tsy misy aza ny zaza dia maharitra ny fanambadiana ary tsy azo ravana. Toetra voajanaharin'ny fanambadiana ny fiterahana. Fanomezana tsara indrindra avy amin'ny fanambadiana ny zanaka. Fahasoavana lehibe avy amin'Andriamanitra ho an'ny mpivady ny zanaka... Katesizy momba ny foto-pampianaran'ny Eglizy " Tsimbinina ny fahamendehan'ny fanambadiana sy ny fianakaviana ", iarahana amin'i P. Rarivoson Aurélien.

Lohahevitra : Vaovao

♦ Natomboka ôfisialy androany tany amin'ny CEG Ambodifarihy Ambatolampy ny tetik'asa hisitrahan'ireo mpianatra ny laharana Tokana Famantarana ny Mpianatra (N.U.I.S)... ♦ Nametra-pialana androany noho ny ambarany ho fikatsahana fitoniana ny ben'ny tanàna an'ny Kaominina Antsirabe ambonivohitra, Docteur Unoh... ♦ Afaka nisitraka ny zony tamin'ny fanaraha-maso ny fahasalamany i Rinah Rakomanga ary henjehina noho ny fangalaran-tany kosa i Naivo Raholdina hoy ny Ministry ny Fitsaràna, androany... ♦ Tsy mbola hita taratra hatramin'izao ny ho fiafaran'ny ady any Soudan, izay efa ho 4taona...

Lohahevitra : Vaovao

♦ Hiandrasana fiaraha-miasa mandritra ilay fivoriambe "Africa Forwoard" atao any Naïrobi Kenya manomboka androany ary hitohy rahampitso ny fanamboarana ireo foto-drafitr'asa stratejika eto Madagasikara... ♦ Nilanja sora-baventy niazo ny lapan'ny tanàna Analakely manohitra ny famindra-toerana azy, ireo mpivarotra amoron-dàlana eo amin'ny Petite-Vitesse... ♦ Hirosoana ny fanamboaran-dàlana ao Tsiroanomandidy mivoaka an'i Maintirano hoy ny Lehiben'ny Faritr'i Bongolava mpisolo toerana... ♦ Nanentana ny rehetra tsy hitazam-potsiny ireo karazana fijaliana iainan'izao tontolo izao ny Cardinal Pietro Parolin...

Lohahevitra : Vaovao

♦ Nahavita fakan-kevitra ho enti-miatrika ny fikaonan-doham-pirenena ary hatolotra ny filohan'ny fanavaozana ny repoblika natao ny faran'ny herinandro teo teto Antananarivo ny Ivon'ny Fanavaozana ny Repoblika (IFR)... ♦ Hatsangana amin'ity alatsinainy faha-11 mey 2026 ity, ny kômity hisahana ny fanatsaràna ny toby fiantsonana eny amin'ny fasan-karana... ♦ Fitrandrahana antsokosoko hazo sarobidy : Olona miisa 20 tra-tehaka tao anatin'ny alan'i Ampatakamaroreny-Mandritsara niaraka tamin'ny voamboana miisa 50 sy tracteurs miisa 2... ♦ Nandray ny toerana maha Praiministra an'i Hongrie azy Andriamatoa Peter Magyar...

Lohahevitra : Raki-tsarobidy

Ny fifanomezan-tena ataon'ny mpivady amin'ny firaisana ara-nofo dia mitondra hafaliana sy fankasitrahana fa tsy maintsy ataon'izy ireo amin'ny fomba mendrika izany fa tsy sanatria manaonao foana mandika ny lalàn'ny natiora. Tena ambony ny hasin'ny fanambadiana kristiana, tonga vavolombelona manambara ny tsy fivadihana sy fitanana ny fifanarahana natao ny fahafoizan-tena ataon'ny mpivady manabe sy manolokolo ireo zanany... Katesizy momba ny foto-pampianaran'ny Eglizy " Tsimbinina ny fahamendehan'ny fanambadiana sy ny fianakaviana ", iarahana amin'i P. Rarivoson Aurélien.

Lohahevitra : Vaovao

♦ Miisa 6 ireo olona nampidirina am-ponja vonjimaika noho ilay raharaha fanapahana ny lohan'ilay vehivavy tompon'ny Hotely any Mananjary... ♦ Efa eo am-pamolavolana tanteraka ny lalàna mifehy ny teti-bolam-panjakàna nasiam-panitsiana ny governemanta ankehitriny... ♦ Hisy ny fanokafana ny lalana eny Mahamasina mialoha ny fetim-pirenena ho fitsinjovana ireo mpampiasa lalana. Ny 14% amin'ny asa no vita ankehitriny... ♦ Tsy mbola ahitana taratra ny mety ho fanarenana ny ao amin'ny faritra Gaza, 7 volana aty aorian'ny nampitsaharana ny ady...

Lohahevitra : Vatsim-panahy

Alahady faha-6 - Taona A fankalazana ny Paka - Ny Fanahy Masina no manohy ny asan’i Kristy ; Raha misy tia Ahy ka mitandrina ny teniko, hoy ny Tompo, dia ho tian’ny Raiko izy, ka hankao aminy Izahay ary honina ao aminy. Harivan'ny nanasan'i Jesoa Kristy ny tongotry ny mpianatra no nanaovany ity fampianarana ity, izay nanomezany ny didy dia ny "fitiavana", ity Evanjely ity dia mirakitra ny didim-pananan'i Jesoa, momba ny fitiavana. Fifandraisan'ny fitiavana sy ny fankatoavana ; ny fisehoan'ny fitiavana an'i Kristy dia ny fitandremana ny didiny...

Lohahevitra : Andriano ny fahasalamana

Ny Sohika dia aretin'ny taova-pisefoana, ka ny mpitsabo Pneumologue - Allergologue no havanana amin'ny fitsoina ity aretina ity. Manomboka amin'ny fahavalo volan'ny zaza dia mety efa hisehoan'ity aretina ity. Mety hisy fahasarotana ho an'ireo zaza mararin'ny Sohika anefa misy ny fampianarana ireo ray aman-dreny mba hanampy azy ireo. Fambara : Rehefa mikohota dia mety ahazo rehoka fotsy, misy feo ny tratra, reraka ary tsy mahita tory firy amin'ny alina, malain-komana... Fandaharana "Andriano ny fahasalamana", tontosaina eto amin'ny radio Don Bosco.

Lohahevitra : Vaovao

♦ Tsy hikitika ny lisi-pifidianana teo aloha intsony fa hiroso amin'ny fanavaozana manontolo ny lisi-pifidianana ny CENI, ho famaliana ny tsikeran'ny vahoaka momba ny fifidianana hoy ny filohan'ny, Thierry Rakotonarivo... ♦ Hitohy anio ny kongresy nasiônalin'ny Antoko GRAD Iloafo. Voaresaka amin'izany ny firosoana amin'ny fiovan-drafitra eto amin'ny firenena sy ny fandrafetana lalam-panorenana vaovao... ♦ Hanokana roa andro hankalazana ny andro eran-tany ho an'ny tontolo iainana amin'ity taona ity ny ministeran'ny fampianarana ambony sy ny fikarohana ara-tsiansa., hatao eny Analakely ny 5-6 jona ho avy izao...

Sous-catégories

Vaovao

Arofanina

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...