Lohahevitra : Vaovao

♦ Disadisa efa nihotrika teo amin'ny samy fianakaviana no nitarika ilay fety nitera-doza teny amin'ny sampanana Hihazo an'i Imerinkasinina-Ambohimalaza. Datura sy Belladone ireo zava-maniry nampiasaina ka nahafaty sy namparary ireo nahinana ny sakafo... ♦ Handalo fitsarana eny Anosy anio ny raharaham-pitsarana momba ny fifidianana ben'ny tanàna tany Toliara-I. Tsy maintsy hanao tatitra amin'ny vahoaka amin'izany didy hivoaka izany ny kandidà sy ny mpiaradia aminy... ♦ Hampidirin'ny Kaominina Antananarivo ao anatin'ny rafitra manara-dalàna amin'izay ny taxi-moto, miasa amin'ny fitanteram-bahoaka ao an-drenivohitra...

Lohahevitra : Vaovao

♦ Nanao hetsika teny Anosy androany ireo manana ny maty, noho ny raharaha fanapoizinana teny Ambohimalaza. Mitaky ny hivoahan'ny marina momba ny poizina nahafaty ny havany izy ireo... ♦ Hatao rahampitso eny Anosy ny raharaham-pitsarana momba ny fifidianana ben'ny tanàna tany Toliara. Mitombona ny porofo napetraka hoy ny kandidàn'ny mpanohitra, Frérot l'homme noir, androany... ♦ Misy amin'ireo mpiadina no namarana tanteraka ny fanadinana Bakalôrea androany. Samy nanan'ny filazany momba ireo laza adina niadinana tamin'ny ankapobeny, izy ireo... ♦ Nianjera tany atsinanan'i Rosia androany maraina ny fiaramanidina Antonov, nitondra olona 49...

Lohahevitra : Vaovao

♦ Hotanterahana ny 28 jolay hatramin'ny 01 aogositra izao ny herinandron'ny fampiroboroboana ny indostria. Tafiditra amin'ny fandraisan'i Madagasikara ny fihaonana an-tampon'ny SADC andiany faha-45 ity hetsika ara-toekarena ity... ♦ Mihena ny voka-bary tamin'ny faritra maro tamin'ity taona ity, isan'izany ny tao amin'ny Faritra Vakinankaratra. Zara raha nahazo iray taonina ny tantsaha raha nampiakatra 5taonina isaky ny Hektara teo aloha... ♦ Nametraka andriamasom-pokonolona maharitra nomena ny anarana Voromahery ny ao amin'ny Kaominina Ankilimalinike-Toliara-II, manoloana ny tsy fandriam-pahalemana mihatra amin'ny mponina...

Lohahevitra : Mba ho vanona

Ny fanabeazana olom-pirenena dia fampahafantarana azy ny zony. Ny hoe verezin-jo dia ireo olona ampidinina amin'ny laharana ambany noho izay efa misy azy. Tsy ny mpanao pôlitika irery no mila mandray andraikitra amin'ny fampandrosoana ny firenena fa ny olom-pirenena rehetra. Ny olona manam-bola ankehitriny no maro mitantan-draharaha fa tsy ireo olona nianatra sy manana traik'efa ; ilaina hampianarina any an-tsekoly ny "pôlitika" amin'ny maha hay fitantanana ny tanàna azy... Fandaharana "mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao

♦ Olona maromaro no efa nahiditra am-ponja sy hanaovana fanadihadiana momba ny fisolokiana amin'ny fanadinana Bakalôrea hoy ny Ministry ny Fampianarana ambony sy ny fikarohana ara-tsiansa. Tsy mbola misy hoy izy fivoahan'ny laza adina mialohan'ny fotoana... ♦ Niatrika ny mpitsara mpanao famotorana teny Anosy omaly ireo fianakaviana manana maty nametraka fitoriana noho ny raharaha fanapoizinana ara-tsakafo nitranga teny Ambohimalaza... ♦ Vonona amin'ny fandraisana ny fihaonana an-tampon'ny SADC andiany faha-45 i Madagasikara hoy ny Ministry ny raharaham-bahiny... 

Lohahevitra : Raki-tsarobidy

Mety hisy fiheverana tokoa ary maro mihitsy aza no manontany hoe tsy afaka miaina amin'ny tena maha-olona azy ny relijiozy. Tsy misakana velively ny fivelaran'ny maha-olona ny fanarahana ny torohevitry ny Vaovao Mahafaly, fa vao mainka azy tena mahasoa azy, na dia eo aza ny famoizana ireo haren'ny tany. Ny fandraisana ny torohevitry ny Vaovao Mahafaly dia manadio ny fo... Katesizy momba ny relijiozy, iarahana amin'i P. Eric Franck Randriamiandrinirinarivo.

Lohahevitra : Vaovao

♦ Misy ireo olona nosamborina noho ny fisandohana ho mpiadina bakalôrea, tao koa ireo mpiadina nanao hosoka tsy afaka nanohy ny fanadinana intsony, ankoatra ireo nisoloky amin'ny laza adina izay efa notazomina am-ponja... ♦ Tanjon'ny fitoriana ataon'ny fianakavin'ireo lasibatry ny raharaha sampana hihazo Imerinkasinina-Ambohimalaza ny hamantarana ny marina indrindra ny hampiharana ny lalàna amin'ireo rehetra voakasika tamin'iny raharaha iny hoy ny mpisolovava... ♦ Efa vonona i Madagasikara hampiantrano ny fihaonana an-tampon'ny SADC andiany faha-45 hoy ny avy amin'ny fitondram-panjakàna androany...

Lohahevitra : Vaovao

♦ Tsy voafehin'ny mpitondra ny tontolon'ny serasera tamin'ilay raharaha Ambohimalaza, tsy vahaolana velively ny fanakatonam-baravarana ny mpanao gazety manao ny asany hoy ny filohan'ny vaomieran'ny serasera eny anivon'ny antenimieram-pirenena... ♦ Nahitàna FESO na DAUPHIN 22 maty tao amin'ny Baie de Besikidy any amin'ny fari-dranomasina arovana ao amin'ny nosy HARA any Avaratr'i Madagasikara ny alatsinainy 21 jolay lasa teo... ♦ Hiroso amin'ny fanaovana lavanty ampahibemaso ireo fiara nogiazany afaka roa volana ny ARAI... ♦ Nosamborina noho ny fahitàna singa misy "plomb" tamin'ny sakafo ho an'ny mpianatra ny talen-tsekoly iray any Chine...

Lohahevitra : Vaovao

♦ Nanao fanambarana fiaraha-mientana hiatrehana ny fahamaizan'ny tsena Sabotsy-Antsirabe ny Evekan'Antsirabe Mgr Andriantsoavina Jean Pascal... ♦ Hitohy anio eny amin'ny Fitsaràna ambaratonga voalohany Anosy ny fihainoana ireo fianakavian'ireo maty nandritra ny raharaha Ambohimalaza. Izy ireo izay isany nametraka fitoriana an'i Fenohasina sy ny reniny... ♦ Nisy indray ny fihaonana niarahan'ny solontenan'ny mpiasan'ny JIRAMA sy ny Filoha Malagasy izay natao teny amin'ny Lapan'Ambohitsirohitra, omaly talata 22 jolay 2025... ♦ Niala tsy ho mpikambana eo anivon'ny UNESCO fanindroany indray ny Amerikanina rehefa niverina ho mpikambana 2 taona lasa izay...

Lohahevitra : Raki-tsarobidy

Ny fitoriana ny Fanjakàn'Andriamanitra amin'ny vahoaka nataon'i Jesoa dia tohizan'ny relijiozy amin'ireo manodidina azy. Tahaka izany koa ny fanasitranana ny marary. Tsy zovina amintsika ny fisian'ireo toeram-pitsaboana sy fikarakarana marary sahanin'ireo relijiozy sasany. Ny fitaomana ny olona hibebaka ka hanaovany soa, tahaka ny nataon'i Jesoa no isan'ny anjara adidin'ny relijiozy... Katesizy momba ny relijiozy, iarahana amin'i P. Eric Franck Randriamiandrinirinarivo.

Lohahevitra : Vaovao

• Mitaky ny hamoahana amin'ny fomba mangarahara ny valim-panadihadiana momba ny fanapoizinana ara-tsakafo nitranga tamin'ny faritra maro teto amin'ny nosy, ny vondron'ny fiarahamonim-pirenena 400 isa. Miendrika fanodikondinana saim-bahoaka ny famoahana ny vaovao, hoy izy ireo... • Manara-maso akaiky ny fanadinana Bakalorea, ny Minisitry ny Fampianarana Ambaratonga Ambony sy ny Fikarohana ara-tsiansa. Nampahatsiahiviny an'ireo lehiben'ny foibem-panadinana sy ireo mpampianatra mpanara-maso ny fanadinana, fa zava-dehibe ny fanarahana ireo toromarika efa nomena... • Tonga nankahery sy nametraka fandaminana ho an'ireo mpivarotra, ny teo anivon'ny Kaominina Ambonivohitra Antsirabe androany maraina, manoloana ny fahamaizan'ny tsena Sabotsy...

Lohahevitra : Vaovao

♦ Hitondra tatitra sy hanazava amin'ny vahoaka momba ny raharaha Ambohimalaza ny ministra tompon'andraikitra sy ny filoha ny alakamisy izao. Handeha mivantana amin'ny haino aman-jerim-panjakàna izany... ♦ Handray fepetra ny Ministera momba ny fihetsika ataon'ireo mpitsabo sasany eny anivon'ny hôpitalim-panjakàna. Hanazava ny momba izay eto ny Ministry ny fahasalamam-bahoaka amin'izao vaovao izao... ♦ Rava hatrany amin'ny 90% ny tsenanà Sabotsy-Antsirabe, raha ny tombana, vokatry ny fahamaizana, omaly hariva. Misy tamin'ireo mpivarotra no tsy nandroaka afatsy lavenona ny entam-barony, androany maraina...

Sous-catégories

Vaovao

Arofanina

[Miara-dàlana] Zoma 1 aogositra 2025

• Mila mpitondra hafatra ho an'ny fanantenana izao tontolo izao, hoy ny Ray masina, tamin'ny fanokafana ny Jobilin'ny Tanora ny 29 jolay 2025... • Nosokafana androany maraina, tao amin'ny Distrikan'i Mahitsy, ny Jobilin'ny Tanora sy Andron'ny Tanora eto amin'ny Diosezin'Antananarivo... • Nankalaza ny Taon-jobily ihany koa ny tao amin'ny Diosezin'i Port-Bergé, ny Tanora tao amin'ny Faritra Androna...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...